Frjáls verslun - 01.05.2006, Side 82

82 F R J Á L S V E R S L U N • 5 . T B L . 2 0 0 6
KYNN ING
M jög fjörugt hefur verið á markaðnum undanfarið ár og merkja má verulegar breytingar til hins betra er varðar upplýsingagjöf fyrirtækja,“ segir Kristín Rafnar, forstöðumaður skráningar-
sviðs Kauphallarinnar. Skráningarsvið annast samskipti og þjónustu
við útgefendur skráðra verðbréfa. Það sér um skráningu þeirra ásamt
móttöku og miðlun frétta og hefur eftirlit með upplýsingaskyldu skráðra
félaga.
„Viðhorf hafa breyst mikið hvað varðar upplýsingagjöf til fjárfesta.
Stjórnendum er ljóst mikilvægi þess að veita góðar og gegnsæjar upplýs-
ingar tímanlega og að móta sér stefnu þar að lútandi.“
Upplýsingar ítarlegri og betur unnar Félög birta nú fleiri og ítarlegri
tilkynningar en áður og allar upplýsingar sem berast eru betur
unnar. Þetta markast sjálfsagt að hluta af erlendri umfjöllun
um íslenskt efnahagslíf á síðustu misserum að sögn Kristínar.
KAUPHÖLLIN:
Upplýsingagjöf og góð
fjárfestingartengsl lykilatriði
„Aukið gegnsæi eykur trúverðugleika og
rannsóknir sýna að marktækur munur er
á fjölda viðskipta með bréf félaga sem eru
með góða upplýsingagjöf og hinna sem eru
það ekki og stjórnendur gera sér grein fyrir
þessu.“
Mikilvægur þáttur í að tryggja traust til
viðskiptalífsins er að bæta samskiptareglur
hluthafa, stjórna og stjórnenda. Verslunarráð
Íslands, Samtök atvinnulífsins og Kauphöll-
in gefa út leiðbeiningar um stjórnarhætti
fyrirtækja. Þær eru vegvísir um hvernig hátta beri samskiptum hluthafa,
stjórna og stjórnenda. Þetta er í samræmi við starf á alþjóðavettvangi um
stjórnarhætti fyrirtækja í breyttu og alþjóðavæddu starfsumhverfi. Leið-
beiningarnar henta hlutafélögum hvort sem þau eru skráð í Kauphöll
Íslands eða ekki. Félögum er ekki skylt að fara að leiðbeiningunum en
skráðum félögum ber að taka tillit til þeirra og fylgja svokallaðri „Fylgið
eða skýrið“ reglu sem felst í að fylgi félagið ekki leiðbeiningunum ber að
skýra frávik og ástæður þeirra í ársreikningi eða ársskýrslu. „Fagnaðarefni
er að skráðu félögin hafa tileinkað sér þessi nýju vinnubrögð og fara nær
undantekningarlaust að leiðbeiningunum.“
Öflugt eftirliti „Upplýsingagjöfin er drifkraftur virks markaðar. Vilji
útgefandi stuðla að virkum viðskiptum og góðri verðmyndun eru upp-
lýsingagjöfin og góð fjárfestatengsl lykilatriði. Útgefandi ætti ávallt að
veita heiðarlegar og tímanlegar upplýsingar sem gefa glögga mynd af
félaginu og rekstrinum.
Markaðurinn er mjög öflugur eftirlitsaðili, og ekki eru bara Fjármála-
eftirlitið og Kauphöllin með eftirlit á markaði heldur veita greininga-
deildir bankanna, viðskiptablöð fjölmiðlanna og fjárfestar sjálfir öflugt
eftirlit og eru fljótir að átta sig og senda oft góðar ábendingar sem farið
er yfir,“ segir Kristín Rafnar.
Kristín Rafnar hefur
verið forstöðumaður
skráningarsviðs í eitt ár.
Í Kauphöllinni eru
skráð 25 félög og
fimm til viðbótar stefna
að skráningu á Aðal-
lista. Markaðstorg fjár-
málagerninga, iSEC,
er í undirbúningi.
Hér er Kauphöll Íslands til húsa.