Listin að lifa - 01.10.2002, Blaðsíða 14

við rúmlega 8.000 félagsmenn sem fjölgar ár frá ári - og
leita mikib til skrifstofunnar meb margs konar spurningar
um réttindi sín og stöbu í þjóbfélaginu. Mörgum reynist
erfitt ab skilja tekjutengingu, eingreibslur, skertar trygg-
ingabætur og skattamál, svo ekki sé talab um skort á hjúkr-
unar- og þjónusturýmum.
Alltaf er verið að brjóta á rétti eldra fólks. Það er skyld-
að til að hætta að vinna á vissum aldri, þótt starfslöng-
un og starfsgeta séu enn fyrir hendi. Síðan á það að lifa
á bótum frá TR og þeim ellilífeyri sem ríkisvaldið
skammtar, sem nær ekki viðmiðun við lágmarkslaun
verkafólks. Hver og einn getur séð sjálfan sig í þessum
sporum eftir nokkur ár. Félög eldri borgara eru mjög
nauðsynleg félagasamtök til að berjast fyrir réttindum
aldurshópa yfir ákveðnum aldri, einnig til að skapa
menningarlegt umhverfi í fjölbreyttu félagslífi.
Aðaltenglar á heimasíðu:
• Félagið, skrifstofa - FEB í Reykjavík telur nú yfir
8.000 félagsmenn og árleg fjölgun er mikil. Hlutverk
þess er að gæta hagsmuna félagsmanna í hvívetna, og á-
hersla lögð á að gæta réttar eldri borgara gagnvart
stjórnvöldum. Hér undir kemur lögfræðileg og fjárhags-
leg ráðgjöf, silfurlínan, upplýsingamiðill um eldri iðnað-
armenn, og hollvinahópurinn sem styrkir hagsmuna-
baráttuna.
• Hagsmunamál - kjarabaráttan er alltaf í brennidepli.
Hér undir eru blaðagreinar sem vert er að íhuga nánar,
bankamál, mikilvægt að fylgjast vel með vaxtamálum
svo að spariféð brenni ekki inni, hagnýtar upplýsingar,
s.s. greiðslur frá TR, skattamál og frítekjumörk, frá hag-
fræðingi koma útreikningar um skattleysismörk og elli-
lífeyri miðað við þróun lágmarkslauna.
• Félagsstarfíð - fjölmennt félag þarf þróttmikið félags-
líf, enda eiga allir að geta fundið eitthvað við sitt hæfi.
Hér undir eru heilsa og hamingja, fyrirlestrar um heils-
una, Snúður og Snælda, leikfélag með árlegar sýningar,
Bridsdeildin, Söngfélagið, kór með söngferðalög og
söngskemmtanir, Söngvakan, Göngu-Hrólfar, Skák-
deildin, Félagsvistin, Alkortið, endurvakið þjóðlegt spil,
dansleikir og danskennsla.
• Ferðalög - í ár eru skipulagðar 12 dagsferðir og 5
lengri ferðir innanlands, svo vinsælar að vissara er að
bóka sig fljótt.
• Félagsskírteinið - því fylgir áskrift að félagsritinu
Listin að lifa, Þjónustubók, með ótal fyrirtækjum sem
veita afslátt, upplýsingar um réttindi í almannatrygg-
ingakerfinu, ráðgjöf lögfræðings, ráðgjöf í fjármálum,
afsláttur í ferðalög félagsins, innganga í fjörugt félagslíf.
Félagsskírteinið er fjótt að borga sig!
• Listin að lifa - félagsrit Landssambands eldri borgara
kemur út 4 sinnum á ári, flytur fréttir, fróðleik og
skemmtiefni, bergmálar félagslíf og ferðalög, tengir fé-
lögin saman. Nafnið endurspeglar þann þróttmikla anda
sem ríkir í félagslífinu. Það er list að lifa þegar aldurinn
færist yfir og vinnan að baki, en félagslífið er heilsubæt-
andi. Efnisyfirlit síðasta blaðs kemur hér undir.
• Landssambandið - er eins konar regnhlífasamtök fyr-
ir öll eldri borgara félög á landinu, 52 talsins með yfir
15.000 félagsmenn. Hér undir eru lög og samþykktir og
tilgangur samtakanna.
• Aðrir tenglar - hér eru birt netföng hjá félagasamtök-
um sem beint og óbeint vinna með Reykjavíkurfélaginu.
Á heimasíðunni er lögð áhersla á einfalda, skýra upp-
setningu og upplýsandi texta með stóru letri. Félagið
vonar að hún muni hjálpa þeim fjölmörgu sem eiga í
erfiðleikum með að skilja stöðu sína í þjóðfélaginu
eftir að vinnu lýkur.
Vefstjóri er Oddný Sv. Björgvins.
14