Frjáls verslun - 01.03.2006, Side 44

44 F R J Á L S V E R S L U N • 3 . T B L . 2 0 0 6
Þ
eir Andri Már Ingólfsson, forstjóri Heimsferða,
og Helgi Jóhannsson, forstjóri Sumarferða, eru
gamlir reynsluboltar í ferðaþjónstunni sem lengi
hafa tekist á. Enn á ný takast þeir á af hörku í barátt-
unni um ferðalanga - bæði íslenska sem erlenda. Heimsferðir
eru núna fjórða stærsta ferðaskrifa á Norðurlöndum. Þeir
segja að samkeppni þeirra sé viðskiptalegs eðlis en ekki á per-
sónulegum nótum sem oft einkenndi þetta fag á árum áður.
Helgi Jóhannsson hefur farið mikinn frá því hann stofnaði
Sumarferðir og hefur ferðaskrifstofan gengið vonum framar
og varð það til þess að Helgi keypti nýlega Ferðaskrifstofu
Íslands sem rekur Úrval-Útsýn og Plúsferðir. „Sumarferðir og
Ferðaskrifstofa Íslands verða áfram rekin hvor í sínu lagi; þær
eigi sína föstu viðskiptavini og því verður ekkert breytt.“
Veldi Andra Más hefur þanist út
Andri Már Ingólfsson, eigandi Heimsferða, hefur gert
ótrúlega góða hluti með Heimsferðir frá því hann stofnaði
fyrirtækið árið 1992. Fyrirtækið keypti á síðasta ári þrjár nor-
rænar ferðaskrifstofur; Solresor í Svíþjóð, Solia í Noregi og
Bravo Tours í Danmörku.
Heimsferðir eru því í dag eitt af stærstu ferðaþjónustufyr-
irtækjum Norðurlanda og í hópi þeirra sem hafa vaxið hvað
hraðast undanfarin ár. Þá keypti Andri Már hús Eimskipafé-
lagsins og breytti því í hótel; Hótel Radisson SAS 1919. Áður
höfðu Heimsferðir keypt Terra Nova.
Helgi Jóhannsson, forstjóri Sumarferða, segir að ekki sé
mikið um ferðir til sömu áfangastaða og hjá Heimsferðum,
bæði fyrirtækin fljúgi hins vegar til Alicante og Mallorca
- lengra nái samlíkingin ekki. Á þeim leiðum sé mikil sam-
keppni.
Helgi segir ennfremur að Mallorca og Alicante séu helstu
viðkomustaðir Sumarferða, en nýir staðir séu m.a. Tenerife
og Lanzarote en aðsóknin sé slík að það sé nánast uppselt
þangað. Á Tenerife sé betra veðurfar en á meginlandinu og
ekki eins heitt - og svo sé verðið einnig mjög hagstætt.
Að sögn Helga eru vinsælustu staðir Úrvals-Útsýnar og
Plúsferða Portúgal, Mallorca og Krít, en verið er að bjóða
upp á ferðir til Tyrklands sem ekki hefur verið farið til áður í
reglulegu leiguflugi.
„Við munum selja fleiri sæti í ár en í fyrra og var þó árið í
fyrra metár. Þá fluttum við 28 þúsund manns en við erum nú
búin að bóka um 40% meira en á sama tíma í fyrra, og vorum
við þó ánægð með það. Ferðir á sólarstrendur eru orðnar
ríkari þáttur í ferðapýramídanum hjá fólki enda hefur verð-
samkeppnin verið mjög öflug milli stærstu ferðaskrifstofanna
sem leiðir til þess að fólk kemst í frí á mjög góðum kjörum,“
segir Helgi.
Yfir 400 þúsund farþegar hjá Heimsferðum
Andri Már segir að Heimsferða-grúppan muni flytja yfir 400
þúsund farþega á þessu ári og að Svíþjóð sé stærsti markaður-
EINVÍGI ANDRA
OG HELGA
F E R Ð A Þ J Ó N U S T A
Ferðaskrifstofukóngarnir Andri Már Ingólfsson,
forstjóri Heimsferða, og Helgi Jóhannsson, for-
stjóri Sumarferða, keppa af hörku. Heimsferðir
eru orðnar fjórða stærsta ferðaskrifstofan á
Norðurlöndum.
Andri Már Ingólfsson.Helgi Jóhannsson.
TEXTI: GEIR A. GUÐSTEINSSON
MYNDIR: GEIR ÓLAFSSON