Þjóðlíf - 01.04.1989, Side 65

VIÐSKIPTI
„Þekktir erlendir hagfræðingar hafa í skrifum sínum veitt því athygli, að ýmsar siðareglur lækna virðst koma þeim mjög vel
fjárhagslega", segir Vilhjáimur Egilsson hagfræðingur í grein sinni
fslenska skattkerfið
áfram í uppstokkun
Skattaálögur hafa hækkað verulega á íslandi
á síðustu tveimur árum. Skattatekjur ríkis-
sjóðs sem hlutfall af landsframleiðslu eru á
yfirstandandi ári áætlaðar 25.7% eða hærri
en nokkru sinni fyrr. Á árunum 1982 til 1986
sveiflaðist þetta hlutfall í kringum 22% og
hækkunin í krónum frá þessum tíma samsv-
arar um tíu þúsund milljónum króna eða um
40000 krónum á hvern Islcnding ungan sem
gamlan.
Meginástæðan fyrir þessari hækkun er sú,
að ekki hefur tekist að halda aftur af útgjöld-
um ríkissjóðs og þetta er því uppgjöf að
nokkru leyti. Samkvæmt fjárlögum á að vera
afgangur á ríkisbúskapnum á þessu ári upp á
rúmar 600 milljónir króna. Almennt er þó
Vilhjálmur Egilsson
framkvœmdastjóri
Verslunarráðs
Islands skrifar:
reiknað með því, að það markmið feli í sér of
mikla bjartsýni og auðvelt er að sjá fyrir at-
burðarás sem skilar ríkissjóði í 5000 milljóna
króna halla í stað afgangs.
Hærri skattar —aukin útgjöld
Þegar litið er til undanfarinna ára læðist að
manni sú hugsun að hærri skattar leiði til
meira aðhaldsleysis í útgjöldum. Þetta kem-
ur fram með þeim hætti, að hugsun þeirra
sem taka ákvaðarnir um útgjöld miðast við
að finna út hversu langt má ganga í því að
eyða umfram það sem aflað er, í stað þess að
65
L