Læknablaðið - 15.07.2010, Blaðsíða 31

Ú R
_____UMRÆÐA O G FRÉTTIR
PENNA STJÓRNARMANNA LÍ
Blikur á lofti
Valgerður
Rúnarsdóttir
valgerdurr<Ssaa. is
Stjórn LÍ
Birna Jónsdóttir,
formaður
Þórarinn Guðnason,
varaformaður
Sigurveig Pétursdóttir,
gjaldkeri
Sigríður Ó. Haraldsdóttir,
ritari
Kristján G. Guðmundsson
Ragnar Victor Gunnarsson
Sigurður Böðvarsson
Valentínus Þór
Valdimarsson
Valgerður Rúnarsdóttir
í pistlunum Úrpenna
stjórnarmanna LÍ birta
þeir sínar eigin skoðanir
en ekki félagsins.
Það eru sviptingar í lífi okkar íslendinga.
Eitt tekur við af öðru. í á annað ár
höfum við fengið nýjar óvæntar stórfréttir með
morgunkaffinu, aftur og aftur. Fréttir af atburðum
sem varða tilvist okkar, framfærslu, framtíð og
öryggi. Efnahagur Islendinga tekur bakföll og
náttúruöflin láta til sín taka. Blikur eru á lofti
varðandi stjórnun heilbrigðiskerfisins, enn og
aftur. Eins og í veðurfræðinni, eru slík ský merki
um breytingar, en til góðs eða ills, tja ...
Forsvarsmenn landsins reyna að taka í taumana
og ekki eru allir á eitt sáttir. Það svíður undan
sparnaðaraðgerðum. Menn eru uppgefnir á að
tala úr sínum ranni, fyrir góðum málstað og
skynsamlegum aðgerðum, sem ekki virðist tekið
mark á.
A sama tíma og þjóðin logar og berst, með
orðum, í reiði, með aðgerðum, virðist mér sem sú
sama þjóð sé í einhvers konar átaki. Ataki til að
bjarga sér, að sinna sér, að bæta það sem stendur
nær hverjum og einum. Götur og stígar eru fullir
af hjólandi fólki á leið til vinnu eða annarra
erinda, stórir hópar fólks hlaupa um í þéttbýli og
óbyggðum, fjöllin eru troðin af kappsömu fólki
að njóta sín og reyna sig, prjónað er á íslandi
sem aldrei fyrr, og aðrar hannyrðir eru stundaðar
hvarvetna, heimaræktun grænmetis blómstrar,
fólk vill kaupa beint frá býli og íslenskt. Þetta líkist
ekki þjóð sem er að gefast upp. Eru blikur á lofti?
Heilbrigðiskerfið okkar hefur verið skorið
niður og verður enn. Heilbrigðiskerfi sem við
höfum verið ánægð með og gefið mjög góða raun.
Sviptingar í stjórnun þess er áhættusamar. Hvað
mun tapast sem erfitt verður að bæta upp?
Læknafélag íslands hefur ítrekað varað við
niðurskurði í heilbrigðiskerfinu. Læknafélagið
hefur einnig varað við læknaskorti og sýnt fram
á fækkun í stéttinni og bent á líkur á enn frekari
fækkun. Undirmönnun í heilsugæslu er mikið
áhyggjuefni. Aðlöðun ungra lækna til að starfa hér
heima er erfið við þessar aðstæður. Álag á lækna
eykst, eins og aðra heilbrigðisstarfsmenn, við
fækkun stöðugilda í sparnaðaraðgerðum.
Samningar ríkisins um ýmsar heilbrigðis-
stofnanir og læknisverk eru óvissir í náinni
framtíð. Það er óviðunandi. Sviptingar í þjónustu
kunna ekki góðri lukku að stýra.
Þróun þessa heilbrigðiskerfis sem nú er við
lýði hefur tekið langan tíma. Samvinna er milli
stofnana og mismunandi rekstrarform ganga vel.
Sviptingar á þessu kerfi geta ekki orðið til góðs.
Það tekur langan tíma að vinna upp það sem hægt
er að slá út af borðinu í einu vetfangi. Það er líka
kostnaðarsamt. Að flýta sér hægt og vanda til
verks er nauðsyn.
Læknar vilja standa vörð um þjónustu við
sjúklinga, öryggi þeirra og heilbrigðiskerfið
okkar allt. Læknar hafa margt um stjórnun og
skipulag heilbrigðisþjónustu að segja. Málþing
lækna, m.a. á Læknadögum, ritröð í Læknablaðið
og þjóðfundur lækna á dögunum sýna það
glöggt. Læknar eru sammála um mörg góð og
merk gildi, eins og lesa má úr niðurstöðum
Þjóðfundar lækna í vetur. Fagmennska, ábyrgð,
þjónusta, aðgengi, jöfnuður, menntun, rannsóknir,
skilvirkni, samvinna, skipulag ...
Það getur ekki verið til annars en góðs að
treysta læknum meira og betur til stjórnunar
og ákvarðana í heilbrigðiskerfinu. Hafa þá
með í ráðum. Að hvetja lækna til að bjóða sig
meira fram. Margir læknar hafa mikla reynslu
og þekkingu á rekstri, hagkvæmni, stjórnun og
skipulagi, í viðbót við sína faglegu þekkingu í
læknisfræði. Við allar breytingar þarf að huga að
langtíma áhrifum og það er ekki gert nema með
þekkingu þeirra sem vinna í faginu.
Það var afar ánægjulegt að vera í hópi
120 kollega á framhaldsaðalfundi Læknafélags
Reykjavíkur í byrjun júní. Fjórir frambjóðendur
voru til embættis formanns félagsins. Þetta er
góðs viti og vonandi verður framhald á áhuga og
þátttöku margra lækna til félagsstarfa, umræðna
og samstöðu. Mönnum var þar, eins og víðar í
hópi lækna, tíðrætt um að verja góða og faglega
heilbrigðisþjónustu við sjúklinga okkar. Samstaða
og þátttaka lækna til þess verður öflugt vopn í
þeirri baráttu.
Jú, ég held það séu enn frekari blikur á lofti.
LÆKNAblaðið 2010/96 483