Þjóðlíf - 01.03.1991, Qupperneq 38

MENNING
KRAFTAVERKAMAÐURINN
SAIBABA
„Svör vísindanna verða alltafháð mati á líkindum“. Erlendur Haraldsson
prófessor í sálfrœði í viðtali um rannsóknir sínar á hinu yfirskilvitlega og kynni
sín af indverska kraftaverkamanninum Sai Baba
VILBORG DAVÍÐSDÓTTIR
Erlendur Haraldsson prófessor í sál-
fræði hefur stundað rannsóknir í rúm
tuttugu ár. Hann hefur skrifað fjölda
bóka og skýrslna um störf sín sem þýdd-
ar hafa verið á fjölmörg tungumál. Af
þeim þekktustu kemur fyrst upp í hugann
könnun á dulrænni reynslu íslendinga
sem oft er vitnað til þegar rætt er um
trúarviðhorf þjóðarinnar. Aðra umtal-
aða rannsókn vann Erlendur í samstarfi
við dr. Karlis Osis um sýnir dauðvona
fólks og kom bók um hana út á íslensku
fyrir tveimur áratugum. Bókin hefur síð-
an komið út á tólf tungumálum, m.a.
japönsku.
dag vinnur Erlendur að rannsókn á Sri
Lanka á börnum sem segjast hafa lifað
áður. Hann tekur viðtöl við börnin og
aðstandendur þeirra og kannar síðan að
hve miklu leyti frásagnir þeirra koma
heim og saman við raunveruleikann.
„Þessi börn eru oftast á aldrinum þriggja
til fimm ára og fara að tala um fyrra líf svo
til um leið og þau eru orðin talandi. Oft
nefna þau nöfn og staði sem tiltölulega
auðvelt er að sannreyna hvort eru raun-
verulegir,“ segir Erlendur. „Flest slík til-
vik um börn sem segjast hafa endurholdg-
ast hafa komið upp í Asíu en einnig ör-
sjaldan í Evrópu.“
Erlendur áætlar að ljúka rannsókninni
eftir eitt til tvö ár og fróðlegt verður að sjá
hverjar niðurstöðurnar verða. Þegar
blaðamaður hitti hann að máli á skrifstofu
hans í Háskóla Islands skömmu eftir ára-
mót var hann nýkominn frá Sri Lanka
eftir nokkurra vikna dvöl þar.
n umræðuefnið er þó ekki börnin á
Sri Lanka enda verkið í miðjum klíð-
um ennþá heldur rannsókn sem Erlendur
lauk fyrir fáum árum með bók sem á
38 ÞJÓÐLÍF