Fréttablaðið - 04.05.2013, Page 18

Atli Sigþórsson, tónlistarmaður og skáld
Grúsk og nóvella
Helgin mín byrjaði á nornamessu fyrir Nunna Super-
cut Konn með sveimnum mínum. Laugardagurinn fer
í grúsk í Nýal og svo dálítið rommsull fyrir svefninn.
Á sunnudag ætla ég loks að vinna í nóvellunni
minni, Hinni svörtu útsendingu.
Það er útbreiddur mis-skilningur að ég sé sérfræðingur í Euro-vision,“ fullyrðir Selma Björnsdóttir söng-kona. Kveðst þó alltaf
horfa á aðalkeppnina en án þess
að hafa kynnt sér lögin áður og
myndað sér skoðun á þeim. „En
í Euro vision-sýningunni stiklum
við á stóru í sögu keppninnar
sem hófst árið 1956. Það er heil-
mikil saga og hafsjór af lögum
og það var auðvitað heilmikil
vinna að leggjast yfir þetta.“ Í
sýningunni eru flutt 45 lög á níu
tungumálum. „Við syngjum nátt-
úrulega á íslensku og svo ensku,
þýsku, frönsku, norsku, sænsku,
króatísku, ítölsku og hebresku og
það hefur verið mikil ögrun að
leggja þetta allt á minnið,“ segir
Selma. Sjálf tekur hún All out
of luck sem hún komst með í 2.
sætið 1999. Auk þess syngur hún
á króatísku, norsku, frönsku og
ítölsku. „Maður pikkar þetta upp
og svo hringdi ég í Hönsu vin-
konu mína sem er með BA-próf
í frönsku og hún sagði mér hvað
mætti fara betur.“
Selma segir Eurovision óneit-
anlega hafa haft áhrif á eigin
feril, bæði góð og slæm? „Oft
mætti halda að ég væri með
Eurovisiontattú á enninu. Ég var
í öðru sæti og hef fengið fullt
af tækifærum út á það, ferðast
mikið og sungið fyrir Eurovisi-
on-aðdáendur í Belgíu, Hollandi,
Noregi, Svíþjóð og Þýskalandi.
En í leikhúsunum þykir það ekki
bera merki um djúpa visku að
vera Eurovision-söngvari, þó ég
telji áhorf á saklausan sjónvarps-
þátt einu sinni á ári hafa lítið með
vitsmuni fólks að gera.
Selma kveðst tengja góðar
minningar við Eurovision, bæði
úr þátttökunni og uppvextinum.
„Á mínu heimili var alltaf gott
að borða þetta kvöld, það var
poppað og allir settust við sjón-
varpið og áttu sín uppáhalds-
lög. Þetta er stemning sem allir
aldurshópar geta tekið þátt í og
er holl fyrir þjóðarsálina.“
Eftir Hörpuævintýrið ætlar
Selma með Sögu Eurovision
austur á land og loka þannig
hringnum. Eftir það leikstýr-
ir hún talsetningu á teikni-
myndinni Aulinn ég 2 með
Pétri Jóhanni í aðalhlutverki.
Einnig leikur hún í sjónvarps-
seríunni Fólkið í blokkinni
og fer í tökur í maí og júní. Í
ágúst ætlar hún svo til Berg-
en að leikstýra Hróa hetti og
eftir það til Boston með Gísla
Erni Garðarssyni að setja upp
sömu sýningu, svo ekki skortir
verkefnin. „Gísli Örn leik-
stýrði og ég var aðstoðarleik-
stjóri í þessu stykki í konung-
lega Shakespeare-leikhúsinu í
Stratford 2011. Þetta er eilítið
breytt útgáfa. Mjög flott leikrit
með söngvum, loftfimleikum
og kaðlavinnu og leikmyndin er
12 metra há rennibraut, skógur
og tjörn.“
Spurð hvort hún þurfi að
sveifla sér mikið svarar Selma:
„Ekki nema ég þurfi að sýna
leikurunum hvernig þeir eigi
að gera en mest er ég á gólf-
inu.“
Syngur á króatísku
í Hörpunni í kvöld
Selma Björns fer síðsumars til Bergen og Boston að leikstýra Hróa hetti, ásamt Gísla Erni. Áður leikur hún
í Fólkinu í blokkinni en í kvöld stígur hún á svið í Hörpu og segir sögu Evrovision með fleiri listamönnum.
Gunnþóra
Gunnarsdóttir
gun@frettabladid.is
SELMA Oft mætti halda að ég væri með Eurovision-tattú á enninu,“ segir hún og
segir keppnina hafa haft áhrif á feril sinn, bæði góð og slæm. FRÉTTABLAÐIÐ/VILHELM
Þrjár sýningar á verkum nemenda
sem eru í fullu námi í Myndlista-
skólanum í Reykjavík verða opnað-
ar í dag. Sýning fyrsta árs nemenda
í Sjónlistadeild verður opnuð í Gall-
erí Tukt klukkan 14, sýning á loka-
verkefnum nemenda í Sjónlistadeild
verður opnuð í húsnæði Myndlista-
skólans í JL-húsinu klukkan 15 og
sýning diplómadeilda verður opnuð
í Þjóðmenningarhúsinu klukkan 16.
■ Í Þjóðmenningarhúsinu verða
sýnd verkefni nemenda úr þremur
diplómadeildum skólans; mótun,
teikningu og textíl. Annars vegar
er um að ræða sýnishorn af vinnu
nemenda sem lokið hafa fyrra ári
af tveimur og hins vegar útskrift-
arverkefni nemenda. Lokaverkefn-
in eru hugvitsamlega hönnuð ílát
úr postulíni og viði sem ætluð eru
undir fingramat og önnur veislu-
föng – jafnvel ferðaveislur. Alls eru
12 nemendur að útskrifast en 46
nemendur sýna verkefni.
■ Í JL-húsinu að Hringbraut 121
sýna 40 nemendur sem ýmist eru
að ljúka eins árs undirbúningsnámi
eða tveggja ára námi sem getur leitt
til stúdentsprófs. Á sýningunni, sem
teygir sig upp í rjáfur JL-hússins
og innst í myrkustu kompur, verða
margs konar verkefni nemenda sem
ýmist hafa lagt áherslu á myndlist,
hönnun eða arkitektúr í lokaverk-
efnum sínum.
■ Í Gallerí Tukt opnar sýning á
verkefnum fyrsta árs nema í Sjón-
listadeild úr tveimur áföngum,
verkstæði og margmiðlun. Gerðar
hafa verið tilraunir með klassísk
efni, eins og akrílmálningu og gifs,
en einnig með nýrri og óhefðbundn-
ari leiðir eins og „green screen“,
sand og afsteypuefnið alginate.
Þrjár sýningar Myndlistaskólans
Nemendur Myndlistaskólans í Reykjavík eiga verk á þremur sýningum sem opnaðar verða í dag.
Verkin eru af margvíslegum toga, bæði listaverk og nytjamunir.
Í leikhúsunum þykir
það ekki bera merki um
djúpa visku að vera
Eurovision-söngvari, þó
ég telji áhorf á saklausan
sjónvarpsþátt einu sinni á
ári hafa lítið með vits-
muni fólks að gera.
Hjalti Jón Sverrisson
guðfræðinemi
Nærir andann
Lykilorð helgarinnar er próf-
lestur. Þó mun ég læðast á
hljómsveitaræfingu til þess
að næra andann. Svo er aldrei
að vita nema ég líti við á
myndarlegasta heimili lands-
ins; virði fyrir mér tómata-
plöntur og lífið sjálft.
HELGIN
4. maí 2013 LAUGARDAGUR
Fræðsla Fjölskrúðugt fugla-
líf í Grasagarðinum í Laugardal
verður skoðað á göngu um garðinn á
morgun. Um leiðsögn sér Hannes Þór
Hafsteinsson garðyrkjufræðingur og
fuglaáhugamaður og þess má geta að
fræðslan ef við hæfi allrar fjölskyld-
unnar. Hún er haldið í samstarfi við
Fuglaverndarfélag Íslands og hefst
klukkan ellefu. .
Fuglalíf
Fræðst um
fugla í Grasa-
garðinum
Tónlist Lúðrasveit Reykjavíkur heldur
fjölskyldutónleika í Kaldalónssal Hörpu
á sunnudag. Á tónleikunum mun Lúðra-
sveit Reykjavíkur flytja kvikmyndatónlist
úr ýmsum áttum, til dæmis úr Mission
Impossible, James Bond, Spider-Man,
Mamma Mia, Hercules og Indiana Jones.
Að þessu sinni sér Valur Freyr Einarsson
leikari um kynningar á tónleikunum og
um 50 manns halda uppi stuðinu, auk
Vals Freys.
Stjórnandi Lúðrasveitar Reykjavíkur
er Lárus Halldór Grímsson.
Fjölskyldutónleikar
Kvikmynda-
tónlist úr
ýmsum áttum
Hrund Þórsdóttir,
fréttamaður á Stöð 2
Hittir frændur
að norðan
Ég á þriggja daga helgarfrí,
sem er yndislegt. Helgin er
óvenjulítið skipulögð en ég
ætla þó að hitta frændur
mína sem búa á Akur-
eyri. Svo kíki ég kannski á
fatamarkaði og í ræktina.
Sýningar Hvorki fleiri né færri en 18
söfn og sýningar við Eyjafjörð opna
dyr sínar fyrir gestum og gangandi í
dag milli klukkan 13 og 17. Tilefnið
er Eyfirski safnadagurinn sem nú er
haldinn í sjöunda sinn. Dagurinn er að
þessu sinni tileinkaður sögulegu fólki
sem sett hefur svip á samfélagið.
Söfnin opna auk þess samsýninguna
„Komið– skoðið“ í menningarhúsinu
Hofi á Akureyri í dag. Þar sýnir hvert
safn forvitnilegan grip úr safnkosti
sínum.
Eyfi rski safnadagurinn
Átján söfn
sameina kraft a
sína í dag
Ásdís Ólafsdóttir nemi
Gátlisti og
ham borgarar
Markmið laugardagsins er
að ráðast á hinn ógnvekjandi
gátlista. Á sunnudaginn ætla
ég svo að njóta þess að hafa
klárað listann, belgja mig út
í tveggja ára lúxus afmæli og
fara í hamborgaraveislu um
kvöldið.
FJÖLBREYTT VERK Á sýningunum eru
verk nemenda úr öllum deildum skólans.