Morgunblaðið - 26.03.2015, Síða 6

FRÉTTASKÝRING
Anna Lilja Þórisdóttir
annalilja@mbl.is
Sorry, Netflix is not available in
your country yet. Við biðjum forláts,
en Netflix er ekki aðgengilegt í þínu
landi enn sem komið er. Þetta eru
skilaboðin sem blasa við Íslend-
ingum þegar farið er á vefsíðu
áskriftarþjónustunnar Netflix. Það
gæti þó breyst gangi áform Samfilm
eftir, en fyrirtækið náði nýverið
samkomulagi við Netflix um upp-
setningu þjónustunnar hér á landi
síðar á árinu. Áþekk síða, Popcorn
Time, nýtur mikilla vinsælda, en þar
er á ferðinni torrent-síða sem er
ólögleg hér á landi því þar er dreift
efni sem er varið höfundarrétti án
heimilda. Lögmaður segir ýmar leið-
ir til að stemma stigu við ólöglegri
dreifingu efnis á netinu.
Netflix er áskriftarþjónusta á net-
inu sem veitir ótakmarkaðan aðgang
að sjónvarpsþáttum og kvikmyndum
sem notendur geta horft á fyrir fast
mánaðargjald. Meira en 57 milljónir
manna í um 50 löndum víða um heim
nota Netflix sem gerir það hana að
stærstu þjónustu sinnar tegundar í
heimi. Fyrirtækið blés til sóknar í
fyrra og stefnt er að því að þjón-
ustan verði í boði í 200 löndum innan
tveggja ára.
20.000 með erlendan aðgang
Í vefritinu Televised Revolution
segir að þegar Netflix hyggi á nýja
landvinninga þurfi fyrirtækið að
semja við þá sem hafi sýningarrétt-
indi að kvikmyndum og sjónvarps-
þáttum í viðkomandi landi. Yfirleitt
sé því til staðbundin útgáfa þjónust-
unnar í hverju landi fyrir sig. Sam-
kvæmt lögum yrði Netflix ekki skylt
að textasetja efni sitt hér á landi, því
fyrirtækið verður ekki með starfs-
stöð hér.
Netflix hefur aldrei boðið upp á
þjónustu sína hér á landi, en þrátt
fyrir það er talið að a.m.k. 20.000 ís-
lensk heimili séu með erlendan að-
gang, flest með þann bandaríska. Í
ljósi fréttaflutnings í síðasta mánuði
um samninga Samfilm við Netflix
um þjónustu hér á landi vakna ýms-
ar spurningar, t.d. hvort lokað verði
á einhvern hátt fyrir bandarísku út-
gáfuna hér á landi og hvort verð-
munur verði á henni og þeirri ís-
lensku. Þetta liggur ekki fyrir, þar
sem Árni Samúelsson, forstjóri
Samfilm, hefur ekki svarað fyr-
irspurnum Morgunblaðsins.
Aðlaðandi og ólöglegt
Vöxtur og velgengni Netflix hefur
verið umtalsverð en nú sækir að fyr-
irtækinu vel uppsett torrent-síða,
sem býður upp á áþekka þjónustu.
Munurinn er að hún er gjaldfrjáls og
ólögleg víðast hvar. Í nýjasta árs-
fjórðungsuppgjöri sínu lýsti Netflix
yfir áhyggjum af Popcorn Time sem
er smáforrit og torrent- eða sjóræn-
ingjasíða. „Sjóræningjar eru okkar
helsti keppinautur,“ segir í bréfi
Netflix til hluthafa.
Popcorn Time er haldið úti frá
Argentínu og ein ástæðan fyrir því
að hún nýtur meiri hylli en aðrar
sambærilegar síður er viðmót henn-
ar sem þykir bæði aðlaðandi og
notendavænt, öfugt við margar tor-
rent-síður, en t.d. er hægt að leita að
efni eftir flokkum. Ekki hefur verið
staðfest hversu mikilli útbreiðslu
Popcorn Time hefur náð þar sem
ekki er greitt fyrir þjónustuna, en
vefsíðan Torrent Freak áætlar að
notendur séu a.m.k. 5-6 milljónir.
Í grein danska dagblaðsins Berl-
ingske Tidende undir fyrirsögninni
„Of gott til að vera löglegt“ segir að
fleiri Svíar og Hollendingar noti nú
Popcorn Time en Netflix, 100.000
Svíar visti smáforritið á degi hverj-
um og síðan sé nú vinsælli en Netflix
á Spáni, Ítalíu og í Portúgal.
Þar sem Netflix og Popcorn Time
eru netveitur er einn mælikvarðinn
á fjölda notenda hversu oft er leitað
að þjónustunni á Google. Sé skoðað
hversu oft Íslendingar hafa leitað
undir leitarorðunum Netflix og Pop-
corn Time undanfarið ár sést að leit
að því síðarnefnda hefur vaxið mikið
undanfarna mánuði og er nú um
helmingur þess fjölda sem leitar að
Netflix.
Ýmis ráð reynd
„Popcorn Time hefur verið að
sækja í sig veðrið,“ segir Gunnar
Guðmundsson, lögmaður og fram-
kvæmdastjóri Sambands flytjenda
og hljómplötuframleiðenda.
Að sögn Gunnars hafa ýmis ráð
verið reynd bæði hér og erlendis til
að stemma stigu við síðum sem þess-
um og nefnir sem dæmi þegar ís-
lenskum fjarskiptafyrirtækjum var
fyrir nokkrum mánuðum gert að
loka fyrir aðgang að torrent-
síðunum deildu.net og Pirate Bay.
„Í Danmörku er samstarf á milli
fjarskiptafyrirtækja og rétthafa.
Þegar fólk fer inn á síður sem dreifa
ólöglegu efni kemur upp svokallað
Web Puff sem er tilkynning um að
síðan sem viðkomandi ætli að fara
inn á innihaldi ólöglegt efni. Rann-
sóknir hafa sýnt að um 80% þeirra
sem fá svona skilaboð hætta við að
fara inn á síðuna og þessi leið hefur
verið rædd hér á landi.“
Er baráttan við ólöglega dreifingu
efnis á netinu ekki fyrirfram töpuð?
Sé einni síðu lokað, spretta strax
upp nýjar? „Þetta er erfið barátta,
það er rétt. Eitt af því sem við höfum
reynt að gera er að höfða til sam-
visku notendanna,“ segir Gunnar.
Ekki búin til af 13 ára krakka
„Þessi síða er öðruvísi en margar
torrent-síður því hún virkar lögleg,“
segir Hallgrímur Kristinsson, for-
maður FRÍSK, Félags rétthafa í
sjónvarps- og kvikmyndaiðnaði, um
Popcorn Time. „Hún er ekki með
sama yfirbragð og sumar aðrar
svona síður sem líta út eins og 13 ára
krakki hafi búið þær til.“
Hallgrímur segist hafa fengið
spurnir af því að Netflix verði í boði
hér á landi fyrir lok ársins og að fjöl-
margir sem eiga aðild að FRÍSK
hafi átt viðræður við fyrirtækið um
notkun efnis. Hann segir þá samn-
inga mislangt komna og að ekki sé
betur vitað en að Netflix standi lög-
lega að öllum sínum málum hér.
Sjóræningjasíða ógnar Netflix
 Torrent-síðan Popcorn Time er sums staðar vinsælli en Netflix  Von á Netflix hingað til lands síð-
ar í ár  Hefur átt viðræður við rétthafa hér á landi  Erfitt að kljást við ólöglega dreifingu á netinu
Netflix og Popcorn Time Fyrrnefnda þjónustan er lögleg, hin er ólögleg
víðast hvar. Gangi áætlanir eftir verður Netflix í boði hér fljótlega.
6 FRÉTTIRInnlent
MORGUNBLAÐIÐ FIMMTUDAGUR 26. MARS 2015
Til að fá bandarískan Netflix-aðgang hér á landi þarf DNS-þjónustu, svo-
kallaðan sýndarþjón, sem í stuttu máli sagt lýgur til um að notandinn sé
staðsettur í Bandaríkjunum. Auðvelt er að nálgast upplýsingar á netinu
um hvernig hægt er að tengjast þjónustunni. Mánaðaráskrift að Netflix
kostar 7,99 bandaríkjadollara og við það bætist 5 dollara greiðsla fyrir
DNS-þjónustuna. Almennt greiða Íslendingar því samtals 13 dollara á
mánuði, tæpar 1.800 krónur.
Í frétt danska Ekstrabladet í fyrra sagði að Danmörk væri það land þar
sem Netflix kostaði mest. Þar er hægt að kaupa þrjár mismunandi
áskriftarleiðir og er mánaðargjaldið frá 69 og upp í 109 danskar krónur. Í
Bretlandi kostar ódýrasta áskriftin 6,99 pund, í evrulöndum er algengt
verð 7,99 evrur og í Svíþjóð er mánaðargjaldið 89 sænskar krónur
Sýndarþjón þarf fyrir Netflix
NETFLIX KOSTAR MISMIKIÐ EFTIR LÖNDUM
Gunnar
Guðmundsson
Hallgrímur
Kristinsson
Ágúst Ingi Jónsson
aij@mbl.is
„Þetta gekk mjög vel og gæti verið
kveikur sem skilar okkur fleiri
skipakomum snemma vors á kom-
andi árum,“ segir Gísli Gíslason,
hafnarstjóri Faxaflóahafna, en fjög-
ur skemmtiferðaskip komu til
Reykjavíkur um síðustu helgi, en
það er fyrr en áður. Gísli segir að
vertíð skemmtiferðaskipa hafi síð-
ustu ár verið að lengjast á haustin en
þetta séu fyrstu merkin um að tíma-
bilið gæti byrjað fyrr. „Auðvitað
höfðu menn áhyggjur af veðurlagi,
en það dúraði á milli lægða svo dæm-
ið gekk upp,“ segir Gísli.
Hann segir að siglingar skemmti-
ferðaskipa á noðurslóðum séu vax-
andi og það sé spennandi að fá fleiri
þeirra til að koma til Reykjavíkur
utan háannatíma. Einkum sé horft
til minni og meðalstórra skipa í því
sambandi þar sem farþegafjöldi fari
sjaldnast yfir eitt þúsund. Slík stærð
sé vel viðráðanleg fyrir Faxaflóa-
hafnir og ferðaþjónustuna. Gísli seg-
ist hafa rætt við tvo skipstjóra af
þeim fjórum sem sigldu skipum sín-
um til Reykjavíkur um síðustu helgi.
Þeir hafi verið ánægðir með komuna
hingað og vel hafi gengið að taka á
móti skipunum.
Traustir innviðir,
veðrið happdrætti
„Innviðirnir gagnvart höfninni og
ferðaþjónustunni eru orðnir traustir
og fyrirtækin í stakk búin til að taka
á móti um þrjú þúsund manns þó
ekki sé hávertíð. Í ljósi athugana
sem hafa verið gerðar á efnahags-
áhrifunum er það augljóslega mjög
jákvætt að fá skip hingað inn í apríl
og maí fram að aðalvertíðinni.
Vissulega er veðrið stóri óvissu-
þátturinn í þessu. Af skipunum fjór-
um sem komu hingað lentu þrjú
þeirra í þoku eða þungskýjuðu á sól-
myrkvadaginn fyrir austan land, en
á sama tíma var bjartviðri í Reykja-
vík. Veðrið er líka happdrætti hvað
varðar ferðir og aðra afþreyingu, en
í þetta skipti tókst þetta mjög vel í
alla staði,“ segir Gísli.
Næstu skemmtiferðaskip eru
væntanleg til Reykjavíkur í lok maí,
en svo er röðin nánast óslitin fram til
27. september, en síðan er eitt skip
væntanlegt 25. október. Mest verða
fjögur skip í höfn samtímis í Reykja-
vík 30. júní, en alls er búist við 103
skemmtiferðaskipum í sumar.
Gæti verið kveikur sem
skilar fleiri vorskipum
 Dúraði á milli lægða er fjögur skemmtiferðaskip komu
Morgunblaðið/Eggert
Vorboðar Skemmtiferðaskipin Magellan og Marco Polo við Skarfabakka.
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Rómantík og ölduniður Lago Maggiore undirstrika fegurð
Ítalíu og töfra Alpafjallanna þar sem dekrað verður við
okkur í bænum Baveno. Boðið verður upp á margar
stórfenglegar skoðunarferðir, m.a. til Domodossola í
ítölsku Ölpunum og siglingu til eyjaperlunnar Isola Bella.
Verð: 169.900 kr. á mann í tvíbýli.
Mjög mikið innifalið!
Sp
ör
eh
f.
Fararstjóri: Hlín Gunnarsdóttir
1. - 6. júní
Bella Ítalía
Sumar4