Frjáls verslun - 01.10.2008, Blaðsíða 43

44 F R J Á L S V E R S L U N • 1 0 . T B L . 2 0 0 8
Í bókinni skrifar Þór opinskátt um reynslu sína fyrstu misserin í starfi sínu sem forstjóri Sjóvár. Áskoranirnar sem hann mætti í því krefjandi verkefni sem hann tók að sér þegar hann settist í forstjórastólinn, þær breytingar sem hann boðaði en síðast
en ekki síst þau mistök sem hann gerði og hvað hann hefur lært af
þeim.
Hvernig tökum við á mistökunum?
Mistök leiðtoga eru sjaldnast á borð borin. Margir gera hvað þeir
geta til að breiða yfir þau eða gangast ekki við þeim komi þau upp
á yfirborðið. Þór hvetur stjórnendur til að gera hið gagnstæða, þ.e.
að skrá hjá sér mistökin, lærdóminn af þeim og hvetja starfsmenn
sína jafnframt til að læra af þeim. Skilaboðin í Betrun eru þau að
sama hversu hátt settur stjórnandinn er, þá mun hann gera mistök
eins og allar aðrar mannlegar verur. Það er hins vegar mikilvægt að
læra af þeim til að ná enn frekari árangri í starfi. Árangur Þórs og
starfsmanna hans hjá Sjóvá hefur verið gríðarlega góður undanfarin
misseri, eins og rakið er í inngangi bókarinnar.
TExTi: unnur valborg hilmarsdóttir
B æ K u R
Það gerist ekki oft á Íslandi að einn af
reyndari og virtari forstjórum landsins setj-
ist niður og skrifi bók um þann lærdóm sem
hann hefur gengið í gegnum. Að minsta
kosti ekki á meðan sá hinn sami á enn eftir
fjölda ára í starfi. Það gerist ekki heldur oft
að þekktur forstjóri setjist niður og skrifi um
mistök sín í starfi til útgáfu. Það gerir Þór
Sigfússon, forstjóri Sjóvar, í nýútkominni bók
sem ber heitið Betrun, hvernig bæta má
stjórnun með því að læra af mistökum.
LæRT aF
miSTöKum
Unnur Valborg Hilmarsdóttir fjallar
hér um nýja bók Þórs Sigfússonar.
Þór Sigfússon, forstjóri Sjóvar.