Tímarit Máls og menningar - 01.05.1988, Qupperneq 40

Tímarit Máls og menningar
félagsheimilinu. Bæði var hann bókaður svo langt fram í tímann og
að leigja hann eitt kvöld kostaði samanlögð vikulaun okkar allra.
I heila viku datt okkur ekkert í hug og vorum jafnvel að hugsa um
að gefast upp þegar snilldarlegri hugmynd sló allt í einu niður eitt
kvöldið, rétt eftir að við vorum skriðnir oní svefnpokana. Já af
hverju höfðum við ekki fattað þetta fyrr? I kjallara barnaskólans,
beint undir gólfinu þar sem við sváfum, var heill samkomusalur
kjörinn til fundahalda.
Strax næsta morgun talaði ég við Garðar Hafstað og þegar hann
féllst á að lesa upp ljóð létum við til skarar skríða; keyptum bæði
þykkan pappír og tússliti í bókabúðinni og urðum okkur úti um
hveiti og plastfötu í Kaupfélaginu. Síðan hringdum við suður og
létum prenta dreifibréf með fundarauglýsingu.
Þegar dreifibréfin komu tveim dögum síðar með hraðpósti og í
ábyrgð hrærðum við hveitilím og teiknuðum veggspjöld. Næsta
nótt leið á svefnlausum hlaupum en morguninn eftir, þegar bæjar-
búar vöknuðu, var dreifibréfið komið í hvert hús og alls staðar, á
öllum ljósastaurum og veggjum, blasti svohljóðandi fundartilkynn-
ing við:
FÉLAGAR ATHUGIÐ!
NÆSTKOMANDI ÞRIÐJUDAGSKVÖLD
HALDA BYLTINGARSINNAÐIR KOMMÚNISTAR
BARÁTTUFUND í BARNASKÓLANUM
FRAMSÖGUERINDI OG FYRIRSPURNIR
GARÐAR HAFSTAÐ LES LJÓÐ
NEFNDIN
Þó það væru heilir fimm dagar til stefnu létu viðbrögðin ekki á sér
standa. Hvert sem litið var stóð fólk og skoðaði fundarauglýsing-
174