Frjáls verslun - 01.05.2006, Side 152

152 F R J Á L S V E R S L U N • 5 . T B L . 2 0 0 6
ÚTFLUTNINGSRÁÐ ÍSLANDS:
Sala vöru og þjónustu
er markmið kynningarstarfsins
Erna Björnsdóttir hefur verið forstöðumaður upplýsingasviðs Útflutningsráðs í rúm fimm ár.
M eginhlutverk Útflutningsráðs Íslands er að auðvelda íslenskum fyrirtækjum að selja vörur sínar, þjónustu og þekkingu erlend-is og miðast öll verkefni að því að fyrirtækin nái sölu, að sögn
Ernu Björnsdóttur, forstöðumanns upplýsingasviðs Útflutningsráðs.
Erna hefur starfað í rúm fimm ár hjá Útflutningsráði en áður vann hún
í tæpt ár hjá Fjárfestingarstofunni sem nú heyrir undir Útflutningsráð
og er ætlað að laða til landsins erlenda fjárfesta.
„Skipulagning sýningarþátttöku er grunnurinn að starfsemi okkar
og kannski það sem við erum þekktust fyrir. Þátttaka í sýningum hefur
aukist mikið, áður var farið á 7-8 sýningar á ári en nú eru þær hátt í 20
talsins. Fyrrum voru þetta nær eingöngu sjávarútvegssýningar en nú er
m.a tekið þátt í hönnunar- og líftæknisýningum, sýningum á farsíma-
lausnum og kaupstefnum um tónlist, auk þess sem farið er á hestamót
erlendis með vörur sem tengjast íslenska hestinum.“
Útflutningsráð skipuleggur ferðir sendinefnda til útlanda t.d. í
tengslum við opinberar heimsóknir. Íslensku þátttakendurnir funda með
fyrirtækjum í því landi sem heimsótt er og haldin er ráðstefna þar sem
kynnt eru íslensku fyrirtækin, íslenskt viðskiptalíf og viðskiptaumhverfi.
Á sama hátt er Útflutningsráð erlendum sendinefndum og blaða-
mönnum sem hingað koma innan handar við að veita upplýsingar og
koma á tengslum við íslensk fyrirtæki. Þá má nefna að markaðsráðgjafar
starfa erlendis fyrir íslensk fyrirtæki og samstarf er við viðskiptafulltrúa í
sendiráðum Íslands og er það starf ómetanlegt í íslenskri útrás.
Löng og stutt námskeið Ráðgjöf og fræðsla skipar einnig stóran sess
í starfinu. Haldin eru bæði stutt og löng námskeið og sem dæmi um
stutt námskeið má nefna námskeið haldin í samstarfi við Mími um
hvernig svara skuli í síma á ensku en þeir sem annast símsvörun eru
fyrsta rödd fyrirtækisins og því nauðsynlegt að þeir kunni að koma
fyrir sig orði á ensku. Lengri námskeið hafa m.a. verið haldin um
sölutækni og samstarf við umboðsmenn og sérsniðin námskeið fyrir
aðila í ferðaþjónustu.
„Flaggskipið okkar er Útflutningsaukning og hagvöxtur, níu mánaða
námskeið. Fulltrúar u.þ.b. 10 fyrirtækja hittast þá í hverjum mánuði og
fá leiðsögn um hvað eina sem tengist markaðssetningu og útflutningi og
vinna með ráðgjafa að gerð útflutningsskýrslu en fulltrúar fyrirtækja á
borð við Össur og Bakkavör stigu einmitt sín fyrstu skref á þessu nám-
skeiði. Sextándi hópurinn var að útskrifast og við segjumst gjarnan gera
þá kröfu að fyrirtækin standi sig ekki síður en fyrirrennararnir og verði í
sömu sporum og þeir eftir 10 ár!“ segir Erna og brosir glettnislega.
KYNN ING
Upplýsingasvið Útflutningsráðs
svarar fyrirspurnum íslenskra
fyrirtækja um fjölmargt er tengist
útflutningi og aðstoðar þau við
leit á samstarfsaðilum fyrir milli-
göngu Euro Info Centre netsins
sem Útflutningsráð á aðild að.