Læknablaðið - 15.04.2011, Qupperneq 55

UMRÆÐUR 0 G FRÉTTIR
GERVIGANGRÁÐUR
lengur en fyrsta kynslóðin, þótt ígræðsla sé með
svipuðum hætti.
1 leit að okkar að sjúkraskýrslunni var fyrst
leitað eftir skrásettum sjúkdómsgreiningum í
safni sjúkraskráa Landspítalans en þær voru á
þeim tíma: mb. cordis, mb cordis arterioscleroticus,
degeneratio myocardii, atrioventricular blokk og Adatn-
Stokes syncope, en það var sú greining sem leiddi
okkur að réttri sjúkraskrá. Um orsakir svima og
yfirliðs (Stoke-Adams áfall) meðal aldraðra segir
í Kumar & Clark's kennslubók í lyflæknisfræði
(Saunders, 2009) að þær séu örmyndun og kölkun
í útlægu leiðslukerfi hjartans (sjúkdómur Levs) en
ágeng bólga meðal þeirra sem yngri eru (heilkenni
Lenegres). Röskun finnst í natríumjónagöngum í
báðum þessum ferlum. Greinrof með AV blokki
getur einnig orsakast af blóðþurrðarsjúkdómi í
hjarta, hjartabólgu og hjartavöðvabólgu.
Svíinn Arne Larson fékk fyrsta gervigangráð-
inn í heiminum og það var á Karolinska sjúkra-
húsinu í Stokkhólmi árið 1958. Sá gangráður
entist í þrjár klukkustundir og sá næsti í tvo daga.
Alls fékk Arne 26 gangráða og lifði til ársins 2001
og lengur en bæði uppfinningamaðurinn og
hjartalæknir hans.
Hér hefur verið lýst fyrstu gangráðsígræðslu
á Islandi árið 1968 hjá 75 ára konu sem var við
dauðans dyr. Konan fékk árangursríka meðferð
með ígræðslu ytri og síðan innri gervigangráðs.
Hún lést 12 árum síðar, eða árið 1990.
Greining leiðslutruflunar hjá Ársæli tók
skamman tíma eftir að hann hafði verið þvingaður
til að leita læknis. Útskrift hans af hjartadeildinni
dróst um einn dag vegna hjartaþræðingar og var
samtals fjórir dagar. Honum var ráðlagt að sveifla
ekki golkylfu í sex vikur svo tími er löngu kominn
til að bæta um betur.
Spánnýr og óbrúkaður
hjartagangráður myndaður
á Landspítala í mars 2011.
Ljðsm.: Ittger Helene
Bóasson
Hreyfing sem meðferðarform
Málþing á Reykjalundi 13. maí, kl.13-16
Félag íslenskra endurhæfingarlækna, Félag íslenskra heimilislækna, Félag íslenskra sjúkraþjálfara og Lýðheilsustöð standa fyrir málþinginu.
Aðalfyrirlesari verður Dr. Ingibjörg Jónsdóttir, associate professor, við Institute of Stress Medicine í Gautaborg.
Ingibjörg hefur stundað rannsóknir á streitu og tengslum streitu við hreyfingu, kyn, hormóna og fleira. Hún er einn helsti hvatamaður að og
frumkvöðull í því að koma á hreyfiseðlum og hreyfimeðferð við ýmsum sjúkdómum í vestur-sænsku heilbrigðiskerfi. Slíkri meðferð hefur
skipulega verið komið inn í meðferð á ýmsum sjúkdómum í Vestra-Götaland í Svíþjóð. Ingibjörg er vinsæll alþjóðlegur fyrirlesari um þessi
mál.
Dagskrá
13.00-13.50
13.50- 14.10
14.10-14.30
14.30-15.20
15.20-15.50
15.50- 16.00
Dr. Ingibjörg Jónsdóttir: Mikilvægi hreyfingar í meðferð lífsstílssjúkdóma
Jón Steinar Jónsson heimilislæknir: Reynsla af hreyfiseðlum í íslenskri heilsugæslu
Kaffi
Dr. Ingibjörg Jónsdóttir: Gildi hreyfiseðla
Pallborðsumræður: Dr. Ingibjörg Jónsdóttir, Jón Steinar Jónsson heimilislæknir, Héðinn Jónsson
sjúkraþjálfari og Gígja Gunnarsdóttir verkefnisstjóri hreyfingar, Lýðheilsustöð
Samantekt /Næstu skref?
Fundarstjóri er Ingólfur Kristjánsson endurhæfingar- og heimilislæknir.
Fundurinn er ókeypis en þeir sem vilja taka þátt, vinsamlega tilkynnið það til Örnu Elísabetar Karlsdóttur sjúkraþjálfara
með netpósti: arnaek@reykjalundur.is
Námskeiðið er styrkt af Fræðslustofnun Læknafélags Islands.
LÆKNAblaöið 2011/97 259