Morgunblaðið - 26.03.2015, Page 100

100 MENNING
MORGUNBLAÐIÐ FIMMTUDAGUR 26. MARS 2015
VIÐTAL
Brynja Björg Halldórsdóttir
brynja@mbl.is
Alþjóðleg flautuhátíð í Reykjavík
hefst á morgun og stendur yfir
fram á sunnudag. Vegleg tónleika-
dagskrá verður yfir helgina þar
sem ókeypis verður á alla tónleika,
auk þess sem 97 íslenskum börnum
og unglingum gefst tækifæri á að
þiggja kennslu í flautuleik og fram-
komu frá reyndum alþjóðlegum
kennurum.
Áshildur Haraldsdóttir flautu-
leikari er listrænn stjórnandi hátíð-
arinnar og hefur borið hitann og
þungann af undirbúningi hátíð-
arinnar í samstarfi við Flautukór-
inn ,,Undirbúningurinn hefur staðið
yfir í hátt í eitt ár, með rykkjum og
skrykkjum meðfram öðru,“ segir
hún. Aðspurð um aðdragann að há-
tíðinni, segir Áshildur góða pólska
vinkonu sína, Ewu Murawska, hafa
hvatt hana til að halda alþjóðlega
flautuhátið á Íslandi og komið
henni í samband við Ruth Wentorf,
formann þýsku flautusamtakanna
sem er jafnan kölluð Angela Mer-
kel flautunnar. Þannig hafi eitt leitt
af öðru.
Hún segir það hafa verið auðvelt
að finna erlenda þátttakendur fyrir
hátíðina og margir hafi lýst yfir
áhuga á þátttöku. Aldrei hafi jafn-
margir erlendir gestir komið á flau-
tuhátíð á Íslandi. ,,Erlendir gestir
eru mjög spenntir að koma til Ís-
lands. Ég þurfti jafnvel að vísa fjöl-
mörgum frá sem vildu kenna á há-
tíðinni. Mér gekk þar af leiðandi
mjög vel að finna spennandi fólk
frá fjölmörgum löndum til að koma,
sem er með reynslu af tónlistar-
kennslu á háskólastigi.“
Íslenski flautukórinn, sem hefur
staðið fyrir mörgum flautuhátíðum
hérlendis, kemur einnig að hátíð-
inni. Áshildur segir þátttöku kórs-
ins ómetanlega og bendir á að þrjú
verk séu frumflutt á hátíðinni.
,,Við eigum frábæra kollega sem
semja verkin sérstaklega fyrir há-
tíðina og fyrir það erum við ótrú-
lega þakklát. Þetta eru stórkostleg
verk og stemmingin í Flautukórn-
um er alveg sérstök. Hún einkenn-
ist af góðri vináttu og hugsjóna-
starfi.“
Ögrandi efnisskrá
Hátíðin hefst í hádeginu á morg-
un, föstudag, með opnunartónleik-
unum, en þar verður ,,ögrandi efn-
isskrá“ og óvenjulegur flutningur,
eins og Áshildur orðar það. ,,Maður
verður bara að mæta. Það er ekki
nóg að heyra heldur þarf maður að
sjá,“ segir hún. Á tónleikunum
verða tvö verk frumflutt á Íslandi,
bæði „Sea of names“ eftir Lasse
Thoresen, handtaka tónskáldaverð-
launa Norðurlandaráðs og verkið
„Britney Whitney Clark Kent er
ekki dulargervi“ eftir Carolyn
Chen.
Þá verða tónleikar í Norræna
húsinu sama kvöld. Þar mun Ís-
lenski flautukórinn flytja tónlist
sem skrifuð hefur verið fyrir kórinn
eftir íslensk tónskáld. Þrjú verk
verða frumflutt á tónleikunum. Eitt
þeirra er verkið „Fimm söngvar“
eftir Kolbein Bjarnason, flautuleik-
ara og tónskáld. Þetta er fyrsta
tónverk Kolbeins sérstaklega samið
fyrir flautur en hann hefur verið
flautuleikari um árabil. ,,Þarna
renna saman flautuþekkingin og
tónsmíðarnar. Verkið er vísun í
hans flautuleikaralíf. Áratuga
reynslu hans af flautuleik eru gerð
skil í verkinu og er í raun óður til
lífs flautuleikarans,“ útskýrir Ás-
hildur. „Flytjendurnir á þessum
tónleikum gjörþekkja flautuna. Þeir
eru starfandi flautuleikarar og líka
tónsmiðir meðfram öðru. Mörkin
verða þar af leiðandi frekar óskýr á
milli tónsmíða og flautuleiks.“
97 börn frá sjö ára taka þátt
Tónleikarnir á laugardagskvöld-
inu verða svo tileinkaðir uppáhalds-
lögum þeirra sem kenna á hátíð-
inni. Endapunktur hátíðarinnar og í
senn uppskeruhátið hennar verður
svo síðdegis í Hörpu á sunnudeg-
inum. Þar koma fram allir þátttak-
endur hátíðarinnar á klukkustundar
löngum tónleikum. ,,Ég býst við að
við verðum um 110 manns sem
spila á flautu í síðasta laginu.“ Að
sögn Áshildar hafa 97 börn og ung-
menni frá sjö ára aldri, sem æfa
flautuleik, skráð sig til þátttöku á
hátíðinni en þau munu njóta
kennslu í mismunandi þáttum um
helgina.
Þau fá tækifæri til að auka þekk-
ingu sína og getu í flautuleik,
þiggja kennslu frá bestu flautuleik-
urunum Evrópu, fá æfingu í að
koma fram og enda svo á að koma
fram á tónleikum í Hörpu fyrir full-
um sal. ,,Þau verða líka innblásin
hvert af öðru og hafa gaman,“ segir
Áshildur og bætir við að tónlist sé
óháð aldri, allir geti verið með.
Helstu styrktaraðilar hátíð-
arinnar eru menningar- og ferða-
málasvið Reykjavíkurborgar, Félag
íslenskra hljómlistarmanna, Menn-
ingarsjóður Sinfóníuhljómsveitar
Íslands, Norræna húsið, World
Class og Norska sendiráðið.
110 flautuleikarar spila í Hörpu
 Börn þátttak-
endur og þrjú
frumflutt verk
Morgunblaðið/Eggert
Flautuhátíð Áshildur Haraldsdóttir, listrænn stjórnandi flautuhátíðarinnar, segir dýrmætt að þrjú verk hafi verið samin sérstaklega fyrir hátíðina.
Alþjóðleg flautuhátíð í Reykjavík
fer fram dagana 27.-29. mars
2015. Aðgangur er ókeypis á alla
tónleikana sem fara fram á Lista-
safni Íslands, Hörpu og á tvennum
tónleikum í Norræna húsinu.
Opnunartónleikar hátíðarinnar
verða haldnir föstudaginn 27.
mars kl. 12.10 í Listasafni Íslands.
Þar verða verkin Sea of names eft-
ir Lasse Thoresen og Britney Whit-
ney Clark Kent er ekki dulargervi
eftir Carolyn Chen frumflutt á Ís-
landi. Sea of names verður flutt af
hjónunum Maiken Mathisen Schau
flautuleikara og píanóleikaranum
Trond Schau frá Noregi.
Berglind María Tómasdóttir,
flautuleikari mun leika verkið Brit-
ney Whitney Clark Kent er ekki
dulargervi.
Að tónleikunum loknum býður
Kaffistofa listasafnsins upp á há-
degisverðartilboð.
Sama kvöld flytur Íslenski
flautukórinn verk eftir íslensk tón-
skáld, undir stjórn Hallfríðar
Ólafsdóttur. Á efniskránni má m.a.
finna frumflutning á verkinu Síð-
ustu dagar Bárðarbungu eftir
Martial Nardeau sem er einn af
kennurunum á hátíðinni, Grisaille
fyrir tólf flautur eftir fyrrverandi
flautunemanda Martials, tón-
skáldið Þráin Hjálmarsson, og á
verkinu Fimm söngvar eftir tón-
skáldið og flautuleikarann Kolbein
Bjarnason. Tón-
leikarnir verða kl.
20.00 í Norræna
húsinu.
Laugardaginn
28. mars munu
kennarar al-
þjóðlegu flautu-
hátíðarinnar
flytja verk sem
þeir hafa valið
sér og þykir mikið til koma, á tón-
leikum kl. 20.00 í Norræna húsinu.
Munu sex mjög ólíkir flautuleik-
arar koma fram og verður efnis-
skráin því mjög fjölbreytt. Fram
koma Caroline Debonne, Moshe
Aron Epstein, Maiken Schau, Ruth
Weintorf, Sibel Pensel, Áshildur
Haraldsdóttir, Berglind María Tóm-
asdóttir, Magnea Árnadóttir og
Martial Nardeau og píanóleik-
ararnir Cordula Hacke og Trond
Schau.
Lokatónleikar hátíðarinnar
verða haldnir sunnudaginn 29.
mars kl. 17 í Hörpu. Þar munu yfir
hundrað flautuleikarar, frá sjö ára
til sjötugs, leika listir sínar á afar
fjölbreyttum tónleikum. Á loka-
tónleikunum mun ungt tónlistar-
fólk flytja ólík samspilsatriði frá
mismunandi tímabilum í fimm
ólíkum sveitum.
Þekkt nöfn úr flautuheiminum,
kennarar við hátíðina, munu líka
láta í sér heyra við þetta tækifæri.
Vegleg dagskrá í þrjá daga
ALÞJÓÐLEG FLAUTUHÁTÍÐ Í REYKJAVÍK
Berglind María
Tómasdóttir
NÁNARÁWWW.GAP.IS
HEIMAPAKKINN!
SEM BIGGEST LOSER KEPP
ENDUR FENGU MEÐ SÉR HEIM!
HJÓLA-OGSPORTVÖRUVERSLUNIN · FAXAFENI 7 · SÍMI 5200200 ·GAP.IS
TAKTUMÁLIN Í ÞÍNARHENDUR
OGÆFÐUHEIMA.