Listin að lifa - 01.10.2002, Blaðsíða 45
■ ■ al. ?•
Það er gott að njóta birtunnar og græna gróðursins utandyra í sólskálanum.
og umferðin minnir á götulíf á góð-
viðrisdegi. Allir heilsa henni og spurja
hvernig gangi með Markarholt.
„Segðu lesendum að hér sé yndislegt
samfélag,” segir ein konan. „Fólk
byrjaði að blómstra upp á nýtt við að
komast í öryggi á sínum heimaslóð-
um,” segir Eygló og bætir við: „Það er
nrjög mikilvægt að geta búið áfram í
hverfinu sínu.”
Umsóknir um íbúðir voru fleiri en
Réttarholt gat annað. Eygló og félagið
sóttu því um aðra lóð við hliðina fyrir
alhliða þjónustu og íbúðir. „Lóð fyrir
íbúðir fengunr við, en ekki lóð fyrir
heilbrigðisþjónustu eins og við stefn-
um að í Markarholti, en rannsóknir
hafa margsannað að fólk getur haldið
sér vel með markvissri endurhæfingu
og þjálfun. Haustið ‘93 afhentum við
svo 19 íbúðir í viðbót.
Markarholt var stofnað 1997
til aö vinna meb eldra fólki
og opinberum aðilum ab
uppbyggingu og rekstri á
heildarþjónustu og íbúöum
fyrir aldraba á sama
túnblettinum.
í framhaldi af þessu stofnuðum við
nýja félagið „Sjálfseignarstofnun
Markarholt” haustið ‘97 og erurn nú
með á þriðja hundrað manns á lista,”
segir Eygló. „Við fengum lóðarfyrir-
heit í Mörkinni vorið ‘99, en síðan
hefur staðið á rekstrarleyfi fyrir hjúkr-
unarheimili. Félagið þarf stóra lóð til
að geta útfært mína hugmyndafræði.
Nú er Reykjavíkurborg að ganga frá
lóðinni, við höfum átt umsóknir í
Framkvæmdasjóði aldraðra og rekstr-
arleyfi fyrir hjúkrunarheimili og eygj-
um nú góða von um að þetta sé að fá
afgreiðslu.”
Segðu okkur aðeins frá þinni
hugmyndafræði.
„Horfum fyrst á stöðuna. Aldraðir
þurfa öflugri þjónustu, en vita eðlilega
ekki fyrr en á reynir hvemig þjónustu-
kerfið er og hvað mætti fara betur, svo
að þeir geti dvalið lengur í heimahús-
um. Margir hafa löngun og getu, en ís-
lenska einstaklingshyggjan þar senr
hver vinnur í sínu homi stendur líka í
vegi fyrir hagkvæmari lausnum. Ég
vil fá sem flesta til að vinna með okk-
ur sem hafa kynnt sér þessi mál, fá
sem flest sjónarmið.”
Eygló sýnir drög af kringlulaga
byggingu í nriðju grænu svæði.
„Svona þjónustukringlu vil ég skapa
utan um einstaklinginn,” segir hún.
„Hér á hann að geta gengið inn, notið
félagsskapar, fengið mat sérfræðinga á
líkamlegri og andlegri getu sinni - og
úrlausnir. Hér á hann að fá andlega og
líkamlega örvun eins og þörf er á.
Hugmyndafræöi og
framtíöarsýn Markarholts
speglast í óskum og
væntingum einstaklinga
um aö búa heima, en hafa
aögang aö heildarþjónustu
á sama túnblettinum, ef
eitthvaö bjátar á.
Ég vil ekki bara byggja eitt stykki
hjúkrunarheimili, heldur vil ég sam-
fellt þjónustukerfi með íbúðum, dag-
vistun og sértækum úrræðum. Allt á
að vinna saman, heimaþjónusta og
heimahjúkrun, þjónustuíbúðir og sam-
býli. Á meðan úrræðin eru svona tak-
mörkuð, nær einstaklingurinn aldrei
að byggja sig alveg upp. Það er erfitt
að þjálfa fólk upp, ef það hefur beðið
of lengi. Fólk á að fá að fara í heilsu-
farslegt mat, eins og bíllinn fer í ár-
lega skoðun!
Það má stórbæta heimaþjónustu
svo að fólk geti dvalið lengur heima.
Ég vil fullreyna öll þjónustuúrræði í
samstarfi við einstaklinginn áður en
hann er kannski knúinn til að nota það
dýrasta - hjúkrunarrýmið.
Við áætlum að fyrstu íbúðir verði
tilbúnar upp úr haustinu ‘04. íbúðirnar
verða ekki seldar, en úthlutað í eins-
konar búsetakerfi til að auðvelda fólki
daglegan rekstur og viðhald, færa sig
til í þjónustunni og losa um fjármagn.
Auðvitað þarf að leggja fram eitthvað
stofnfé, en boðið verður upp á ókeypis
ráðgjöf frá þeim banka sem við mun-
um semja við.
Markarholt vil ég sjá sem blómleg-
an byggðakjama fyrir aldraða á öllum
aldri, sem yngra fólk hefði líka áhuga
á að heimsækja - þjónustukjarna til
bóta fyrir allt hverfið. Byggingar
Markarholts munu standa miðsvæðis í
borginni, stutt í gönguleiðir í Laugar-
dal og Fossvogsdal.
Markarholt býöur öllum
sem hafa áhuga á aö gerast
félagsmenn aö greiöa
2.500 kr. árgjald fyrir
einstaklinga og hjón.
45