Morgunblaðið - 26.03.2015, Qupperneq 64

SJÁVARÚTVEGUR
Suðurhrauni 4210 Garðabæ | Furuvellir 3 600 Akureyri | Sími 575 800 | samhentir.is
Heildarlausnir
í umbúðum og öðrum rekstrarvörum
fyrir sjó- og landsvinnslu
◆ KASSAR
◆ ÖSKJUR
◆ ARKIR
◆ POKAR
◆ FILMUR
◆ VETLINGAR
◆ HANSKAR
◆ SKÓR
◆ STÍGVÉL
◆ HNÍFAR
◆ BRÝNI
◆ BAKKAR
◆ EINNOTA VÖRUR
◆ HREINGERNINGAVÖRUR
Allt á
einum
stað
Jón Agnar Ólason
jonagnar@mbl.is
Þ
eir Eyjólfur Júlíus Pálsson
og Halldór Heiðar Hall-
dórsson opnuðu Hafið fisk-
verslun árið 2006 og það
má segja að verslunin hafi átt góðu
fylgi að fagna strax frá fyrsta
degi,“ segir Vera þegar hún er innt
eftir tilurð fiskbúðarinnar og
ástæðum fyrir góðu gengi. „Þeir
voru þá frekar ungir, báðir á 24.
aldursári og þetta var frumraun
beggja í fyrirtækjarekstri. Þeir
höfðu þó báðir mjög skýra hugsjón
og hún var að bjóða alfarið upp á
fyrsta flokks hráefni með góðri
þjónustu. Það er auðvitað áhrifarík-
asti galdurinn í þessu. Viðskiptavin-
irnir lærðu fljótt hvaða gæðum þeir
gengu að og þar sem Ísland er lítið
land eru slík leyndarmál illa
geymd, okkur til mikillar ánægju.“
Línuveiddur gæðafiskur
Það helsta sem einkennir Hafið
eru áherslunar og úrvalið af fersk-
um fiski og fiskréttum, bendir Vera
á. „Við erum töluvert stærra fyr-
irtæki en margir gera sér grein
fyrir. Hafið er eitt af umsvifamestu
fyrirtækjum í þjónustu við mötu-
neyti og veitingastaði á höfuðborg-
arsvæðinu. Því fylgir bæði mjög
mikil hagræðing og hröð velta á
fiskinum. Það er því enginn
freistnivandi til staðar hjá okkur að
stelast til að selja fisk sem er ekki
sá nýjasti. Fiskurinn sem við kaup-
um er einnig veiddur á línu og er sá
gæðamesti sem völ er á. Hann er
meðhöndlaður af okkur sjálfum og
við takmörkum aðkomu véla og
tækja í því ferli. Við erum því
ennþá ,,kaupmaðurinn á horninu“,
persónulegt og einlægt fyrirtæki
þrátt fyrir mjög breiða og mikla
starfssemi.“
Allir sem hafa komið í Hafið
þekkja úrvalið sem þar er af til-
búnum fiskréttum. Skyldi ekki vera
erfitt að viðhafa nýsköpun á þeim
vettvangi þegar viðskiptavinirnir
flestir eiga sína uppáhaldsrétti í
fiskborðinu? Vera er fljót til svars.
„Fiskréttirnir eru okkar stolt.
Hvað varðar sérstöðu réttanna þá
sækjum við innblástur frá öllum
heimshornum og höfum í gegnum
tíðina unnið hart að því að full-
komna þá enda höfum við aðgang
að fagaðilum í matreiðslugeiranum.
Við höfum frábæran sölustjóra og
matreiðslumeistara, Ingimar Alex
Baldursson, fyrrverandi yfirkokk á
Sjávarkjallaranum og áður mat-
reiðslumann á Hótel Holti. Nokkrir
réttir hafa verið „best sellers“ og
stimplað sig inn í hjörtu við-
skiptavina og við hróflum lítið við
þeim. Þar má kannski helst nefna
þorskinn í basil og hvítlauk, löng-
una í austurlensku karríi og
spænska saltfiskréttinn. Við höfum
nýlega bætt við réttum sem eru
innblásnir af mexíkóskri- og grískri
matargerð svo eitthvað sé nefnt.
Það skiptir því ekki máli hvernig
mat maður er í stuði fyrir, fólk get-
ur fengið fiskinn í þeim búningi og
það þarf ekki að leita í skyndibit-
ann.“
Nýjar fisktegundir ryðja
sér til rúms
Vera segir að helsta breytingin á
fiskneyslumynstri landans sé lík-
lega sú að fólk leitar því mun meira
í fiskréttina heldur en ferska fisk-
inn. „Vinnandi fólk með fjölskyldur
hefur almennt minni tíma til að
elda frá grunni og er duglegt að
spara sér sporin með réttunum.
Margir halda samt í þær hefðir að
hafa reglulega soðinn fisk í matinn
með öllu tilheyrandi. Ýsan er því
nánast ósnertanleg þegar kemur að
vinsældum. Hvað varðar aðsókn
eftir tegundum þá hafa fiskteg-
undir sem var hent hér á árum áð-
ur rutt sér til rúms eins og t.d.
langa. Hana er að finna í mjög
mörgum réttum hjá okkur enda
gott hráefni. Margir eiga samt erf-
itt með að afmá gamla stimpla af
ákveðnum tegundum en á sama
tíma eru margir mjög nýj-
ungagjarnir, þar sem matarmenn-
ing Íslendinga er orðin mjög al-
þjóðleg og fjölbreytt.“
Spurð um tilurð nýrra fiskrétta í
fiskborðinu þá segir Vera þá alla
byrja einfaldlega með hugmyndum.
„Það gerist oft þegar okkur
finnst tími til kominn að lífga upp á
úrvalið, breyta til eða þegar við
kynnumst nýjum hráefnum. Rétt-
irnir eru því oft þróaðir út frá því
hvað okkur finnst vanta fyrir við-
skiptavini okkar sem jafnframt
smellpassar fyrir bragðlaukana.
Okkar starfsfólk, bæði áhugafólk
og fagmenn í matargerð, vinna þá
saman að þeim. Þrátt fyrir að við
sjálf þróum réttina erum við mjög
opin fyrir utanaðkomandi hug-
myndum viðskiptavina og til dæmis
geta fagaðilar hjá birgjunum okkar
komið með hugmyndir þegar þeir
fá til sín nýjar vörur. Við setjum
ekki rétt í borðið fyrr en við erum
alveg sátt við hann. Oft höfum við
tilboð á honum til að byrja með til
að kynna hann og sjáum svo hvað
setur. Langoftast verða réttirnir
mjög farsælir en það gefur til
kynna að þróunarferlið og okkar
eigið innsæi virki.“
Í dag eru tvær fiskbúðir reknar
undir merki Hafsins, áðurnefnd
búð við Hlíðarsmára og svo í
Spönginni í Grafarvogi. Eru ef til
vill fleiri opnanir á döfinni? Vera
verður leyndardómsfull á svip við
þessa spurningu.
„Í augnablikinu er rosalega mikið
á döfinni og stefnt er að frekari
stækkun fyrirtækisins. Þrátt fyrir
að ég freistist mjög til að segja frá
þá get ég ekki greint frá því að svo
stöddu, en við erum meðal annars
að fara út í verkefni af toga sem við
höfum ekki verið í áður. Forvitnir
geta þó huggað sig við að það kem-
ur allt í ljós á næstu mánuðum,“
segir Vera Dagsdóttir hjá Hafinu
að endingu.
Fiskréttirnir eru okkar stolt
 Fátt er landanum kærara en að geta gengið að glænýjum fiski sem vísum í eftirlætisfiskbúðinni sinni
 Fyrsta flokks hráefni og góð þjónusta er allur galdurinn, segir Vera Dagsdóttir
Morgunblaðið/Styrmir Kári
Sælkeramatur „Fiskréttirnir eru
okkar stolt. Hvað varðar sérstöðu
réttanna þá sækjum við innblástur
frá öllum heimshornum og höfum í
gegnum tíðina unnið hart að því að
fullkomna þá.“
Ljúfmeti „Vinnandi fólk með fjölskyldur
hefur almennt minni tíma til að elda frá
grunni og er duglegt að spara sér sporin
með réttunum. Margir halda samt í þær
hefðir að hafa reglulega soðinn fisk í mat-
inn með öllu tilheyrandi,“ segir Vera Dags-
dóttir, markaðs- og fjármálastjóri Hafsins.