Listin að lifa - 01.10.2002, Side 12
BRIDSDEILDIN
TÍU ÁRA
Bridsdeildin var stofnuð 13. september 1992. Frumkvæbi a5 stofnun hennar átti Kristján
Benediktsson, þáverandi formabur FEB í Reykjavík.
Stofnfundurinn var haldinn á skrifstofu formanns að
Hverfisgötu 105, starfsreglur ákveðnar og þriggja
manna stjórn kjörin, sem var þannig skipuð: Eysteinn
Einarsson formaður, Sigurleifur Cuðjónsson ritari og
Kristinn Gíslason gjaldkeri. Jón Hermannsson var fljót-
lega ráðinn til að stjórna spilamennsku og hélt því
starfi til æviloka. |ón naut almennra vinsælda.
í þau tíu ár sem bridsdeildin hefur starfað hafa ekki
verið tíð formannaskipti. Lárus Arnórsson var kjörinn
formaður á öðru starfsári, en Bergur Þorvaldsson hefur
verið formaður s.l. átta ár. Bridsdeildin hafði ekki starf-
að lengi þegar ákveðið var að fjölga stjórnarmönnum í
5 og sú skipun hefur haldist. Reykjavíkurfélagið sér
bridsdeildinni fyrir húsnæði og aðstöðu til spila-
mennsku. Fyrstu árin fór starfsemin fram að Hverfis-
götu 105, síðan í nokkra mánuði í góðum húsakynnum
Þorrasels í Skerjafirði, en frá 17. ágúst 1998 í félags-
heimilinu Ásgarði, Glæsibæ.
Starfseminni er þannig háttað að spilað er tvisvar í
viku á mánudögum og fimmtudögum kl. 13-17. Þátt-
tökugjald er 250 kr. á mann, en félagið fær 50 kr. af
þeirri upphæð. Tvímenningur er mest notaða keppnis-
formið. Þátttakendur geta mætt þegar þeim hentar, en
oftast hafa 40-60 manns spilað. Mesta þátttakan er 60
manns, minnst um 30. Ennþá mæta nokkrir sem hafa
verið með frá byrjun.
Brids er huglæg íþrótt sem þjálfar hugann í að beita
rökréttri hugsun. Hún er ekki síst mikilvæg fyrir fólk
sem er að lifa síðari æviskeið og komið fram yfir starfs-
lok. Einbeiting og þjálfun hugans skiptir hér miklu máli.
Bridsíþróttin byggir á samvinnu tveggja aðila and-
stætt skákíþróttinni þar sem allt byggist á einstaklingn-
um. Bridsíþróttin er geysilega vinsæl í heiminum og ís-
land þar ekki eftirbátur annarra þjóða. íslendingar hafa
tekið þátt í mörgum stórmótum á erlendum vettvangi,
oft með ágætum árangri.
Árið 1950 átti Island par í sveit Evrópu sem barðist
um heimsmeistaratitilinn. Hin pörin tvö voru frá Sví-
þjóð. Sveit Bandaríkjanna sigraði, en Evrópa hafnaði í 2.
sæti. Fjörutíu árum síðar náði íslenska sveitin að verða
heimsmeistari. Það þóttu mikil tíðindi í heimspressunni,
að smárrki eins og ísland skyldi ná því marki. íslending-
ar hafa eignast marga stórmeistara í skák og eru þar með
hátt hlutfall miðað við fólksfjölda. Huglæg íþrótt á því
upp á pallborðið hjá okkur íslendingum.
l')úlíu&- céj[((Siiu(udssofi',
ritarí brídsdeildar
Bridsdeild FEB í Reykjavík býður 60 ára og eldri upp á skemmti-
lega keppni í Ásgarði, Glæsibæ, á mánudögum og fimmtudögum
kl. 13-17. Keppendur mæta þegar aðstæður þeirra leyfa.
Námskeið fyrir byrjendur hefst 10. október í Ásgarði.
Frá FEB í Reykjavík: HEILSA & HAMINGJA
Fyrstu fyrirlestrarnir á haustinu
Laugardaginn 26. október kl. 13.00
1. Samband heilsu og lífsgæða á efri árum.
Tómas Helgason prófessor skýrir frá ýtarlegri rannsókn,
sem gerð var hér nýlega.
2. Svefnþörf og svefntruflanir aldraðs fólks.
Júlíus Björnsson sálfræðingur flytur erindi.
Fyrirlestrarnir verða haldnir í Ásgarði, Glæsibæ og hefjast
kl. 13.00. Aðgangseyrir er 300 krónur og kaffi er innifalið.
Allireru velkomnir.
Nœstu fyrirlestrar verða 16. nóvember. Nánar tilkynnt á
heimasíðu FEB og í dagbók Mbl.
Frœðslu- og k)’nningarnefndin hvetur fólk til að mœta og
kynna sér málefnin. Á eftir hverju erindi gefst tækifœri til
spurninga og umrœðna.