Tímarit Máls og menningar - 01.03.1949, Blaðsíða 65

SAMSÆRIÐ GEGN MANNKYNINU
55
isku landa. Og það eru einmitt þessar skuggaverur, sem standa að baki
stríðsæsingaáróðrinum og mannheimskunarskítmokstrinum, sem nú eaf
unnið að þindarlaust um allan auðvaldsheiminn.
Þess vegna voru það Rússar, sem börðust fyrir tillögum í gamla
þjóðabandalaginu til verndunar friðarins í Evrópu. Þær voru felldar
af auðvaldsríkjunum með England í broddi fylkingar. Og þess vegna
hafa Rússar oftar en einu sinni borið fram tillögur í nýja þjóðabanda-
laginu um allsherjar afvopnun. En þær tillögur hafa einnig verið kveðn-
ar niður af auðvaldslöndunum, nú undir forustu Bandaríkja Norður-
Ameríku.
Og hvers vegna?
Jú, vegna þess að friðurinn sé betur tryggður með því að framleiða
meira af vopnum og fjölga herjum heldur en með því að eyðileggja
vopn og fækka herjum. Það er álíka vitlegt eins og að verja hús sitt
fyrir rottum með því að fjölga rottum eða stemma stigu fyrir sóttum
með því að framleiða bakteriur.
Þetta er réttlæting, sem trúgjörnum pupulnum er ætlað að renna
niður. En sanna ástæðan er sú, að vopnunum ætlar auðvaldið að beita
til þess að brjóta á bak aftur kröfur hinna vinnandi stétta og búa sig
undir árásarstyrjöld, þegar skipulag þess nálgast öngþveiti.
3. Allar árásarstyrjaldir eru glæpur gegn þeirri þjóð eða þjóðum
þeim, sem á er ráðist. En þær eru einnig glæpur gegn mannkyninu, því
að mannkynið er samábyrg, órjúfanleg heild, þjóðemi og ríki sýndar-
aðgreining, sköpuð af frumstæðum lífsskilyrðum fyrri alda. Það er
enginn vegur að skaða svo eina þjóð, að allar þjóðir bíði ekki tjón
fyrir það fyrr eða síðar, einnig árásarþjóð, sem gengur með stundar-
sigur af hólmi í árásarstyrjöld, því að
„Ég veit að allt er af einu fætt,
að alheimsins líf er ein voldug ætt.“
Þetta er ekki skáldlegur frasi til að kitla með sentimentalar taugar,
Það eru sannindi, sem hyggilegast er að taka til greina.
Atlantshafsbandalagið er árásarbandalag, glæpasamsæri gegn mann-
kyninu. Ef við íslendingar gerumst meðábyrgir aðiljar að þessari ref-
skák Bandaríkjaauðvaldsins, munum við uppskera ávöxt, sem okkur
verður erfitt að renna niður.