Morgunblaðið - 26.03.2015, Side 105

MENNING 105
MORGUNBLAÐIÐ FIMMTUDAGUR 26. MARS 2015
Eggsy“ Unwin (TaronEgerton) er týpískurbreskur vandræðaung-lingur, sem missti pabba
sinn sem barn, en faðirinn dó í há-
leynilegri aðgerð í Afganistan árið
1997. Síðan þá hefur hann gengið
um með medalíu sem Harry Holt
(Colin Firth) gaf fjölskyldunni í
þakkarskyni, með þeim skilaboðum
að aftan á henni væri símanúmer
sem hægt væri að hringja í ef fjöl-
skyldan lenti í vandræðum.
Þegar „Eggsy“ er handtekinn
fyrir að stela bíl eru góð ráð dýr,
og hann hringir í númerið. Áður en
hann veit af, er Harry búinn að út-
nefna hann sem mögulegan leyni-
þjónustumann í einkareknu leyni-
þjónustunni Kingsman, en þeir
sem vilja starfa fyrir hana þurfa að
uppfylla ströngustu kröfur.
Meðan á þjálfuninni stendur
kemur hins vegar upp ný krísa.
Margt frægt fólk hefur horfið, og
grunur leikur á að því hafi verið
rænt. Það mun því mæða nokkuð á
Eggsy vilji hann standast námið og
bjarga heiminum um leið.
Andi gömlu James Bond-mynd-
anna svífur yfir vötnum í Kings-
man: The Secret Service, kannski
ekki síst í hinum stórkostlega fá-
ránlega og langsótta söguþræði
myndarinnar, sem stenst nánast
enga rökrétta skoðun. Myndin er
raunar dugleg að vísa í þá stað-
reynd.
Samuel L. Jackson tekst nánast
á flug í ofleik sínum á vonda kall-
inum, Richmond Valentine, millj-
arðamæringi sem er með djarfa
áætlun um að bjarga jörðinni frá
hlýnun af mannavöldum með því að
fjarlægja mestallt mannkynið.
Colin Firth nýtur sín sömuleiðis í
hlutverki njósnarans Galahad sem
tekur Eggsy undir verndarvæng
sinn. Aðrir leikarar eins og Mark
Strong og nafni hans Hamill (Star
Wars) eiga einnig góða spretti, auk
þess sem gamla brýnið Michael
Caine er sem sniðinn í hlutverk sitt
sem yfirmaður leyniþjónustunnar.
Kannski er einn helsti annmark-
inn í leikaravalinu sá, hvað kven-
persónur myndarinnar láta lítið að
sér kveða, þó reyndar sé Sofia
Boutella ágæt í hlutverki sínu sem
helsti morðingi Valentines.
Ljóst er að leikstjórinn Matthew
Vaughn (Kick-Ass) ákvað að nú
væri rétti tíminn til þess að keyra
allt upp í ellefu í hasar og hama-
gangi og líður myndin eiginlega
fyrir það að persónusköpunin fær
aðeins að víkja, og einhverjir gætu
átt erfitt með að lifa sig inn í
myndina.
Á móti þessum vanköntum koma
frábær og sjónræn hasaratriði með
mjög húmorísku ívafi. Ekki
skemmir fyrir að dægurtónlist er
fléttað inn í myndina á mjög
skemmtilegan hátt, og má þar
nefna lög eins og „Money for Not-
hing“ með Dire Straits og „Freeb-
ird“ með Lynyrd Skynyrd. Síð-
arnefnda lagið er reyndar tvinnað
inn í eitt magnaðasta ofbeldisatriði
sem sést hefur í langan tíma á
hvíta tjaldinu, þar sem meðlimir í
öfgatrúarsöfnuði í Bandaríkjunum
ganga berserksgang og við fáum
grafíska sýningu á færni kóngs-
manna. Ólíkt því sem gengur og
gerist í slíkum atriðum er það tek-
ið nánast í einu skoti og virka að-
farirnar eins og ofbeldisfullur ball-
ett.
Ef það er ekki þegar ljóst af
þessari lýsingu, þá er Kingsman:
The Secret Service ekki við hæfi
barna, þar sem ofbeldið keyrir um
þverbak. Hausar springa, limir
fjúka af og tennur fljúga. Þá er
nokkuð um sótsvartan húmor í
myndinni. Á það ekki síst við um
lokaatriði myndarinnar, sem inni-
heldur grófan kynlífsbrandara, (í
enn einu skotinu á James Bond),
sem á eflaust eftir að fara fyrir
brjóstið á einhverjum, og dregur
nokkuð úr gildi myndarinnar.
Að því sögðu er Kingsman alveg
ágætis skemmtun sem tekur sig
alls ekki of alvarlega, og ættu
áhorfendur að varast að lesa of
mikið í hana. Eins og sagt er í
myndinni sjálfri: Þetta er ekki
þannig bíómynd.
Óheflað og
fjörugt ofbeldi
Kóngsmenn Colin Firth og Taron Egerton í hlutverkum sínum í Kingsmen: The Secret Service.
Laugarásbíó og Smárabíó
Kingsman: The Secret Service
bbbmn
Leikstjórn: Matthew Vaughn. Handrit:
Jane Goldman og Matthew Vaughn. Að-
alhlutverk: Colin Firth, Samuel L. Jack-
son, Mark Strong, Taron Egerton, Sop-
hie Cookson, Sofia Boutella, Mark
Hamill og Michael Caine. Bretland og
Bandaríkin, 2014. 129 mínútur.
STEFÁN GUNNAR
SVEINSSON
KVIKMYNDIR
ar fjölbreyttari en ella og sem dæmi
um þá fjölbreytni má líka nefna „Allt
líf“, lag sem er eins og mantra, síend-
urtekið stef og texti eftir Shake-
speare, mjög í anda gjörninga Ragn-
ars Kjartanssonar. „Allt líf skal fölna
og falla, deyja til þess að lifa um eilífð
alla,“ er sungið aftur og aftur við
fagran hljóðfæraleik og maður fellur
nánast í trans, verður allur miklu
slakari.
Eitt besta lag plötunnar er eftir
Bubba Morthens, „Háflóð“, sem
Teitur flytur í mjög einfaldri útsetn-
ingu, syngur og leikur á gítar og ger-
ir óaðfinnanlega. Gott ef hann slær
ekki kónginum sjálfum við!
Það er mikil sköpunar- og leikgleði
á þessari fyrstu sólóplötu Teits sem
ég hef hlustað á reglulega allt frá því
hún kom út í fyrra og hef ekki enn
fengið leiða á. Það hefur greinilega
verið gaman hjá Teiti og vinum hans
í hljóðveri og tilraunamennska í
hljóðfæravali gerir plötuna litríka,
leikið á framandi hljóðfæri á borð við
cuica, sas og sítar. Að lokum ber að
hrósa Sigurlaugu Gísladóttur, tón-
listar- og myndlistarkonu, fyrir
glæsilega hönnun umslags.
Afbragð Teitur Magnússon (28) sendi frá sér eina bestu plötu síðasta árs.
JEPPADEKK
Kletthálsi 3 | 110 Reykjavík | 540 4900 | www.arctictrucks.is
Vönduð og endingargóð
vetrardekk sem koma þér
örugglega hvert á land sem er
Besta leikkona
í aðalhlutverki
ÍSLENSKUR TEXTI
NÝ STUTTMYND
VERÐUR SÝND Á UNDAN
ÓDÝRT KL. 5:25
800 KR. BARNAVERÐ FYRIR ALLA
Sími: 553-2075
www.laugarasbio.is
SÝNINGARTÍMA MÁ NÁLGAST Á
LAUGARASBIO.IS, MIDI.IS OG
EINNIG Á SÍÐUNNI HÉR VIÐ HLIÐINA Á
- bara lúxus
HÖRKUGÓÐ SPENNUMYND
FRÁ LEIKSTJÓRA TAKEN