Frjáls verslun - 01.03.2006, Side 22

22 F R J Á L S V E R S L U N • 3 . T B L . 2 0 0 6
„Í stjórnendastarfi í alþjóðlegu fyrirtæki lifir
maður hálfgerðu sígaunalífi. Hver vinnudagur
er öðrum ólíkur og viðfangsefnin eru að sama
skapi fjölbreytt. Ég er mikið á ferðalögum og er
að jafnaði fjóra daga í hverri viku erlendis, sem
ég reyni aftur að samhæfa fjölskyldulífi með því
að vera hér heima um helgar,“ segir Svafa Grön-
feldt, aðstoðarforstjóri Actavis Group.
Starfið er lífsstíll
„Sé ég á landinu er ég komin til vinnu milli
klukkan átta og níu, þá eftir að ég hef komið
börnunum mínum tveimur í skóla. Morgunmatur-
inn er sjaldnast meira en Cheerios og ávöxtur.
Ég byrja á því að fara yfir þann tölvupóst sem
borist hefur frá kvöldinu áður. Mér berst mikið
af pósti og afar mikilvægt er að sía úr. Svo
taka við fundir sem standa gjarnan allan dag-
inn. Sumir eru samkvæmt fastri dagskrá okkar
stjórnenda fyrirtækisins, en aðrir eru tilfallandi.
Segin saga er að þeir fundir sem haldnir eru
fyrir hádegi skila alltaf mestum og bestum
árangri. Þá er fólk einfaldlega best fyrir kallað,
enda óþreytt eftir hvíld næturinnar,“ segir Svafa.
Aðkallandi símtöl segist Svafa oft afgreiða í
bílnum, þegar hún er á ferðinni milli staða. „Ég
hef annars enga reglu á símtölunum, tek þau
einfaldlega þegar þarf. Í fjölþjóðlegum rekstri
eins og hjá okkur þarf maður oft að miða sím-
tölin við það á hvaða tímabelti viðmælandinn
er. Símtöl til Ameríku afgreiði ég oft heima á
kvöldin, eins og svo margt annað sem starfinu
áhrærir, enda er öðru fremur lífsstíll að vera
stjórnandi í stóru fyrirtæki. Maður er alltaf á
vaktinni.“
Með beinagrind er björninn unninn
Svafa hefur ekki eigin skrifstofu í höfuðstöðvum
Actavis í Hafnarfirði. „Það er sama hvaða starfi
ég hef gegnt, áður en við er litið var ég búin
að lána einhverjum öðrum skrifstofuna, jafnvel
tveimur eða þremur samstarfsmönnum. Því set
ég mig einfaldlega niður þar sem pláss er þá
stundina. Ef ég þarf að setja texta niður á blað
finnst mér hins vegar mikilvægt að hafa til þess
næðisstund og þá verða næturnar drjúgar eða
langar flugferðir. Stundum bregð ég mér líka frá
hér í vinnunni og keyri suður á Garðaholt á Álfta-
nesi þar sem er heimsins fallegasta útsýni. Með
fartölvuna í kjöltunni skrifa ég þar beinagrind
að texta sem hefur staðið í mér jafnvel í marga
daga. Og þegar þessi drög að texta eru komin
er björninn unninn.“
Tímabelti og
tölvupóstur
„Með fartölvuna
í kjöltunni skrifa
ég þar beina-
grind að texta
sem hefur staðið
í mér jafnvel í
marga daga.“
SVAFA GRÖNFELDT
Svafa Grönfeldt, aðstoðarforstjóri Actavis Group.
DAGBÆKUR
FORSTJÓRA