Frjáls verslun - 01.03.2006, Page 60

Æ
skuvinkonurnar eru Erna
Steina Guðmundsdóttir
textílhönnuður, Lísbet
Sveinsdóttir myndlistar-
maður og Matthildur Halldórsdóttir drama-
þerapisti sem býr í Perú.
Sagan á bak við fyrirtækið er ótrúleg
enda segja þær Erna Steina og Lísbet að
velgengnina megi þakka þrautseigju og
þori auk þess sem þær eru allar haldnar
ævintýraþrá.
Matthildur kom einhverju sinni með
peysu frá Perú og vinkonunum datt í hug að
teikna peysur og láta framleiða þær; þeim
fannst sniðugt að vera með ,,aukabúgrein“
með því að láta prjóna nokkrar peysur og fá
aukapening. Salan gekk vonum framar og fyr-
irtækið, ELM Design, var stofnað árið 1998.
Þær héldu fljótlega tískusýningu hér heima
og síðan aðra í Bandaríkjunum. ,,Þegar
maður segir frá þessu núna þá virðist þetta
vera ótrúlegt,“ segir Lísbet, ,,en ég held við
höfum gert þetta vegna þess að við vissum
ekki alveg hvað við vorum að gera. Þetta
var í rauninni mjög stórt skref.“ Þær komust
í kjölfarið í samband við umboðsmann í
Bandaríkjunum og tóku þátt í sölusýningum
í New York og París. Og ævintýrið hófst.
Tímaleysi
Fyrstu árin var lögð áhersla á prjónaflíkur
úr alpaca-ull, sem voru framleiddar í Perú,
og leðurvöru. Fyrirtækið tók kipp upp á við
eftir að þríeykið fór að framleiða saumaða
línu úr ýmsum efnum. ,,Við lögðum áherslu
á prjónahönnunina í nokkur ár,“ segir Erna
Steina, ,,en við höfðum alltaf löngun til að
gera heildstæða fatalínu sem gæti staðið
undir sér sem heildstæð lína í verslun.“
Lögð er áhersla á vönduð efni og fara
vinkonurnar reglulega á efnissýningar í
París og velja efni í næstu línu.
ÞRAUTSEIGJA OG ÞOR
TEXTI: SVAVA JÓNSDÓTTIR
MYND: GEIR ÓLAFSSON
Þrjár æskuvinkonur fóru
að hanna og selja peysur
fyrir um átta árum. Salan
gekk vel og boltinn fór að
rúlla. Þær hafa rekið fyrir-
tækið og verslunina ELM
Design í nokkur ár. Salan
í versluninni hefur aukist
um 20-30% á milli ára og
útflutningur hefur aukist
um 60-80% á ári. Vörur frá
ELM Design fást í um 100
verslunum í Bandaríkjunum.
Erna Steina, Lísbet og Matthildur sjá
allar um hönnunina og síðastliðin ár hefur
verið um fjórar línur að ræða: Vorlínu, sum-
arlínu, haustlínu og jólalínu. Þær eru farnar
að undirbúa hönnunina fyrir sumarið 2007
og eru að viða að sér efnisprufum.
Aðallitirnir eru svartur og hvítur þó
sterkir og bjartir litir séu líka í línunum.
,,Það er alltaf beðið um aðra liti,“ segir Erna
Steina, ,,en salan er alltaf langmest í svörtu.
Fólk vill sjá litina þó það velji síðan svart.
Svona er þetta út um allan heim.“
Ef lýsa á hönnun ELM Design má segja:
Ákveðinn einfaldleiki. Glæsileiki. Tímaleysi.
Hið síðastnefnda gerir það að verkum að 16
ára stúlkur og áttræðar konur kaupa sömu
flíkina. Það má samt segja að markhópur-
inn sé á aldrinum 30 ára og upp úr.
Óhætt er að segja að um persónulegan
stíl æskuvinkvennanna sé að ræða. Þær fá
hugmyndir m.a. með því að fylgjast með því
sem aðrir hönnuðir eru að gera auk þess
sem þær fá jafnvel hugmyndir með því að
skoða búningahönnun fyrri tíma.
Beggja vegna Atlantshafsins
Erna Steina er hönnunarstjóri, Lísbet er
verslunarstjóri og Matthildur er framleiðslu-
stjóri og sér um framleiðsluna í Perú.
Um þessar mundir er unnið að hag-
ræðingu innan fyrirtækisins til að mæta
hröðum vexti þess. Þá er hugmyndin að
opna verslanir á fleiri stöðum og koma
Kaupmannahöfn og London sterklega til
greina. Einnig er áhugi á að opna verslun í
Bandaríkjunum.
Um 40 manns vinna hjá ELM Design
meðal annars umboðsmenn í Bandaríkj-
unum og Evrópu - í Kaupmannahöfn og
París - en vörur frá ELM Design má finna
í mörgum verslunum beggja vegna Atlants-
hafsins. Má þar nefna um 100 verslanir í
T Í S K A
LJ
Ó
S
M
Y
N
D
:
A
R
I M
A
G
G
60 F R J Á L S V E R S L U N • 3 . T B L . 2 0 0 6