Morgunblaðið - 26.03.2015, Síða 18

18 FRÉTTIRInnlent
MORGUNBLAÐIÐ FIMMTUDAGUR 26. MARS 2015
Malín Brand
malin@mbl.is
Þó að eldgosinu í Holuhrauni sé lok-
ið er rannsóknum vísindamanna og
öryggisgæslu lögreglu á svæðinu
hvergi nærri lokið. Gert er ráð fyrir
að tveir til þrír lögreglumenn standi
sólarhringsvakt á svæðinu allt fram
á haust. Nokkur fjöldi fólks er að
jafnaði í Drekagili. Bæði eru þar
starfsmenn Jarðvísindastofnunar og
Veðurstofunnar við vinnu á svæðinu
við að setja upp gasmæla og önnur
mælitæki. Að sögn Björns Odds-
sonar jarðeðlisfræðings og verk-
efnastjóra hjá almannavarnadeild
ríkislögreglustjóra miðast hættumat
við að öryggisgæsla sé á svæðinu svo
óhætt sé að hleypa almenningi inn á
svæðið.
„Veðurstofan þarf að vakta
svæðið vegna mögulegrar gasmeng-
unar og gosóróa vegna jarðhræringa
í og við Bárðarbungu. Þá þarf að
vera til rýmingaráætlun fyrir svæðið
og til þess að virkja áætlunina og
láta fólk vita þarf mannskapur að
vera á svæðinu,“ segir Björn.
Öryggissjónarmið ráða för
Björn ítrekar að öryggissjón-
armið séu að baki ákvörðuninni um
að hafa lögregluna áfram á svæðinu
og er vaktin á svæðinu í takt við
hættumat vísindamanna sem gefur
til kynna að viðvörunartími vegna
atburða í og við Bárðarbungu geti
verið mjög stuttur.
Um samstarf lögreglunnar og
Vatnajökulsþjóðgarðs er að ræða og
eru landverðir líka á staðnum. Al-
mannavarnadeild ríkislög-
reglustjóra samhæfir aðgerðir.
Lögreglumennirnir sem standa
vaktina eru úr umdæmi lögregl-
unnar á Norðurlandi eystra og að
sögn Daníels Guðjónssonar yfirlög-
regluþjóns á Akureyri eru fleiri
þættir en rýmingaráætlun sem kalla
á slíkt eftirlit. Aukinn straumur
ferðamanna með hækkandi sól er ein
breytan sem höfð er með í jöfnunni.
Störfin í Drekagili
Lögreglan sinnir hinum ýmsu
verkefnum á eldgosasvæðinu dags
daglega og er vísindamönnum innan
handar. „Það sparar þeim líka ferð-
irnar að vera með mælingar og
myndatöku sem nýtist þeim þannig
að það er reynt að samnýta þetta
eins og hægt er,“ segir Daníel. Að-
spurður hver kostnaðurinn sé við að
hafa tvo til þrjá lögreglumenn þarna
að staðaldri, segist Daníel ekki hafa
þær upplýsingar á takteinum. „Þeir
skila vinnuskyldu sinni þarna að
hluta. Í vetur hafa þeir verið þarna
að jafnaði í sex daga í einu því færðin
hefur verið erfið og getur tekið allt
að hálfan sólarhring að komast
þangað uppeftir,“ segir hann. Daníel
segir að reiknað sé með að ástæða sé
til að vera með vakt á svæðinu fram
á haust. „Því við eigum von á því að
það verði mjög mikill ferða-
mannastraumur þarna í sumar og þá
er hægt að bregðast skjótt við
ef frekari náttúrhamfarir
verða.“ Þó liggur endanleg ákvörðun
ekki fyrir um það þar sem eftir er að
tryggja nauðsynlega fjárveitingu.
Vegna þessa verkefnis fékk lög-
regluumdæmið fjárheimild fyrir
tveimur lögreglumönnum s.l. ár og
segir Daníel að vonandi verði hægt
að halda þeim áfram til hausts.
„Auðvitað koma inn í þetta sum-
arleyfi og annað en ef við höldum
þessum tveimur þá eigum við að
geta mannað þarna vaktir í sumar og
á því teljum við fulla þörf því vænt-
anlega verður ásókn í að skoða þetta
nýja hraun.“
Lögregluvakt við eld-
stöðvarnar til hausts
Morgunblaðið/Árni Sæberg
Holuhraun Án efa vilja margir fara að svæðinu í sumar til að sjá nýja hraunið. Lögreglumenn standa vaktina til hausts.
 Hættumat miðast við að stöðug öryggisgæsla sé á svæðinu
Eðli máls samkvæmt þurfa þeir
sem hafa aðsetur í Drekagili að
hafa jeppa til umráða enda ekki
fært þangað á fólksbílum. Bíla-
leiga Flugleiða leigir ríkislög-
reglustjóra 38" breyttan Toyota
Hi-Lux og var þeim bíl sérstaklega
breytt fyrir þetta verkefni og hann
útbúinn eftir þörfum lögreglunnar.
Sá bíll er hafður uppi í Drekagili.
Annar jeppi, Land Rover Defender,
er leigður af öðru fyrirtæki. Þá er
einnig notaður breyttur jeppi sem
embættið á. Að sögn Daníels eru
bílarnir leigðir á þeim samningum
sem ríkið hefur við bílaleigurnar
en hvert leiguverðið er fékkst ekki
gefið upp. Samkvæmt þeim upp-
lýsingum sem fengust frá Ríkis-
kaupum eru samningarnir í formi
afsláttar sem getur verið frá 20
prósentum af fyrirtækjaverðskrá
bílaleiganna til fimmtíu prósenta
afsláttar.
Sérútbúinn og breyttur trukkur
JEPPAR LEIGÐIR VEGNA GÆSLUNNAR
Agnes Bragadóttir
agnes@mbl.is
Hagnaður Orkuveitu Reykjavíkur
(OR) nam 8,9 milljörðum króna í
fyrra, líkt og greint var frá í frétt í
Morgunblaðinu í fyrradag. Hagn-
aðurinn á árinu 2013 var 3,4 millj-
arðar, og jókst hagnaðurinn þannig
um 162%.
„Sá tími mun
koma. Enginn
yrði kátari en ég,
þann dag sem við
lækkum gjald-
skrár,“ sagði
Bjarni Bjarna-
son, forstjóri OR,
í samtali við
Morgunblaðið í
gær, þegar hann
var spurður
hvort ekki væri lag nú fyrir Orku-
veituna að lækka gjöldin fyrir heita
vatnið og rafmagnið til við-
skiptavina í ljósi svo góðrar af-
komu.
„Við erum á ótrúlega góðri sigl-
ingu og erum auðvitað mjög glöð
með það. En það sem hindrar það í
raun, að við getum lækkað verðið,
er að aðgerðaáætlun okkar, sem
gengur undir nafninu Planið og var
samþykkt í lok marsmánaðar 2011,
er bindandi út árið 2016,“ sagði
Bjarni.
Bjarni segir að í tengslum við
Planið hafi eigendur Orkuveit-
unnar sammælst um nokkra þætti:
„Að taka ekki út arð úr fyrirtæk-
inu, meðan á aðgerðaáætlunin
stendur. Eigendur lánuðu Orku-
veitunni 12 milljarða króna og í
lánasamningi þar er kveðið á um
það að Orkuveitunni beri að láta
gjaldskrár halda verðgildi sínu.
Ef við gerum það ekki, þá gerist
Orkuveitan brotleg við lánasamn-
ing gagnvart eigendum,“ sagði
Bjarni.
Bjarni segir að í sínum huga sé
það ekki hlutverk Orkuveitunnar
að græða á tá og fingri, „heldur á
hún að veita góða þjónustu við lágu
verði. En að sjálfsögðu verður verð-
breyting þegar þar að kemur bara
pólitísk ákvörðun eigendanna.“
Bjarni segir að afkoman af hita-
veitunni undanfarna mánuði hafi
verið góð, vegna rysjótts veðurfars,
en afkoma af rafmagnssölunni hafi
ekki verið góð, vegna þess hversu
lágt álverðið hefur verið um hríð.
OR ekki heimilt
að lækka gjöldin
 Orkuveitan bundin af lánasamningi
Bjarni
Bjarnason
Morgunblaðið/Styrmir Kári
Höfuðstöðvar OR má ekki lækka
gjaldskrá fyrr en eftir árið 2016.
Farðu á www.joakims.is og skoðaðu og pantaðu eða
sendu tölvupóst á joakims@simnet.is. Sími 698 4651
Veiðivesti kr. 6.500.Öndunarvöðlur kr. 19.000.
Vöðluskór kr. 8.500.
JOAKIM’SFLUGUVEIÐIVÖRUR
FERMINGARTILBOÐ
Flugustangir frá kr. 12.500. Fluguhjól frá kr. 16.000.
La
ge
rsa
la
ím
ars
-S
kú
tuv
og
ur
10
F-
Op
ið
frá
15
-1
8,
má
n.-
fös
.
Suðurlandsbraut 20, Reykjavík | Sími 588 0200 |www.eirvik.is
Glæsilegar
eldhúsinnréttingar
ÞÝSKTÍSLENSKT
Innréttingarnar frá Eirvík eru sérsmíðaðar í Þýskalandi.
Einingarnar koma samsettar til landsins sem sparar tíma
í uppsetningu og tryggir meiri gæði.
Sérstaða okkar fellst í því að bjóða heildarlausn fyrir eldhúsið.
Við höfum næmt auga fyrir smáatriðum og bjóðum persónulega
þjónustu. Höfuðáhersla er lögð á lausnir sem falla að þörfum
og lífsstíl hvers og eins.
Líttu við hjá okkur og fáðu tilboð í innréttinguna og eldhústækin
og tryggðu þér raunveruleg gæði á réttu verði.
Hönnun og ráðgjöf á staðnum.