Fréttablaðið - 04.05.2013, Side 40

FÓLK|
ÁSTFANGIN Á BALLI MEÐ EGÓ
Regína er gift Sigursveini Þór Árnasyni tón-
listarmanni og eiga þau fjögurra ára dóttur,
en fyrir átti Regína dóttur sem nú er 11 ára.
„Við Sigursveinn kynntumst upp á gamla
mátann á Egó-balli í Sjallanum. Ég var ekki
á höttunum eftir mannsefni en Sigursveinn
geislaði af sjálfstrausti og var svo flottur
að ég féll kylliflöt fyrir honum. Ég náði mér
því í norðlenskan fola og allt gekk fljótt fyrir
sig, við vorum trúlofuð ári seinna og gengin
í hjónaband árið á eftir,“ segir Regína um
Sigursvein sem þessa dagana vinnur að
eigin plötu, eins og hún sjálf.
„Á heimilinu er mikið rætt um tónlist og
við syngjum, spilum og dönsum. Við erum
afar heimakær og ég reyni að vera sem mest
heima þegar ég á frí um helgar. Mér finnst
gott að vera heima þegar allir dunda við sitt
í stað þess að hafa of stífa dagskrá. Börnin
eru mikið að heiman alla vikuna í skóla og
leikskóla og þykir gott að staldra við heima
hjá sér. Okkur hjónunum þykir þó gaman að
fara í leikhús, út að borða og á tónleika en
líka að hafa það huggulegt heima yfir góðri
mynd eða við að spila yatzy.“
Regína nýtur sín í móðurhlutverkinu en
segist tarnakona í húsverkunum.
„Stundum hleðst upp þvottur hjá mér
en svo fyllist ég fítonskrafti og þá er eins
gott að vera ekki fyrir mér. Mér þykir voða
leiðinlegt að elda og leiðinlegasta spurning
lífsins hvað á að vera í matinn. Sem betur
fer er eiginmaðurinn góður kokkur og hefur
yndi af eldamennsku en mér finnst gaman
að leggja á borð og gera fínt.“
HLÚIR AÐ SJÁLFRI SÉR
Regína ber nafn með rentu því hún er
sannar lega glæsileg.
„Ég gef mér alltaf tíma fyrir sjálfa mig.
Það er hverri konu nauðsynlegt. Ég veit
hversu auðvelt er að gleyma sér yfir heim-
ilishaldi og barnauppeldi en það er ómetan-
legt fyrir konur að geta hlúð að sjálfum sér.
Ég fer í hárgreiðslu, slökun, nudd, neglur
og snyrtingu til að líta vel út en mér finnst
það einnig lyfta huganum og gefa mér and-
legan styrk,“ segir Regína sem líka stundar
göngur og tekur tarnir í ræktinni.
„Ég er tarnamanneskja í mataræði eins
og öðru en er farin að hlusta meira á líkam-
ann með hækkandi aldri. Margt sem fer illa
í mig er nú á bannlista, eins og djúpsteiktur
matur sem er eitur í mínum beinum. Því
getur verið strembið að ferðast um landið
því í sjoppum fást mestmegnis hamborgar-
ar, franskar og pitsur. Ég elska að fá mér fisk
og finnst dapurlegt að fá ekki almennilega
fiskmáltíð í íslenskum sjávarþorpum.“
Kósíkvöld hjá Regínu samansendur af
nautakjöti með bernaise-sósu og rauðvíni,
carpaccio í forrétt og súkkulaðiköku með
rjóma í ábæti.
„Súkkulaði er algjörlega mitt nammi þótt
ég hafi ekki borðað það sem krakki. Ég tek
það út á fullorðinsaldri í staðinn og þykir
suðusúkkulaði best enda alltaf að koma
betur í ljós hvað það er heilnæmt.“
HEFUR TRÚ Á EYÞÓRI
Í kvöld stígur Regína á svið Eldborgar á
stórtónleikunum Sögu Eurovision ásamt
Friðriki Ómari, Selmu Björns og Eyþóri
Inga, sem heldur utan til Málmeyjar á
mánudag.
„Ég hef mikla trú á Eyþóri og mitt vega-
nesti til hans er að vera jarðbundinn,
slakur og hann sjálfur,“ segir Regína sem er
hrifin af íslenska laginu, Ég á líf.
„Mér þykir lagið fallegt og fagna því að
loks hafði einhver hugrekki til að senda
lag út á íslensku. Ég hef fengið gæsahúð
við að hlusta á barnsraddir kunna textann
HELGIN
FÓLK ER KYNNINGARBLAÐ sem býður auglýsendum að kynna vörur og þjónustu í formi
viðtala og umfjallana ásamt hefðbundnum auglýsingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir | Sölumenn: Jónína María Hafsteinsdóttir,
jmh@365.is, s. 512 5473 | Sverrir Birgir Sverrisson, sverrirbs@365.is, s. 512 5432 | Elsa Jensdóttir, elsaj@365.is, s. 512-5427
SÖGULEGT
Regína Ósk er búin að
vera á tveggja vikna
tónleikaferðalagi um
Norður- og Vesturland
með Sögu Eurovision
og í kvöld er komið að
höfuð borgarbúum að
njóta veislunnar í Hörpu.
MYND/VILHELM
upp á tíu og hef sagt að barnakór hefði átt
að taka undir með Eyþóri á sviðinu. Lagið
býður upp á það og það væri dásamlegt að
heyra öll börn í Evrópu syngja með.”
Regína tekur nú þátt í norrænum pall-
borðsumræðum á vegum sænska ríkissjón-
varpsins, líkt og Eiríkur Hauksson gerði
áður og sýnt var í Ríkissjónvarpinu.
„Svíar gera þetta nú á netinu og þar gef
ég mitt álit á lögunum. Ég hef til dæmis
sagt hvenær ég ætla í klósettpásu og hvern
ég þori hreinlega ekki að horfa á, en auð-
vitað allt í gamni,“ segir Regína sem veðjar
á frændur vora Dani sem sigurvegara í ár.
Regína er yfirkennari í Söngskóla Maríu
Bjarkar og hefur kennt þar söng undanfar-
inn áratug. „Í skólanum leitum við ekki að
poppstjörnum heldur er skólinn frístund
og forvarnarstarf fyrir þá sem ekki finna sig
í íþróttum eða vilja gera allt saman. Söngur
er fyrir sálina og íþróttir fyrir líkamann. Ég
segi stundum að ég syngi þegar mér líður
vel og syngi þegar mér líður illa. Söngurinn
hjálpar,“ segir Regína á réttri hillu í söng.
„Ég er eins og fiðrildi og á eftir að gera
ótal margt. Ég elska að ferðast, tala við fólk
og syngja í fallegum kjólum. Ég hef alltaf
elskað sviðsljósið og veit að þar verður
maður að standa sig. Þar er ég í essinu
mínu." ■ thordis@365.is
ÁSTFANGIN
„Ég var ekki á
höttunum eftir
mannsefni en
Sigursveinn
geislaði af sjálfs-
trausti og var
svo flottur að ég
féll kylliflöt fyrir
honum. Ég náði
mér því í norð-
lenskan fola.”