Læknablaðið - 15.03.2002, Page 61

S M A S J A I N
eru tengdar tilteknum sérgreinum lækn-
inga. Þetta hefur að sjálfsögðu ekki gengið
alveg átakalaust fyrir sig en spítalinn mark-
aði sér þá stefnu að yfirmenn væru ekki
fleiri en skynsamlegt er. Við viljum hafa tvo
yfirmenn í hverri grein, lækni og hjúkrunar-
fræðing, og skilgreina ábyrgðarsvið þeirra í
erindisbréfi. Við ætlum ekki að raða upp
mönnum hlið við hlið með óskilgreind
hlutverk.
Með þessu lagi fækkar yfirmönnum tölu-
vert. Eftir samráð við Læknafélag íslands
og læknaráð Landspítala var ákveðið að
auglýsa þessar stöður. Þar með er ekki sagt
að við viljum losna við þá sem gegnt hafa
þessum yfirmannsstöðum úr starfi, síður en
svo. Við höfum reynt að koma til móts við
þá sem ekki hafa fengið yfirlæknisstöður og
gera þeim lífið bærilegt því við viljum halda
í þá. Þetta ferli er um það bil hálfnað og við
munum halda áfram út þetta ár að ráða nýja
yfirlækna og leggja niður eldri stöður.“
Tengslin við háskólann
Ein aðalröksemdin fyrir staðsetningu spít-
alans við Hringbraut er sú að með því styrk-
ist tengslin við Háskóla Islands.
„Þegar spítalinn var sameinaður var sagt
að það yrði gert undir merkjum háskóla-
sjúkrahúss. Þessu var almennt fagnað í röð-
um starfsmanna, bæði á spítalanum og í há-
skólanum. Við höfum svo verið að ræða
það í okkar hóp hvert innihald slíks sam-
starfs geti verið. í maí í fyrra undirrituðum
við Páll Skúlason háskólarektor samkomu-
lag um meginlínur í slíku samstarfi og erum
nú að vinna að útfærslu ýmissa þátta þess.
Meðal þeirra þátta sem taka þarf afstöðu
til er að tugir starfsmanna vinna hjá báðum
stofnunum. Það getur verið flókið mál því
þarna er um að ræða tvær sjálfstæðar stofn-
anir, hvora með sína réttarstöðu. Við viljum
fjölga þeim starfsmönnum sem vinna við
báðar stofnanir. Að þessu erum við að
vinna og það styttist í að við munum aug-
lýsa sameiginlegar stöður."
Læknar hafa kvartað undan því að við
sjúkrahúsið starfi fjölmargir læknar sem
sinna kennslu og rannsóknum á spítalanum
en hafa ekki akademíska stöðu. Þeir segja
að þetta geti hamlað þeim í samstarfi við
erlenda starfsbræður og stofnanir. Er verið
að huga eitthvað að þessum málum?
„Hluti af samkomulaginu frá því í vor
var að háskólinn lýsti því yfir að hann
myndi veita þeim starfsmönnum háskóla-
nafnbót sem til þess eru hæfir. Að því er
unnið að starfsmenn geti fengið það metið
hvort þeir eru hæfir til að kenna. Standist
þeir slíkt mat mun skólinn veita þeim þá
nafnbót sem þeim hæfir. Þannig gætu orðið
til mismunandi stöður, til dæmis klínískur
dósent, rannsóknardósent og svo framvegis,
hver með sína skilgreiningu. Að þessu er
verið að vinna og það tekur sinn tíma því
þetta þarf að fylgja föstum reglurn."
Samkeppni við útlönd
Að lokum spurði ég Magnús hvort hann sæi
fyrir sér að Vatnsmýrin yrði öflugur vett-
vangur fræða og heilbrigðisstarfs í framtíð-
inni.
„Já, það tel ég alveg raunhæft. Spítalinn
vill vera þar og Háskóli íslands hefur uppi
áform um mikla uppbyggingu á þessu
svæði, þekkingarþorp er það nefnt. íslensk
erfðagreining er komin á svæðið og mér
finnst sjálfsagt að rannsóknastarfsemin á
Keldum verði flutt í Vatnsmýrina. Auk þess
vildi ég sjá fyrirtæki sem starfa á sviði heil-
brigðismála hasla sér völl þarna, lyfjafyrir-
tæki og þróunarfyrirtæki í heilbrigðistækni.
Þá væri búið að móta það umhverfi sem
þyrfti til að standast samkeppni við útlönd.
Við höfum enga aðra við að keppa hér inn-
anlands. Við eigum að finna okkur verðuga
keppinauta í útlöndum, svo sem háskóla-
sjúkrahús, til þess að bera okkur saman við
og gera það opinberlega, segja frá því sem
við gerum vel og einnig ef við stöndum
okkur illa. Það á ekkert að draga fjöður yfir
það. Sjúklingar eru smám saman að fá auk-
inn rétt í samfélaginu. Fyrr eða síðar fylgir
þeim rétti að geta valið um að fara til út-
landa eftir bestri mögulegri þjónustu. Þetta
er að gerast í löndunum í kringum okkur,
svo sem í Bretlandi, og því skyldi það ekki
gerast hér einnig? Við erum að búa okkur
undir þá samkeppni," segir Magnús Péturs-
son forstjóri Landspítala - háskólasjúkra-
húss.
-ÞH
Rannsóknir í
heilsugæslunni
Mikill áhugi er á þvi' meðal lækna
og annarra heilbrigðisstarfsmanna
sem sinna vísindarannsóknum að fá
upplýsingar úr efnivið Heilsugæsl-
unnar. Stjórnendum og starfsmönn-
um hennar er bæði ljúft og skylt að
taka þátt í öllu því sem til framfara
horfir í heilbrigðismálum og eru því
lilbúnir til samvinnu um flest hvað.
Að ýmsu þarf þó að gæta og vil ég
biðja þá sem hyggja á samvinnu við
Heilsugæsluna að hafa eftirfarandi
atriði í huga:
1. Það er áhuga- og hagsmunamál
Heilsugæslunnar og starfsmanna
hennar að vera virkir þátttakend-
ur í þeim vísindarannsóknum sem
nota efnivið hennar. Því þarf að
huga að samstarfi við heilsugæsl-
una áður en rannsóknaráætlun
liggur fyrir.
2. Einstökum starfsmönnum Heilsu-
gæslunnar er frjálst að vinna að
rannsóknum á sínum efniviði í
samráði við viðkomandi yfirlækni.
3. Vinna við rannsóknir og upplýs-
ingaöflun í vinnutíma kostar tíma
og fjármuni. Því þurfa óskir um
slíkt að berast til lækningafor-
stjóra sem leggur málið fyrir fram-
kvæmdastjórn Heilsugæslunnar til
frekari ákvörðunar um þátttöku
og hugsanlega gjaldtöku.
4. Svo kann að fara að Heilsugæslan
geti ekki sinnt öllum þeim beiðn-
um sem til hennar berast, því
munu þær rannsóknir hafa for-
gang þar sem starfsmenn Heilsu-
gæslunnar eru meðal aðstandenda
rannsóknanna.
21. febrúar 2002
Lúðvík Ólafsson
lækningaforstjóri Heilsugæslunnar
í Reykjavík
Læknablaðið 2002/88 237