Tímarit Máls og menningar - 01.04.1984, Side 10

Tímarit Máls og menningar
mér einn af þýðendum Mílans Kúndera í fyrra að tékkneskan hans væri
naumast orðin svipur hjá sjón, enda mun hann nú vera orðinn franskur
ríkisborgari og frumútgáfur skáldsagna hans munu koma á frönsku. Sá texti
bestur til að grundvalla þýðingar verkanna á.
Norskur þýðandi hans mun fyrir skömmu hafa gert það af stríðni ellegar
pedanteríi að þræða nákvæmlega tékkneska textann með ambögum og mál-
fræðivillum í stað þess að miða við franska textann. Það mun hafa orsakað
mikið fjaðrafok og reiði. Mér sýnist því einhlítt að MK sé orðinn hluti af
frönskum bókmentum öllu fremur en tékkneskum — enda verkum hans
dreift um heiminn úr bókmentalegum tískuhúsum Frakklands. Eg fæ því
ekki séð hvaða skylda ætti að hvíla á tékkneskmentuðu fólki að þýða verk
hans.
Leið Mílans Kúndera til skáldskaparfrægðar hefur legið frá Tékkóslóv-
akíu og teóríuþjarki gegnum frönsku til raunverulegs skáldskapar (ef dæma
má hrifningu PG vitnisbæra, sem ég hreint efa ekki). Það ætti því að vera
hlutverk einhvers franskmentaðs ritsnillings, t. d. Péturs Gunnarssonar, að
færa okkur verk þessa höfundar í íslenskum búningi.
Má ég þá fara að hlakka til?
128