Læknablaðið - 15.03.2002, Qupperneq 68

UMRÆÐA & FRÉTTIR / SAMEINING SJÚKRAHÚSDEILDA
bráðamóttaka er þess eðlis að aðsókn og vinnuálag er
afar sveiflukennt en markmiðið með breytingunum
er að reyna að jafna þessar sveiflur út og dreifa
álaginu jafnar á daga vikunnar.
Slysadeildir eru stuðpúði
Mikilvægi þessa hluta sjúkrahússins vefst kannski
ekki fyrir neinum en um bráðadeildirnar tvær fóru
um 70.000 manns í fyrra, þar af 54.000 í Fossvogi. Þá
eru aðeins taldir með þeir sem þurftu á þjónustu að
halda en ekki aðstandendur eða aðrir fylgdarmenn.
Þessi fjöldi skiptist þannig að um 40.000 komu vegna
slysa en um 30.000 vegna veikinda.
Sama þróun er í gangi hér á landi og í nágranna-
löndum okkar að fjöldi þeirra sem slasast helst lítið
breyttur en hlutfall veikra hækkar. Mesta fjölgunin er
hjá mikið veiku fólki og öldruðu sem endurspeglar
breytingar sem eru að verða á samsetningu þjóðar-
innar. Að sögn starfsmanna er sú mynd sem blasir við
í nágrannalöndum okkar af yfirfullum slysamóttök-
um að verða að veruleika hér á landi. Við þessu er
lítið hægt að gera þar sem aðrar úrlausnir eru annað-
hvort ekki til eða fullnýttar.
Slysadeildir eru eins og stuðpúði milli heilbrigðis-
kerfisins og þjóðfélagsins og þær líða fyrir skort á
aðstöðu fyrir þá sem eru of veikir til þess að fara heim
en ekki nógu veikir til þess að leggjast inn á sjúkra-
hús. Sjúkrahótel myndi leysa þennan vanda að veru-
legu leyti en þau þyrftu þá að vera sem næst bráða-
deildinni, helst þannig að innangengt sé á milli. En á
meðan þetta ástand varir virðist lausnin vera sú að
leggja æ meiri byrðar á fjölskylduna sem þarf að
sinna veikara fólki en áður.
Þegar blaðamaður hitti stjórnendur deildarinnar
að máli bárust byggingaráætlanir sjúkrahússins að
sjálfsögðu í tal. Greinilegt var að deildin býr sig undir
að bíða lengi eftir nýju húsnæði, 10 eða jafnvel 20 ár.
í því sambandi benda þau á að núverandi húsnæði
Slysadeildar í Fossvogi hafi verið reist til bráða-
birgða. Síðan er liðið 21 ár og engin teikn á lofti um
að deildin sé á förum úr því í bráð.
-ÞH
Um miðjan marsmánuð hefst á Akureyri fyrsta
námskeiðið í nýrri námskeiðaröð sem endurmennt-
unardeild Háskólans á Akureyri heldur fyrir heil-
brigðisstarfsfólk á landsbyggðinni í samvinnu við
Fjórðungssjúkrahúsið á Akureyri og heilbrigðisdeild
háskólans. Námskeiðið stendur frá morgni föstudags-
ins 15. mars og fram að hádegi daginn eftir og fjallar
um myndgreiningu.
Að sögn Þorvaldar Ingvarssonar læknis er þetta
samstarf sprottið upp úr umræðum sem orðið hafa
um dreifbýlislækningar á undanförnum árum.
Með tilkomu fjarfundabúnaðar sem nefndur er
Byggðabrúin hefur allri fræðslu sem fram fer á
FSA verið varpað út um landsbyggðina og geta
læknar víða um land fylgst með henni. I framhaldi
af þessu vaknaði hugmynd um að halda námskeið
fyrir lækna og annað starfsfólk í heilbrigðisþjón-
ustu dreifbýlisins.
Eins og áður segir verður fjallað um mynd-
greiningu á fyrsta námskeiðinu. Þar verður farið
yfir ýmis tækniatriði, bæði á sviði myndatöku,
framköllun og eftirvinnslu mynda og einnig lækn-
isfræðilega þætti, svo sem túlkun mynda og mögu-
leika í fjargreiningu röntgenmynda. A næsta nám-
skeiði sem haldið verður 19. og 20. apríl verður
fjallað um bráðalækningar barna. Farið verður yfir
atriði á borð við andnauð, lost, áverka, bráða smit-
sjúkdóma og endurlífgun svo fátt eitt sé nefnt.
Haldnir verða fyrirlestrar, rætt um sjúkratilfelli og
haldnar verklegar æfingar. Fyrirlesarar koma flest-
ir frá FSA, Halldór Benediktsson yfirlæknir hefur
umsjón með fyrra námskeiðinu en Björn Gunn-
arsson barnalæknir með því síðarnefnda.
Þorvaldur segir að ætlunin sé að halda tvö nám-
skeið á hverju misseri og hefur þegar verið ákveð-
ið að fjalla um slysalækningar og lyflækningar á
námskeiðum haustsins. Námskeiðin eru þverfag-
leg og geta því nýst hjúkrunarfræðingum og öðrum
starfsmönnum heilbrigðiskerfisins til jafns við
lækna.
Ákveðið var að varpa þessum námskeiðum
ekki út á Byggðabrúna heldur fá menn til þess að
koma til Akureyrar og eiga þar góða helgi,
skreppa í fjallið og j afnvel í leikhúsið að námskeiði
loknu. Dagsetning fyrsta námskeiðsins var valin
með það í huga að 15. mars er stór dagur í heil-
brigðismálum dreifbýlisins því þá hefst rekstur
sjúkraflugvélar sem staðsett verður á Akureyri og
mönnuð læknum af FSA.
-ÞH
244 Læknablaðið 2002/88