Listin að lifa - 01.10.2002, Blaðsíða 43

1 msk. púðursykur eða hunang
1 tsk. salt
2 tsk. lyftiduft
1 tsk. matarsódi (natron)
1/4 bolli hveitiklíð eða byggmjöl (1 dl)
1/4 bolli annað gróft mjöl eða korn (1 dl)
kúmen eða rúsínur
1. Súrmjólk og egg þeytt saman.
2. Öllu þurrefni hrært saman við ásamt kúmeni eða rúsín-
um ef vill. Deigið á að vera þykkt.
3. Tvö stór brauðmót eru smurð með matarolíu og brauð-
mylsnu eða hveiti stráð í þau.
4. Deiginu er skipt í mótin og haframjöli eða semsamfræi
stráð yfir til skrauts.
5. Bakað við 175 gráður í 45-50 mínútur. Leggið stykki
yfir brauðin og kælið. Geymið í plastpoka. Frystið ef
vill.
Ég hlakka til að heyrafrá ykkur,
St&injiwi&AáttÍA/,
hússtjómarkeimari
Heilnæmt
í gönguferðina
Aðalbjörg Stefánsdóttir er þekktur göngugarpur í Garðabæ.
Hitt vita færri að hún er mikil áhugakona um heilsufæði.
Hún fer á grasafjall og tínir sveppi úti í náttúranni og fleira
sem til fellur. í litlum gróðurreit í garðinum sínum ræktar
hún grænkál, brokoli, kryddjurtir, rófur og kartöflur. Fjalla-
grös, kryddjurtir og kál þurrkar hún og notar í súpur og
brauð. Það er búsældarlegt í eldhúsinu hjá Aðalbjörgu.
Hvernig hreinsar hún fjallagrösin? „Ég grófhreinsa
grösin og legg þau smástund í bleyti í kalt vatn. Hristi þau
síðan mjög vel. Þau þorna fljótt á eldhúsborðinu. Síðan
brýt ég þau niður og geymi í stóram glerkrakkum.”
Þurrkun á grænkáli: Grænkálið er skorið af grófustu
stönglunum. Síðan rifið smátt niður á bökunarplötur og
þurrkað í blástursofni við 130-140 gráðu hita. „Yfirleitt er
ég með 3^4 plötur inni í ofninum samtímis og færi þær til,
en kálið má ekki hitna of mikið. Þurrkunartími er um 8-10
mínútur. Ég hef ofninn pínulítið opinn. Maður verður að
þreifa sig áfram, bökunarofnar era misjafnir, en gætið vel
að kálið dökkni ekki. Síðan geymi ég það í stóram gler-
krakkum og nota í kjötsúpuna og grænkálsjafninginn yfir
veturinn.”
Nesti Aðalbjargar í langan göngutúr: Heilsubrauð,
mikið af kæfu og íslenskt smjör. „Síðan er ég með pakka-
súpur (3 minute noodles) og helli yfir þær heitu vatni. Hita-
brúsi, lítill ketill og prímus rúmast vel í bakpokanum.”
Aðalbjörg með nýja uppskeru af grænkáli úr garðinum sínum
sem hún hefur fengið viðurkenningu fyrir. Ljósm. O.Sv.B.
Heilsubrauðið hennar Aðalbjargar er svo orkugefandi að
óhætt er að mæla með því. Hún var svo elskuleg að gefa
okkur uppskrift.
Heilsubrauð
1/2 kg hveiti
300 g heilhveiti
200 g rúgmjöl
2 tsk. lyftiduft
1 tsk. matarsódi
1 hnefi fjallagrös
300 g bankabygg, grænar linsubaunir, sesam- og sólblóma-
fræ (má leika sér með frætegundir eins og hver vill)
1 stórt blað af grænkáli eða 1 hnefi af þurrkuðu káli.
300—400 g súrmjólk
rúsínur eftir smekk
Fræin lögð í bleyti í sólarhring. Fjallagrösin lögð í bleyti
og skoluð vel, síðan söxuð mjög fínt niður. Allt hrært sam-
an og hnoðað upp í súrmjólkina. Bakað í 20 mínútur við
220 gráðu hita og 40 mínútur á 150 gráður. Aðalbjörg hefur
líka notað fjörukál í brauðið. Eins má nota maríustakk og
blóðberg (rosmarin). „Svo margt hægt að tína úti í náttúr-
unni á sumrin,” segir hún.

43