Frjáls verslun - 01.03.2006, Síða 64

64 F R J Á L S V E R S L U N • 3 . T B L . 2 0 0 6
„Ekkert er skemmti-
legra en að vinna í umhverfi
þar sem hugmyndirnar fá
að njóta sín og maður fær
tækifæri til að koma þeim
í framkvæmd. Öll stefna
og framkvæmd sem tengj-
ast samstarfsaðilum getur
verið ansi flókið verkefni
og þetta er ekki beint
kennt einhvers staðar
en er samt mikill hluti af
veruleikanum hvað varðar
árangur fyrirtækja sem
vilja vera hugbúnaðarframleiðendur, eða
vörufyrirtæki eins og við getum kallað þau;
hvernig sölurásir þarf að virkja til að sem
bestum árangri sé náð úr vörusölunni.“
Nú eru fjögur ár síðan Halldór byrjaði
hjá Microsoft og á þeim tíma hefur hann
hægt og rólega klifrað enn frekar upp met-
orðastigann.
„Þegar ég byrjaði hjá Microsoft hafði ég
góða reynslu af að starfa með stærri sam-
starfsaðilum þannig að ég tók við deild sem
snéri að því og varð deildarstjóri yfir henni.
Fyrir 12 mánuðum ákvað ég síðan að söðla
alveg um. Mig langaði að tengjast meira
miðjufyrirtækjum og minni fyrirtækjum
og að færa mig nær viðskiptalausnum,
en mikið af vörum sem Microsoft fram-
leiðir eru grunnsteinar að öðrum kerfum,“
útskýrir Halldór og segir jafnframt:
„Árið 2002 keypti Microsoft fyrirtækið
Navision og áður hafði það keypt Great
Plains í Bandaríkjunum. Úr því varð til
deild viðskiptalausna sem fyrst og fremst
starfar með endursöluaðilum. Í dag ber
ég ábyrgð á þessum endursöluaðilum við-
skiptalausna, tegund þeirra og öllu því sem
varðar slíkar sölurásir. Það eru meira en
2.600 söluaðilar í Evrópu og mér hefur ekki
tekist að ná tali af öllum, en hef samt náð
ansi mörgum.
Mitt hlutverk er sem sagt uppbygging,
stjórnun og þjónusta við samstarfsaðila
okkar. Þeir eru fulltrúar okkar í tengslum
við viðskiptavini og þurfa á stuðningi okkar
að halda til að ná árangri. Ég reyni eftir
fremsta megni að tala við viðskiptavinina
líka, þannig að þetta er mjög krefjandi
vinna en líka mjög gefandi. Það gengur
mjög vel hjá okkur en við eigum enn mörg
skemmtileg verkefni framundan til að ná
enn betri árangri.“
Topparnir hjá Microsoft Halldór hefur
umgengist toppana hjá Microsoft í Banda-
ríkjunum og ber þeim vel söguna.
„Það eru ekki allir sem vita að Steve
Ballmer er forstjóri Microsoft en Bill Gates
eftirlét honum forstjórastöðuna fyrir all-
nokkru og starfar í dag sem svokallaður
Chief software architect.
Bill Gates hefur alltaf sýnt tækninni
mikla ástríðu og er löngu orðinn heims-
frægur sem slíkur og andlit fyrirtækisins
út á við. Ef maður þarf að leita til einhvers
innan fyrirtækisins þá gerir maður það og
skiptir þá engu máli hver það er. Fyrirtækið
er skemmtilega laust við formlegheit og er
sífellt að nýta eigin tækni við að gera öll
samskipti fljótari og skilvirkari.
Ég hef verið í kynnum við Steve Ball-
mer og það hefur verið mjög skemmtileg
reynsla. Hann er gífurlegur orkubolti og
gefur öllum í kringum sig mikla orku. Hann
kemur á hverju ári á eina af okkar stærstu
ráðstefnum hér í Evrópu, heldur þar tölu
og hittir samstarfsaðilana. Árið 2004 var ég
framkvæmdastjóri ráðstefnunnar og átti
tíma með honum og samstarfsaðilunum
sem var ákaflega lærdómsríkur og spenn-
andi,“ segir Halldór.
„Ég reyni að forðast það að láta fólk
sérstaklega vita að ég sé í raun tölvunar-
fræðingur, en tek fram að það sé ekki illa
meint gagnvart þeirri góðu grein. Ég hef
lært margt annað í millitíðinni og ég læri
nánast alltaf eitthvað nýtt á hverjum degi.
Á meðan svo er hef ég gaman af þessu.
Einhver sagði: „Það er alltaf eitthvað nýtt,
eina fasta stærðin í þessari veröld er breyt-
ingin.“ Ég tek heilshugar undir það.“

Mannauður og flugvallahlaup! Nú hefur
Halldór verið í þessu ábyrgðarfulla og krefj-
andi starfi í fjögur ár sem krefst mikilla
ferðalaga og skipulagningar. En skyldi hann
ekki verða leiður á þessum þeytingi?
„Að sjálfsögðu er þetta lýjandi og þetta
er alltaf spurning um hversu lengi maður
getur haldið svona áfram. Fyrirtækið styður
við starfsmenn að halda góðu jafnvægi milli
einkalífs og vinnu. Það eru þó frekar starfs-
Halldór á skíðum með dætrum sínum, Dórótheu og Ísabellu.
Nafn: Halldór Jörgenson.
Aldur: 42 ára.
Starf: Forstöðumaður viðskipta-
lausnasviðs Microsoft EMEA
(Europe, Middle East and Africa.)
Menntun: BA-próf í tölvunarfræði
við Háskóla Íslands og MA í tölv-
unarfræði frá University of Iowa í
Bandaríkjunum.
Hjúskaparstaða: Giftur Katrínu
Guðmundsdóttur.
Börn: Dóróthea, 11 ára,
og Ísabella, 4 ára.