Ritið : tímarit Hugvísindastofnunar - 01.05.2008, Blaðsíða 57

GRÓÐURHÚSAÁHRIF
því að draga úr losun. í stuttu máli má því svara mótbárunni á þann hátt, að
án aðgerða verði áhrif hlýnunar veruleg og því meiri sem lengur er beðið
með aðgerðir. Sjá nánar í umfjöllun um mótbáru 8 hér fyrir neðan.
7. Kenningar urn hlýnun loftslags af mannavöldum byggja á samsæri
vísindamanna sem vilja beina athygli að sjálfiim sér og hrœða almenning og
stjómmálamenn með það fyrir augum aðfá meira fé til vísindarannsókna.
Hvort fjórða skýrsla IPCC skýtur lesanda skelk í bringu fer sjálfsagt eftir
upplagi hans. Umfjöllunin í skýrslunni er þó ekki skrifuð í slíkum tón, né
heldur eru í skýrslunni staðhæfingar sem krefjast þess að lesandinn leggi
gagnrýna hugsun til hliðar. Það er hins vegar rétt að í almennri umræðu
má oft sjá dæmi um fullyrðingar sem virðast settar ffarn til að hræða og
byggja ekki endilega á traustum grunni. Dæmi um þetta má nefna full-
yrðingar um að Golfstraumurinn stöðvist, jökulhvelin bráðni hratt og
sjór muni hækka um marga metra á skömmum tíma (t.d. nokkrum árum).
Hvað varðar slíkar fullyrðingar gildir það sama og um mótbárurnar hér
að ofan (og reyndar aðrar ýkjur eða rangfærslur): þeim þarf að svara á
greinargóðan og upplýsandi hátt og það verður svo að vera lesandans að
meta þau rök.
Fullyrðingum um að umfangsmikið samsæri vísindamanna standi á
bak við kenningar um loftslagsbreytingar af mannavöldum er best að
svara með því að biðja lesandann að gera sér í hugarlund hvernig unnt
væri að standa að slíku samsæri. Við loftslagsrannsóknir vinnur mikill
fjöldi vísindamanna við margar stofnanir í ýmsum þjóðlöndum. Yfirvöld
í ýmsum þessara landa hafa á undanförnum árum látið í ljósi efasemdir
um loftslagsbreytingar af mannavöldum og ljóst er að mikill fjárhagslegur
og pólitískur stuðningur fengist til rannsókna sem bentu til þess að ekki
þurfi að hafa áhyggjur af loftslagsbreytingum. Niðurstöður rannsókna eru
birtar í alþjóðlegum tímaritum sem eru öllum aðgengileg og flest gefin út
af virtum fyrirtækjum og vísindafélögum sem hafa enga hagsmuni af því
að koma röngum upplýsingum á framfæri. Erfitt er að ímynda sér hvernig
unnt væri að skapa þá samstöðu sem nú er orðin í vísindasamfélaginu um
loftslagsbreytingar af mannavöldum ef kenningin væri í grundvallaratrið-
um byggð á rangfærslum.
8. Það er gott að það hlýni.
Síðasta mótbáran er í raun ekki á sviði loftslagsvísinda. Vissulega má leggja
mat á ávinning og tap vegna hlýnunar jarðar, en sú spurning hvort þróun-
55