Tímarit Máls og menningar - 01.04.1984, Síða 110

Tímarit Máls og menningar
Statistics“ (sem á íslensku hefur verið
kölluð Norræna tölfræðiárbókin) og
gefi út „ritið Hagskýrslur Islands“.
Hvort tveggja má til sanns vegar færa,
Hagstofa Islands sendir Norrænu töl-
fræðiárbókinni íslenskar tölfræðiupplýs-
ingar, og heildarútgáfuheiti allra rita
Hagstofu Islands er Hagskýrslur ís-
lands. En þar með er ekki sagt, að þar sé
að finna nokkrar þær upplýsingar sem
hefðu getað komið í stað þeirra sem
kannanir jafnréttisnefnda hafa leitt í ljós.
Eftirfarandi hefur birst í Norrænu töl-
fræðiárbókinni um konur og atvinnulíf á
Islandi. Fram til 1975 birtust þar ár eftir
ár grófustu tölur (sömu tölurnar) um
hlutfall atvinnuþátttöku íslenskra
kvenna samkvæmt niðurstöðum mann-
tals frá árinu 1960. Frá 1976 til 1978,
birtust árlega samskonar upplýsingar frá
árinu 1970, byggðar á athugun Hagrann-
sóknardeildar Framkvæmdastofnunar
ríkisins (eins og það hét í þá daga) á at-
vinnuþátttöku og launatekjum giftra
kvenna 1970. Eftir 1979 hafa engar kyn-
greindar upplýsingar um vinnumarkað-
inn á Islandi birst í Norrænu árbókinni.
Hvað varðar Hagskýrslur Islands er það
nýjasta sem finna má í þeim ritum um
kyn og atvinnulíf frá 1969, en þá kom út
ritið Manntal á Islandi 1. desember 1960
(Hagskýrslur íslands, II, 47 Rkv. 1969).
/ þridja lagi talar Auður um Fram-
kvæmdastofnun Ríkisins og tvö rit
hennar. í hinu fyrra, Mannfjöldi, mann-
afli og tekjur, hefur aldrei verið að finna
neinar kyngreindar upplýsingar um
vinnumarkaðinn. En í apríl 1982 (fjór-
um mánuðum eftir að könnun jafnrétt-
isnefndar í Reykjavík fór fram) gaf
stofnunin út ritið Vinnumarkaðurinn
1980, og í desember sama ár kom út ritið
Vinnumarkaðurinn 1981. I ritum þess-
um koma fram „grófar“ upplýsingar um
atvinnuþátttöku kynjanna eftir aldri og
hjúskaparstöðu bæði þessi ár á landinu
öllu. I áðurnefndum ritum kemur ekkert
fram um skiptingu eftir búsetu eða öðru,
og veita þau því mjög takmarkaðar upp-
lýsingar. En ég hef síðar reynt að vinna
úr frumgögnum sem þessar skýrslur eru
byggðar á, í þeim tilgangi að afla upplýs-
inga um stöðu kvenna á vinnumarkaði.
Það var gert úr þeim hluta frumgagn-
anna frá 1981 sem tekur til Akureyrar,
en niðurstöður þeirrar athugunar er að
finna í skýrslu minni „Vinnumarkaður-
inn á Akureyri og atvinnuþátttaka
kvenna. Gert að tilhlutan jafnréttis-
nefndar Akureyrar. (Akureyri, nóvem-
ber 1983)“. Eins og sú úrvinnsla leiðir í
ljós, gefa þessi gögn mun takmarkaðri
upplýsingar en fengist hafa með spurn-
ingakönnunum, auk þess sem þau voru
ekki tiltæk fyrr en löngu eftir að könn-
unin í Reykjavík var ákveðin og fór
fram.
/ fjórða lagi talar Auður um Fréttabréf
kjararannsóknarnefndar, sem hún segir
að gefi reglulega upplýsingar um vinnu-
tíma þriggja starfstétta og eru verkakon-
ur þar með. Þetta er hárrétt hjá Auði, en
mér er hulin ráðgáta hvað það kemur
niðurstöðum könnunarinnar við.
Hér hefur verið sýnt fram á í alllöngu
máli, að sú mikilvæga forsenda Auðar að
könnunin hafi verið óþörf, vegna þess
að upplýsingar sem hún aflaði séu til
annarsstaðar, stenst ekki. Ljóst er að
rökstuðningur hennar (upptalning
stofnana og rita), reyndist byggður á
fullkominni vanþekkingu. Verður ekki
fleiri orðum að því eytt.
4. Því sem Auður er ekki sammála á að
sleppa.
Framan við skýrsluna er rúmlega 7 blað-
síðna ágrip eftir Þorbjörn Broddason. í
228