Morgunblaðið - 21.02.2015, Qupperneq 24

24 FRÉTTIRErlent
MORGUNBLAÐIÐ LAUGARDAGUR 21. FEBRÚAR 2015
Frankfurt. AFP. | Wolfgang Schäuble,
fjármálaráðherra Þýskalands, er
áhrifamikill og gamalreyndur
stjórnmálamaður, eindreginn stuðn-
ingsmaður náins samstarfs Evrópu-
ríkja en harður á því að virða beri
gerða samninga og hefur fengið sig
fullsaddan á nýju ráðamönnunum í
Grikklandi.
Schäuble er 72 ára, reyndasti ráð-
herrann í þýsku stjórninni og hefur
verið hægri hönd Angelu Merkel
kanslara í deilunni við Grikki sem
vilja semja um breytingar á skil-
málum aðstoðar Evrópusambands-
ins við þá vegna skuldavanda Grikk-
lands. Hann hefur staðið fast á þeirri
kröfu að Grikkir komi á umbótum og
grípi til erfiðra sparnaðaraðgerða.
Með ósveigjanlegri afstöðu sinni
hefur hann áunnið sér jafnt aðdáun
sem hatur.
„Viðurstyggileg“ skopmynd
Rimma Schäuble við Grikki undir
forystu Alexis Tsipras forsætisráð-
herra og Yanis Varoufakis fjár-
málaráðherra hefur verið harkaleg.
Það andaði því köldu á milli þeirra á
sameiginlegum blaðamannafundi
fjármálaráðherranna tveggja í Berl-
ín í byrjun mánaðarins.
Mikill hiti færðist síðan í rimmuna
þegar vinstrisinnað grískt dagblað,
Avgi, birti skopmynd af Schäuble í
herbúningi þýskra nasista með orð-
unum: „Við krefjumst sápunnar úr
fitunni í ykkur… við erum tilbúnir
að ræða um áburðinn úr öskunni
ykkar.“
Talsmaður Schäuble sagði að
skopmyndin væri „viðurstyggileg“.
Síðan þá hefur Schäuble verið mjög
gramur út í Grikki og gefið til kynna
að hann líti á gagnrýni þeirra sem
persónulegar árásir á sig. Tsipras
segir að þýski fjármálaráðherrann
hafi misst stjórn á skapi sínu í orða-
sennu við Varoufakis á fundi í Bruss-
el.
Schäuble segist ekki aðeins berj-
ast í þágu Þýskalands, heldur einnig
smærri evrulanda sem hafi þurft að
færa fórnir og koma á erfiðum efna-
hagsumbótum til að halda evrunni.
Rimma sterkra persónuleika
Hátt settur embættismaður í
Brussel sagði að deila Þjóðverja og
Grikkja hefði orðið að rimmu milli
tveggja sterkra persónuleika,
Schäuble og Varoufakis. Gríski fjár-
málaráðherrann er ómyrkur í máli
og lætur allt vaða á samningafund-
um. „Ég skil að Schäuble skuli hafa
tekið sum ummæli Varoufakis
óstinnt upp,“ sagði embættismað-
urinn.
Schäuble er einn af nánustu og
reyndustu bandamönnum Merkel.
Hann hefur gegnt fimm ráðherra-
embættum frá árinu 1994 og átt sæti
á þýska þinginu í rúm 40 ár. Hann
komst til áhrifa í kanslaratíð Hel-
muts Kohl og var um tíma álitinn lík-
legur arftaki hans.
Schäuble hefur þurft að nota
hjólastól frá því að hann varð fyrir
skotárás árið 1990 þegar hann hafði
umsjón með endursameiningu
Þýskalands. Hann þurfti að draga
sig í hlé vegna fjármálahneykslis,
sem olli Kohl álitshnekki, en hellti
sér aftur í stjórnmálin árið 2002.
Merkel vildi ekki styðja Schäuble
tveimur árum síðar þegar hann sótt-
ist eftir því að verða forseti Þýska-
lands. Kanslarinn studdi hins vegar
Horst Köhler, fyrrverandi fram-
kvæmdastjóra Alþjóðagjaldeyris-
sjóðsins, sem var kjörinn forseti árið
2004. Hún gerði þó Schäuble að
innanríkisráðherra ári síðar og að
fjármálaráðherra í október 2009.
Schäuble fæddist í Freiburg í suð-
vestanverðu Þýskalandi árið 1942 og
er sonur ráðgjafa í skattamálum.
Hann er sagður mikill bókamaður,
háðskur og hnyttinn. Hann er
kvæntur og á fjögur börn.
Hans Peter Schütz, sem skrifaði
ævisögu Schäuble, segir að hann sé
„heiðarlegasti maður“ sem hann hafi
kynnst, „þótt hann sé ekki alltaf
mjög heillandi“.
Schäuble er fastur
fyrir, dáður og hataður
 Hörð rimma milli þýska fjármálaráðherrans og Grikkja
AFP
Bandamenn Angela Merkel, kanslari Þýskalands, og Wolfgang Schäuble á
fundi á þýska þinginu þegar fjárlagafrumvarp stjórnarinnar var afgreitt.
AFP
Í herbúningi nasista Skopmynd í
grísku dagblaði af Schäuble.
Fjármálaráðherrar evruríkjanna
samþykktu í gærkvöld að framlengja
neyðarlán til Grikkja um fjóra mán-
uði, vegna skuldavanda þeirra.
Fjármálaráðherra Hollands, Jero-
en Dijsselbloem, sem veitir fjármála-
ráðherrum evruríkjanna forystu
sagði Grikki hafa heitið því að standa
skil á skuldum sínum. „Þetta er mjög
jákvæð niðurstaða,“ sagði hann á
blaðamannafundi í gærkvöldi.
Engar hótanir eða blekkingar
„Fyrsta skrefið í því að endur-
heimta traustið var stigið hér í kvöld.
Við vitum að auðveldara er að glata
trausti en að endurvinna það en
þetta var skref í rétta átt,“ sagði
hann að loknum viðræðunum. Grikk-
land samþykkti einnig að leggja til
fyrstu skref í umbótaáætlun fyrir
næstkomandi mánudag. Gríski fjár-
málaráðherrann, Yakis Varoufakis,
sagði samkomulagið vera lítið skref í
nýja átt og að Grikkland hefði hvorki
beitt hótunum né blekkingum. Emb-
ættismaður grískra stjórnvalda lét
hafa eftir sér að Grikkir hefðu nú
fengið tíma til að semja upp á nýtt.
„Grikkland hefur snúið við blaðinu.
Við komumst hjá því að beita aðgerð-
um sem hefðu kallað frekari efna-
hagslegar þrengingar yfir grísku
þjóðina,“ sagði embættismaðurinn.
Grikkir gerðu kröfu um sex mán-
aða neyðarlán en höfðu ekki erindi
sem erfiði. Fjármálaráðherrar evru-
ríkjanna samþykktu þó að veita fjög-
urra mánaða neyðarlán sem kemur í
veg fyrir að Grikkland verði
ógreiðslufært í næsta mánuði.
„Við erum ánægð með að geta loks
gengið raunverulega til verks,“ sagði
Christine Lagarde, framkvæmda-
stjóri Alþjóðagjaldeyrissjóðsins.
laufey@mbl.is
EPA
Neyðarlán Gríski fjármálaráðherrann, Yakis Varoufakis, gengur á fund
fjármálaráðherra evruríkjanna í gær vegna framlengingar neyðarláns.
„Mjög jákvæð
niðurstaða“
 Framlengja neyðarlán til Grikklands
Hundruð manna voru viðstödd út-
för Omars Abdels Hamids el-
Husseins, 22 ára Dana af palest-
ínskum ættum, sem var borinn til
grafar í gær eftir að hafa orðið
tveimur mönnum að bana og sært
fimm lögreglumenn í tveimur skot-
árásum í Kaupmannahöfn um síð-
ustu helgi. Hussein beið bana í skot-
bardaga við lögreglumenn eftir
árásirnar.
Útför Husseins fór fram frá
mosku í Kaupmannahöfn. Frétta-
vefur Politiken hefur eftir tals-
manni samtaka danskra múslíma
að um tvisvar sinnum fleiri hafi ver-
ið við útförina en að jafnaði við
föstudagsbænir í moskunni. Um
það bil 400 manns komu að gröf
hans í tengslum við útförina, að
sögn fréttamanns Politiken.
DANMÖRK
Hundruð manna við útför árásarmannsins
EPA
Útför Ekið með kistu Husseins.
Rússneskur dómstóll dæmdi Alexei
Navalní, helsta andstæðing Vladim-
írs Pútíns Rússlandsforseta, í
tveggja vikna fangelsi í gær fyrir
að dreifa auglýsingum í jarðlesta-
stöðvum í Moskvu um mótmæla-
fund sem á að halda 1. mars. Fang-
elsisdómurinn verður til þess að
Navalní getur ekki tekið þátt í mót-
mælafundinum.
Dómstóll í Moskvu dæmdi Naval-
ní í þriggja og hálfs árs skilorðs-
bundið fangelsi í desember fyrir
fjársvik. Andstæðingar Pútíns
segja að saksóknirnar á hendur Na-
valní sé af póli-
tískum rótum
runnar.
Ráðamenn í
Kreml hafa lengi
haft horn í síðu
Navalnís sem er
álitinn hættuleg-
asti pólitíski and-
stæðingur Pútíns
og sá eini sem
talinn er geta velgt forsetanum
undir uggum. Navalní hafði boðað
framboð gegn Pútín í næstu for-
setakosningum árið 2018.
RÚSSLAND
Erkifjandi Pútíns dæmdur í fangelsi
Alexei Navalní
Heildsöludreifing: ACT ehf, Dalvegi 16b, 201 Kópavogi, sími 577 2150
60 ára reynsla á ÍslandiFæst í öllum helstu raftækjaverslunum
Allt í eldhúsið frá