Læknablaðið - 15.03.2002, Side 67

UMRÆÐA & FRÉTTIR / SAMEINING SJÚKRAHÚSDEILDA
Spítalinn er á vakt allan
sólarhringinn allt áríð
- Bráðadeildirnar á Hringbraut og í Fossvogi sameinaðar
og vaktakerfi lagt niður
Nýr sími lækna fyrir
bráöainnlagnir á
Landspítala há-
skólasjúkrahúsi:
543 2100
PAÐ HEFUR EFLAUST EKKI FARIÐ FRAMHJÁ NEINUM AÐ
verið er að sameina deildir og starfsemi sjúkrahús-
anna í Reykjavík. Ein þeirra deilda sem gengur í
gegnum slíkt ferli er slysadeildin í Fossvogi en hún
hefur verið sameinuð bráðadeildinni við Hringbraut
og heyrir undir slysa- og bráðasvið spítalans. Þann 1.
mars var gerð sú breyting á starfsemi þessara deilda
að vaktaskipting þeirra var afnumin. Þess í stað eru
bráðadeildir spítalans nú opnar allan sólarhringinn
allt árið.
Samkvæmt nýja skipulaginu verður Slysa- og
bráðadeild í Fossvogi opin slösuðum og veikum allt
árið en eins og áður verður Bráðamóttakan við
Hringbraut að mestu leyti tilvísunarmóttaka þar sem
fólk kemur eftir að hafa verið skoðað af lækni. Hún
verður einnig opin allan sólarhringinn og þangað
verður meðal annars beint hjartasjúklingum og
krabbameinssjúklingum sem eru í meðferð á Fand-
spítalanum Hringbraut. Þar verður móttaka fyrir
veik börn og við Hringbraut verður einnig móttaka
fyrir bráðatilfelli á kvennadeild og geðdeild.
Á Slysa- og bráðadeild í Fossvogi geta allir komið
beint inn af götunni. Þar verður vinnulaginu breytt
nokkuð en skipting í bráðamóttöku og slysamóttöku
sem áður gilti fyrir lækna deildarinnar þykir ekki
henta lengur. Nýja skipulagið er þannig að allir sem

EmS Betl
koma inn fara í svonefnda forgreiningu þar sem
ákvörðun er tekin um meðferð. Sé það mat hjúkrun-
arfræðings í forgreiningu að viðkomandi þurfi mikill-
ar aðhlynningar og jafnvel innlagnar við fer hann inn
á það sem nefnt er bráðavakt. Þar er tekið við þeim
tilfellum þar sem þarf fjölmenna áhöfn og mikið
rými. Hinir fara á svonefnda gönguvakt þar sem
tekið er við þeim sem ekki þurfa á slíkri þjónustu að
halda, einfaldari eða léttari tilvik sem oftast leiða til
þess að viðkomandi getur farið heim aftur.
Nýtt símkerfi
Sameining sjúkrahúsanna og ofannefndar breytingar
á starfsemi bráðamóttökunnar munu hafa áhrif á
flæði sjúklinga um spítalann. Að sögn stjórnenda
deildarinnar má hugsa sér að einstaklingur komi í
Fossvog og fái þar fyrstu aðhlynningu og meðhöndl-
un en þurfi síðan í vissum tilfellum að flytjast niður á
Hringbraut á viðeigandi deild til frekari meðferðar.
Slíkir flutningar verða óhjákvæmilegir meðan spítal-
inn starfar á tveimur stöðum. Stjórnendur deildar-
innar leggja áherslu á að tryggja gott og hnökralaust
samband milli deilda svo að flutningar og samskipti
verði örugg og hröð.
Um mánaðamótin var nýtt símkerfi tekið í notkun
á spítalanum og við það breytast símanúmerin. í
flestum tilvikum eiga læknar að hringja í aðalnúmer
sjúkrahússins sem er 543 1000. En liggi mikið við og
læknir þurfi að komast í beint samband við bráða-
móttöku getur hann hringt í 543 2100.
Starfsmenn segja að breytingarnar sem gerðar
hafa verið á skipulagi og vinnulagi auki hagræði en
séu engin stórbylting. Helsta breytingin felst í því að
leggja niður akútdagakerfið sem skipti bráðainnlögn-
um milli Fossvogs og Hringbrautar. Vinnulag verður
áfram að mestu óbreytt við Hringbraut. Slysa- og
Stjórnendur slysa- og bráðasviös Landspítalans, talið frá
vinstri: Brynjólfur Mogensen sviðstjóri lœkninga, Gyða
Baldursdóttir deildarstjóri bráðamótlöku á Hringbraut,
Jón Baldursson yftrlœknir slysa- og bráðamóttöku,
Guðbjörg Pálsdóttir deildarstjóri slysa- og bráðamóttöku í
Fossvogi og Margrél Tómasdóttir sviðstjóri hjúkrunar.
Læknablaðið 2002/88 243
L