Stígandi - 01.07.1943, Síða 27

STÍGANDI
GUÐMUNDUR FRÍMANN:
ÞJÓÐVÍSA
Með leynd þú hvarfst inn í bernskunnar blótskóg,
og blóð þitt niðandi um æðar þér rann,
og rauður ástríðu eldur
ákaft í hjarta þíns myrkviði brann. —
Um þig varð kvæðið um konungssoninn,
sem hvítustu lilju skógarins fann.
Hinn tæri, vaðblái vorhiminn hvelfdist
um vonir ykkar og haminjuspár.
í skógi svartþrestir sungu
söngva um hjartnanna leyndustu þrár.
En óður blóðsins var öllum dýrri,
svo örlagaglettinn og tregasár.
Sem ljóssins álfur hún léttstíg þér fylgdi
svo langt sem þú vildir. Með brúðarsveig
og kórónu úr villiviði
liún vordansinn hlæjandi með þér steig,
unz ölvuð af sælu og sólskinsdraumum
hún síðast að fótum þér örmagna hneig.