Stígandi - 01.07.1943, Page 15

SIGURJÓN FRIÐJÓNSSON:
VERÐI LJÓS
í hverja morgunroða rós
er ritað: Verði ljós.
Við dagslok hver dvínar þess styrkur
það rennur úr roða í myrkur.
Hjaðningavíg um allan aldur
eiga þar Hörður og Baldur.
Og alltaf á morgunroðans rós
sitt ritmerki: Verði ljós.
í ÁLFHEIMUM
í góðu veðri gekk ég mig;
gekk í álfarann.
Heyrði rokkhljóð; heyrði söng.
Huldukona spann.
í góðu veðri gekk ég mig;
gekk til fjallahlíða.
Heyrði rokkhljóð; heyrði söng.
Hljómurinn barst svo víða.
I góðu veðri gekk ég mig;
gekk í álfarann.
En huldukonan — hvar var hún
sem hamingjuþráðinn spann?