Frjáls verslun - 01.05.2006, Qupperneq 104

104 F R J Á L S V E R S L U N • 5 . T B L . 2 0 0 6
KYNN ING
Gull & Silfur er verslun sem Reykvíkingar þekkja vel. Hún flutti að Laugavegi 52 í febrúar í fyrra en hafði verið í 34 ár á Lauga-vegi 35. Kristjana Ólafsdóttir verslunarstjóri segir að breytingin
hafi sannarlega orðið til góðs, fastir viðskiptavinir hafi haldið tryggð við
verslunina þrátt fyrir flutninginn og stöðugt bætist nýir í hópinn, bæði
útlendingar og Íslendingar.
Gull & Silfur hefur verið fjölskyldufyrirtæki frá byrjun, í 35 ár. Sig-
urður og Magnús Steinþórssynir stofnuðu fyrirtækið með foreldrum
sínum, Sólborgu S. Sigurðardóttur og Steinþóri Sæmundssyni sem rak
um árabil verslunina „Gullsmiðir Steinþór og Jóhannes“ á Laugavegi
30. Fyrir 18 árum keyptu Sigurður og Kristjana, kona hans, verslunina
og nú hefur nýr gullsmiður bæst í hópinn í fjölskyldunni, dóttir þeirra,
Sólborg Sumarrós, sem er orðin gullsmíðameistari. Gullsmiðir hafa því
verið starfandi innan fjölskyldunnar yfir 70 ár og eru enn að. Kristjana
lærði líka gullsmíði hjá manni sínum og lauk öllu nema sveinsstykkinu
sem hún segist ætli að láta bíða efri áranna. Hún bætir við að gullsmíða-
þekkingin komi sér vel þegar hún þarf að veita upplýsingar og leiðbeina
viðskiptavinum varðandi gull- og silfurmuni í versluninni.
Flugan, Skrautfjöðrin og Gríman Gull & Silfur er þekkt fyrir sér-
smíði og ekki síður þekkingu Sigurðar á demöntum en hann sérmennt-
aði sig í að vinna með þá. „Við smíðum mikið af skartgripum og öðru
sem aldrei nær að koma fram í búð,“ segir Kristjana. „Fólk kemur
hingað með ákveðnar óskir, hluturinn er teiknaður og gullsmiðir okkar
smíða hann fyrir viðskiptavininn. Sigurður hefur líka gert mikið af því
að hanna og smíða verðlaunagripi. Dæmi um þá eru Gríman, Íslensku
leiklistarverðlaunin, og Flugan, verðlaunagripur sem veittur hefur verið
í 25 ár þeim sem dregið hefur stærsta fiskinn á flugu á veiðisvæði Stanga-
veiðifélagsins hvert ár. Þá má nefna Skrautfjöðrina, 14k. handsmíðaða
fjöður, heiðursverðlaun fyrir tónlistarframlag í söng-
lagakeppni Stöðvar 2 og Bylgjunnar. Hana hlaut
m.a. Sigfús Halldórsson fyrir Litlu fluguna og
fleiri lög. Fjöðrin var skreytt með lítilli flugu
með demanta í augunum. Á fjöður sem Björg-
vin Halldórsson hlaut var nákvæm eftirlíking af
mótorhjóli með öllum aukahlutum, skírskotun til lagsins
Riddari götunnar.
Gull & Silfur leggur sig sérstaklega eftir að vera með trúlofun-
arhringa við allra hæfi og reyndar allt fyrir ástfangið fólk, að sögn
Kristjönu, og ekki má heldur gleyma
morgungjöfunum. Annars þarf enginn
að hafa áhyggjur af að finna ekki gjöf við
hæfi í versluninni, allt frá einhverju fal-
legu fyrir ungabarnið upp í veglega gjöf
fyrir ástvini, vini eða samstarfsmenn. Sé
gjöfin ekki til er ekkert einfaldara en að
fá hana sérsmíðaða.
GULL OG SILFUR:
„Laugavegurinn
er og hefur alltaf
verið staður þar
sem sérverslanir
á borð við Gull
& Silfur eiga
heima
Sérsmíði og gjafir
fyrir ástfangið fólk
Kristjana
Ólafsdóttir í
Gull&Silfur er
sjálf gullsmiður.
Gull & Silfur er nú að Laugavegi 52.