Tímarit Máls og menningar - 01.06.1979, Blaðsíða 106

Tímarit Máls og menningar
til þess að ekki tapist of margir skóladagar, taka nemendur þátt í dagleg-
um störfum hásetanna eftir því sem þeir geta; í sveitinni fara þau í gegn-
ingar í fjós og fjárhús með bændunum, jafnframt því sem bændurnir fræða
þau um ýmsa þætti búskaparins. Þau sem starfa í verslunum kaupfélagsins,
fara fyrsta daginn til kaupfélagsstjórans og fræðast um samvinnuverslun.
Þetta voru sýnishorn af þeirri vinnu sem nemendurnir ganga í. Það skal
tekið fram að stúlkum og drengjum er dreift jafnt í hin ýmsu störf, reynt
er að sporna gegn því mati að sum störf séu aðeins fyrir karla en önnur
aðeins fyrir konur, strákarnir fara jafnt í eldhús sjúkrahússins sem stelp-
urnar á bifreiðaverkstæðið.
2J. Undirbúningur og tengsl við starfsmenn.
í upphafi var haft samband við um 30 aðila í stofnunum og fyrirtækjum
í bænum vegna þessarar kynningar. Umsjónarmaður nemenda var valinn
á hverjum vinnustað og þeir kallaðir á fund í skólanum ásamt nemendum
þar sem gerð var grein fyrir hugmyndum skólans um þessi tengsl. Eru
þetta starfsmenn sem hafa aðstæður og tíma til að sinna nemendum þegar
þeir koma til vinnu og náms á vinnustað.
I samvinnu við umsjónarmennina var gerð námslýsing fyrir hvern stað
þar sem skráð var hvað nemendur skyldu gera og hverju þeir ættu að
kynnast (sjá ramma 2). Hlutverk þessara leiðbeinenda er að taka á móti
nemandanum fræða hann um ákveðna þætti starfseminnar, finna honum
verkefni og veita leiðbeiningu. Einnig skráir hann mætingar og verkefni
dagsins á þar til gerð eyðublöð.
Þessari viðleitni skólans var alls staðar mjög vel tekið og t þessi þrjú ár
hefur sá jákvæði andi haldist. Starfsfólkið hefur litið á það sem sjálfsagðan
hlut að eyða all nokkrum tíma í nemendurna og jafnvel undirbúið fyrir
þau verkefni og/eða fyrirlestur.
A almennum kynningarfundum fyrir foreldra á haustin er vettvangs-
fræðslan kynnt.
2.4- Starf nmsjónarkennara vettvangsfneðslunnar.
Umsjónarkennari vettvangsnámsins sér um allt skipulag, fer á milli vinnu-
staðanna á miðvikudagsmorgnum, lítur eftir nemendum og heldur uppi
232