Læknablaðið - 15.11.2008, Blaðsíða 55

UMRÆÐUR O G FRÉTTIR
FORSETI WMA
Fátækt helsti vandinn
Jón segir að þrátt fyrir að samstarf við WHO á
þessu sviði hafi gengið mjög vel fyrir séu sam-
skiptin ekki alveg jafn greið á öðrum sviðum.
„Á vegum WHO voru fyrir fáeinum árum stofn-
uð regnhlífasamtök heilbrigðisstétta en fyrir
eru rótgróin samtök heilbrigðisstétta sem ekki
koma nærri þeim á vegum WHO. Þarna þykir
okkur sem verið sé að deila og drottna án nokk-
urs skynsamlegs samráðs. Eg hef sótt tvo fundi
þessara WHO samtaka og á seinni fundinum var
greinilega markvisst verið að forðast umræður,
kannski vegna þess að á fyrri fundinum misstu
þeir tökin að nokkru leyti vegna mikilla umræðna
sem heilbrigðisráðherrar Afríkuríkja stóðu fyrir
en þeim þótti WHO vera að leggja til einhvers
konar annars flokks heilbrigðisþjónustu í löndum
Afríku. Fyrir vikið varð þetta dálítið streitufullur
fundur."
Af öðrum málefnum sem WMA vinnur að nefn-
ir Jón tóbaksvarnir en það segir hann að læknar
séu almennt sammála um að sé einn helsti heil-
brigðisvandi heimsbyggðarinnar. „Á aðalfund-
inum í Seúl verður málþing um tóbaksvarnir í
löndum þriðja heimsins en til skamms tíma hefur
tóbaksframleiðendum leyfst að valsa þar um að
vild til að auka sölu á tóbaki. Samtökin hafa beitt
sér á þann hátt að búa til álit sem byggir á bestri
læknisfræðilegri þekkingu sem stjórnvöld geta
nýtt sér í baráttu gegn ýmsum heilbrigðisvanda."
Aðspurður um hver sé helsti heilbrigðisvandi
heimsbyggðarirtnar segir Jón hann ekki einhlítan.
„í fátækari löndum heims er vandinn fyrst og
fremst fátæktin. Henni fylgir slæmur aðbúnaður
fólks og í kjölfarið alls kyns heilsufarsleg vanda-
mál sem stafa af lélegri næringu, skorti á hreinlæti,
og takmarkaðri heilbrigðisþjónustu. Annað sem
teljast verður heilbrigðisvandi heimsbyggðarinn-
ar er hversu miklir flutningar eru á fólki á milli
heimshluta. Faraldrar geta breiðst mjög hratt út
yfir stór svæði og því hefur aldrei verið jafn mik-
ilvægt að alþjóðlegt samstarf og flæði upplýsinga
á þessu sviði sé sem virkast. Þetta er auðvitað fyrst
og fremst verkefni WHO sem er gríðarlega öflug
alþjóðastofnun með mörg þúsund starfsmenn á
sínum vegum. Okkar framlag hefur verið fólgið í
sérfræðilegu áliti eins og ég nefndi."
Jón nefnir að lokum vinnu á vegum WMA er
snýr að samskiptum lyfjafyrirtækja og lækna.
„Þetta er mál sem snýst um gott siðferði og hvað
mega teljast eðlileg samskipti á milli þessara aðila.
Það er mjög auðvelt að rökstyðja að þarna á milli
þurfi að vera gott samstarf og báðir aðilar stefni að
sameiginlegu markmiði. Spurningin snýst um að
lyfjafyrirtækin beiti réttu meðölunum og að allir
geti verið sáttir við þau. Fyrirtækin styrkja ýmis
góð mál á vegum læknasamtaka víða um heim og
slíkur stuðningur þarf að vera í réttum skorðum.
Ég get nefnt að eitt lyfjafyrirtæki styrkir sérstakt
kennsluprógramm WMA um berkla fyrir lækna
og annað styrkir alþjóðleg námskeið í stjórnun
fyrir lækna. Samstarf við lækna er lyfjafyrirtækj-
unum mjög mikilvægt og læknum er mikilvægt
að halda faglegu sjálfstæði sínu þrátt fyrir slíkt
samstarf."
SÉRHÆFÐ ENDURLÍFGUN II (ALS)
17.-18. janúar 2009
Skráningarfrestur til 1. desember 2008
í tengslum við Læknadaga stendur Endurlífgunarráð íslands fyrir námskeiði í sérhæfðri endurlífgun II.
Námskeiðið er hugsað fyrir þá sem geta þurft að stjórna endurlífgun á vettvangi.
Markmiðið er að þjálfa heilbrigðisstarfsfólk í aðgerðum til að koma í veg fyrir hjartastopp og að þeir séu færir um að veita sérhæfða endurlífgun og
stjórna aðgerðum á vettvangi. Markmiðið er jafnframt að undirbúa reynda meðlimi endurlífgunarteyma að meðhöndla sjúklinginn þar til flutningur á
sérhæfða deild er möguleg.
Námskeiðið fer fram tvo daga í röð (20 klst) og felur í sér fyrirlestra, sýnikennslu, verklegar stöðvar og umræðutíma. Kennslubókin er send þátttak-
endum fjórum vikum fyrir námskeiðið ásamt forprófi og mikilvægt er að kennslubókin sé lesin vel og forprófi skilað í upphafi námskeiðs. Nemandi
verður að hafa fullnægjandi þekkingu / hæfni í grunnendurlífgun. Námskeiðinu lýkur með prófi.
Til að skrá sig skal senda tölvupóst á Hildigunni Svavarsdóttur, skólastjóra Sjúkraflutningaskólans - hildig@fsa.is
Kostnaður 65.000 krónur og innifalið er kennslubók, evrópskt skírteini og hádegisverður.

Endurlífgunarráð
inclttlitn Cencil lceRC
LÆKNAblaðið 2008/94 767