Læknablaðið - 15.01.2000, Blaðsíða 56
UMR/EÐA & FRETTIR / TRYGGINGAMAL
Um hóptryggingu lækna
Svar við bréfum
Guðmundar
Helga Þórðar-
sonar læknis
Sjá
Læknablaðið
7./8. tbl. og 11.
tbl. 1999
Guðmundur Helgi Þórðarson læknir hefur fjallað
um hóptryggingarsamning lækna í tveimur greinum í
Læknablaðinu og beint fyrirspurnum til stjórnar af
því tilefni.
Um hóptryggingu lækna má almennt segja í byrjun
að LI hafi í fjölda ára greitt félagsmönnum leið að
góðum tryggingum á hagstæðari kjörum en almennt
bjóðast á almennum markaði. Markmið félagsins hafa
verið að ná öflugri vátryggingavernd fyrir félagsmenn
sem eftir því leita og um leið hagstæðum iðgjöldum.
Félagið annast innheimtu og greiðslu iðgjaldanna
sem leiðir til hagstæðari kjara á iðgjöldum þeirra sem
aðild eiga að tryggingunni en ella bjóðast. Var fyrsti
samningurinn um hóptryggingu lækna gerður árið
1971 og samið á ný 1986 og aftur 1995. Á hverjum
tíma var skoðað hvaða kostir voru í boði um verð og
vátryggingavernd á markaðnum og gengið til samn-
inga um þá skilmála sem þóttu hagstæðastir. I dag
eiga 311 læknar aðild að hóptryggingu lækna og 142
makar lækna.
Grunntryggingar í núgildandi samningi eru líf-
trygging og sjúkra- og slysatrygging. Til viðbótar
bjóðast afkomutrygging og líftrygging fyrir maka
lækna. Skilmálar eru í öllum aðalatriðum samhljóða
skilmálum fyrir sambærilegar einstaklingsbundnar
tryggingar á markaðnum meðal annars um áhættu-
upplýsingar tryggingataka. Þess má þó geta að við
endurnýjun hóptryggingarsamningsins 1995 var þeim
læknum sem aðild áttu að eldri tryggingu ekki gert að
afla nýrra heilsufarsyfirlýsinga vegna nýju trygginga-
skilmálanna, sem er almennt skilyrði aðildar að
tryggingunni.
Vegna fyrirspurnar Guðmundar Helga um hve
mörgum hafi verið meinuð aðild að hóptryggingu
lækna leitaði ég svara hjá Samlífi. Samkvæmt upplýs-
ingum tryggingafélagsins hafa mjög fáir læknar feng-
ið neitun um aðild að hóptryggingu lækna, - þeir
verða taldir á fingrum annarrar handar. Þeir munu
vera jafnfáir sem fengið hafa frestun á tryggingu.
Samkvæmt starfsmanni Samlífs eru það niðurstöður
úr breskum rannsóknum að um 2% umsókna um
tryggingavernd sé hafnað af tryggingafélögum og að
á um 5-7% umsækjenda leggist álag á iðgjöld vegna
aðstæðna viðkomandi, tímabundið eða fast. Fyrir-
spurn Guðmundar Helga um það hvaða áhrif það
hefur á tryggingamöguleika lækna að vera meinuð
aðild að hóptryggingunni verður að svara á þann veg
að faglegt mat sem unnið er hjá tryggingafélögum
gefi líklega mjög áþekka niðurstöðu hjá öllum trygg-
ingasölum, að minnsta kosti mat á áhættuþáttum sem
tengjast sjúkdómum.
Önnur fagfélög munu ekki vera með sambærilegar
tryggingar við hóptryggingu lækna. Innan Alþýðu-
sambands íslands eru örfá félög með hóptryggingar
auk trygginga samkvæmt kjarasamningum um slysa-
tryggingu launþega. Tryggingaverndin er mun minni í
þeim hóptryggingum en verndin sem felst í hóptrygg-
ingarsamningi lækna. Allir félagsmenn viðkomandi
félags eru tryggðir og iðgjöldin gjarnan greidd úr
sjúkrasjóði félagsins. LI á væntanlega kost á því að
tryggja alla félagsmenn sína þannig að slaka mætti á
kröfum um heilsufarsupplýsingar. Með því yrðu allir
læknar í félaginu væntanlega skyldaðir til að greiða
iðgjöld fyrir trygginguna og þeir ættu vart neitt val um
hvaða tryggingavernd þeir kaupa. Áhætta félagsins í
innheimtu iðgjaldanna mundi aukast með tilliti til
kostnaðar. Þennan valkost hafa trúnaðarmenn fé-
lagsins vafalaust skoðað ítarlega við gerð samninga
um tryggingarnar hverju sinni.
Eitt fagfélag vísar félagsmönnum á tiltekið vá-
tryggingafélag vegna frjálsra ábyrgðartrygginga sem
félagsmennirnir semja siðan við hver fyrir sig. Má
geta þess að samkvæmt samningum sjálfstætt starf-
andi lækna við Tryggingastofnun ríkisins ber læknum
að hafa starfsábyrgðartryggingar sem þeir semja um
hver fyrir sig við tryggingafélögin.
Ástæða getur verið til þess að á vegum LÍ starfi að
jafnaði nefnd sem hefur tryggingamál lækna til með-
ferðar því mikilvægt er að um þessi málefni ríki sátt
meðal félagsmanna.
Fyrir hönd stjórnar L1
Ásdís J. Rafnah
framkvæmdastjóri
50 Læknablaðið 2000/86