Frjáls verslun - 01.10.2008, Blaðsíða 52

F R J Á L S V E R S L U N • 1 0 . T B L . 2 0 0 8 53
Eitt ár er síðan Jón Steindór Valdimars-son tók við starfi framkvæmdastjóra SI. Hann er þó enginn nýgræðingur
hjá SI því þar hefur hann starfað í 20 ár,
lengst af sem aðstoðarframkvæmdastjóri. Jón
Steindór er lögfræðingur að mennt, fæddur
og uppalinn á Akureyri, kvæntur og á þrjár
uppkomnar dætur.
Hvernig horfir ástandið í efnahags- og
atvinnulífinu við þér um þessar mundir?
„Ástæðulaust er að draga fjöður yfir að
íslenskt þjóðfélag hefur orðið fyrir miklum
hremmingum sem munu setja mark sitt á
flesta þætti þjóðlífsins á næstu misserum.
Við höfum orðið fyrir miklu tjóni, beðið
álitshnekki og sjálfsmynd okkar sem þjóðar
hefur orðið fyrir áfalli. Úr þessu þurfum við
að vinna og ég er sannfærður um að okkur
mun takast það. Ef rétt er á spilunum haldið
munum við rétta fljótt úr kútnum og standa
sterkari en áður. Til þess höfum við allar for-
sendur, en við þurfum að standa þétt saman,
hafa skýra framtíðarsýn og horfast í augu við
að verkefnið er ekki auðvelt.“

Hver eru helstu verkefnin í bráð og lengd?
„Grundvallaratriði er að leita allra þeirra
leiða sem auka útflutningstekjur, draga úr
erlendum útgjöldum og koma í veg fyrir að
atvinnuleysi festist í sessi, fólk flytji úr landi
og hér bresti á óbætanlegur atgervisflótti. Á
næstu árum og framvegis verður þjóðin í
heild að afla miklu meira en hún eyðir. Að
þessu marki verða allar aðgerðir að stefna.
Grundvallaratriði er að búa okkur efnahags-
legan stöðugleika og efnahagslegt öryggi til
langframa. Það hefur okkur ekki tekist sem
skyldi. Þar þarf ekki frekar vitnanna við.
Samhliða því að leyst er úr bráðavanda
þarf að leggja línur til framtíðar. Forgangs-
verkefni er að koma á eðlilegum gjald-
eyrisviðskiptum, styrkja gengi krónunnar,
lækka verðbólgu og vexti hratt og örugglega.
Samtímis þarf að koma bankakerfinu í starf-
hæft horf. Allt eru þetta grundvallarþættir
sem lúta að því að gera fyrirtækjum landsins
kleift að starfa. Við þurfum að koma þeim
sem allra flestum í örugga höfn því án þeirra
missir fólk vinnuna. Það má ekki gerast.“
Megum ekki missa móðinn
„Mikilvægt er að telja kjark í þjóðina. Sann-
færa okkur öll um að við munum á endanum
koma standandi niður og að lífskjör verði hér
eftir sem hingað til í fremstu röð. Við ætlum
ekki að sætta okkur við annað. Atvinnurek-
endur, almenningur og ekki síst umheim-
urinn verður að trúa því að íslenskt atvinnu-
líf eigi framtíð fyrir sér. Hér verði starfsskil-
yrði góð og þær miklu sveiflur, á nánast alla
mælikvarða, sem við höfum búið við verði úr
sögunni. Við eigum að búa okkur umhverfi
hægs en öruggs vaxtar.
Hér er ábyrgð talsmanna atvinnulífsins
og stjórnvalda mikil. Við eigum að vera
raunsæ en vara okkur á því að tala okkur
niður í verra ástand en efni eru til. Þrátt fyrir
allt skiptir hugarástand og trú á framtíðina
ótrúlega miklu máli um árangurinn.
Allir verða að líta í eigin barm og endur-
meta stöðuna og setja fram trúverðuga lang-
tímastefnu og hugmyndir um hvernig við
getum og viljum byggja upp samfélag okkar
og atvinnulíf til framtíðar.“
Aðild að ESB eykur líkur á árangri
„Til þess að byggja upp kröftugt og þrótt-
mikið atvinnulíf þarf stöðugleika og aftur
stöðugleika. Þann stöðugleika fáum við
aldrei með núverandi kerfi fljótandi gjald-
miðils og verðbólgumarkmiðs Seðlabank-
ans. Þetta blasir við öllum sem vilja sjá.
Samtök iðnaðarins hafa lengi bent á þetta
en ekki náð eyrum þeirra sem með valdið
fara í þessum efnum. Fyrr en nú – vonandi!
Íslenskt atvinnulíf og heimili geta ekki búið
Samtök iðnaðarins (SI) gæta hagsmuna iðnfyrirtækja og eru sameiginlegur vett-
vangur þeirra til að vinna að framförum og bættum rekstri og afkomu. Um 1.200
fyrirtæki eiga aðild að SI og eru þau af öllum stærðum og gerðum um allt land.
Framleiðsla þeirra og þjónusta er nánast allt milli himins og jarðar og er seld jafnt
innanlands sem utan. Nefna má ál, hugbúnað, fæði og klæði, mannvirki, húsbúnað,
steypu, vélar og vogir, gervihné, lyf, tölvuleiki og svo mætti lengi telja.
Við MunuM koMA
StAndAndi niður
textI: hrund hauksdóttir • MyNd: geir ólafsson
V i ð t A l V i ð f r A M k V æ M d A S t j ó r A S A M t A k A i ð n A ð A r i n S