Morgunblaðið - 26.03.2015, Qupperneq 108

 Vortex-tvíeykið heldur tónleika í
menningarhúsinu Mengi annað kvöld
kl. 21. Vortex hefur verið starfandi í
Frakklandi frá seinni hluta níunda
áratugarins og tónlist þess lýst sem
innilegum, undirbúnum hljóðum með
abstrakt gítarleik, magnþrunginni
rödd og hljómum sem rísa ljúflega á
þyrlandi hljómsetningum. Stofn-
endur Vortex eru Nico Guerrero og
Sonia Cohen-Skalli og hafa
þau deilt sviðinu með
Arthur Geffroy frá
því í janúar á þessu
ári. Verkin sem
þau munu spila í
Mengi eru sér-
staklega samin
fyrir tónleikana.
Vortex í Mengi
FIMMTUDAGUR 26. MARS 85. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Bent á svipað atvik hjá Lufthansa
2. Búllunni verður lokað
3. Kallaði kærustuna „feitu“…
4. Endurnýja ekki samning Clarkson
»MEST LESIÐ Á mbl.is
FÓLK Í FRÉTTUM
 Hvernig verða tölvuteiknimyndir
til? er yfirskrift námskeiðs fyrir 10-16
ára börn sem haldið verður í Bíó
Paradís á laugadaginn, 28. mars, kl.
14. Námskeiðið er hluti af dagskrá Al-
þjóðlegrar barnakvikmyndahátíðar.
Á námskeiðinu munu Hilmar Sig-
urðsson og Gunnar Karlsson fara í
gegnum ferilinn við að gera tölvu-
teiknimynd og sýna hvað þarf til að
gera slíka mynd og koma henni upp á
hvíta tjaldið. Hilmar og Gunnar hafa
unnið saman að teiknimyndum í yfir
25 ár, Gunnar leikstýrt og Hilmar
framleitt. Saman hafa þeir rekið
tölvuteiknimyndafyrirtækið GunHil
sl. þrjú ár og eru að hefja framleiðslu
á tölvuteiknimyndinni Lói – þú flýgur
aldrei einn, eftir handriti Friðriks Erl-
ingssonar og í leikstjórn Árna Ólafs
Ásgeirssonar og Gunnars Karlssonar.
Aðgangur að námskeiðinu er ókeypis
og hægt að skrá sig á það með því að
senda tölvupóst á helga@biop-
aradis.is. Á myndinni sést Lói úr fyrr-
nefndri teiknimynd.
Hvernig verða tölvu-
teiknimyndir til?
Á föstudag Suðvestan 8-15 m/s, hvassast við suðvesturströnd-
ina. Léttskýjað á Norðaustur- og Austurlandi, en él í öðrum lands-
hlutum. Hiti kringum frostmark að deginum.
SPÁ KL. 12.00 Í DAG Suðvestan 8-13 m/s og él, en bjartviðri
norðaustan- og austanlands. Kólnar heldur í veðri, hiti um eða rétt
yfir frostmarki.
VEÐUR
Knattspyrnusamband Ís-
lands hefur látið útbúa leið-
beiningar um hvernig
bregðast skuli við höfuð-
áverkum í fótboltanum.
Leiðbeiningarnar ættu einn-
ig að nýtast í öðrum grein-
um. Þar er lögð áhersla að
ef grunur leikur á því að um
heilahristing sé að ræða þá
kemur leikmaður ekki aftur
inn á völlinn. Einnig tekur þá
við ferli áður en leikmaður
getur spilað á ný. »3
Hvernig skal
bregðast við?
Rúnar Kristinsson, þjálfari norska úr-
valsdeildarliðsins Lilleström, er
spenntur fyrir komandi leiktíð en eft-
ir tvær vikur verður flautað til leiks í
norsku úrvalsdeildinni. Rúnar segir
breiddina skorta
hjá sínu liði en
hann er þó nokk-
uð bjartsýnn
fyrir hönd sinna
manna. »4
Rúnar spenntur fyrir
komandi leiktíð
„Þetta verður erfiður útileikur eftir
langt ferðalag og það er alveg ljóst
að landsliðsmennirnir okkar mega
ekki vanmeta Kasakana á nokkurn
hátt,“ segir Hannes Þ. Sigurðsson,
eini íslenski knattspyrnumaðurinn
sem hefur spilað með félagsliði í
Kasakstan, en Ísland mætir Kas-
akstan í undankeppni EM í Astafan
á laugardaginn. »1
Mega ekki vanmeta
Kasakana
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Skeggtískan ætlar að halda vinsældum lengur
en ég bjóst við. Þegar koma svona bylgjur þá
ganga þær yfir á tveimur árum eða svo. Alskegg-
ið ætlar hins vegar að haldast lengur inni, það
kæmi mér ekki á óvart að þetta yrði alveg fram á
næsta ár,“ segir Ragnar Harðarson, rakari við
Vesturgötu í Reykjavík. Hann hefur staðið með
skærin við stólinn og haft hendur í hári manna í
rúm 40 ár. Þekkir því vel hvernig vindar blása í
samfélaginu hverju sinni – og hvert straumurinn
liggur hverju sinni. Og nú lifum við á tímum hip-
steranna sem svo eru nefndir, það er gjarnan
fólk í hinum skapandi greinum sem fylgist vel
með framandi straumum og vill tolla í tísku.
Hollywood og Víkingar
Ragnar segir nokkur ár vera síðan það tók að
ryðja sér til rúms meðal ungra manna að safna
alskeggi. Fyrst segist Ragnar reyndar hafa talið
að menn væru að spara við sig að kaupa rokdýr
rakavélarblöð, en fljótt hafi þó komið í ljós að
meira hékk á spýtunni. „Fyrirmyndirnar í tísku
koma yfirleitt frá Hollywood, sjónvarpsþáttum
eða einhverju slíku. Sjónvarpsþættirnir Víking-
arnir voru Stöð 2 ekki alls fyrir löngu, hvar loðn-
ir bardagamenn birtust okkur og slíkt vakti
áhuga. Annars virðist vera mjög ríkt í karl-
mönnum að vilja vera með skegg; við gerðum
einhverju sinni yfir eina viku óformlega könnun
hér á stofunni meðal karla sem komu í stólinn
hjá okkur. Þá reyndist aðeins einn af tæplega
sjötíu ekki hafa prófað að safna skeggi,“ segir
Ragnar.
Og skeggið þarf að vera eftir ýmsum kúnst-
arinnar reglum, vel snyrt og flott. Ragnar segir
unga menn gjarnan bera í það olíu og vax – og
hárgreiðslan þurfi gjarnan að vera í stíl. Núna
njóti til dæmis vinsælda að vera með snöggt í
hliðum og að aftan en toppurinn er lengri og
brilljatínborinn.
„Þetta er sígild herraklipping, stíll sem náði
fótfestu um 1920 og er kominn aftur – nema
hvað nú er það aðeins rokkaðara í anda Pres-
ley. Og það sem hvetur strákana nátt-
úrlega áfram er að stelpunum finnst
þetta flott. Þeim finnst þetta karlmann-
legt og töff og þær gefa strákunum
meira að segja grænt ljós á yfirvara-
skegg af því nú er Mottumars,“ segir
Ragnar að síðustu.
Stelpum finnst rokkhárið flott
 Skeggið tollir lengi í
tísku, segir Ragnar rakari
Morgunblaðið/Styrmir Kári
Skeggjaður Loðnir bardagamenn birtust okkur og slíkt vakti áhuga,“ segir Ragnar, rakari í 40 ár.
Það var á því herrans ári 1974 sem Ragnar
hóf störf á rakarastofunni á Vesturgötunni
hjá föður sínum, Herði Þórarinssyni, sem
nú er hættur störfum. „Þegar ég byrj-
aði var Bítlatískan með sínu síða
hári að fjara út og seinna kom
snöggklippti stíllinn. Og jú; þegar
hippamenningin stóð í blóma þá
var John Lennon með skegg og
sjálfsagt hafði hann áhrif,“ segir Ragnar. „Ann-
ars ráða þeir einstaklingar sem eru mest áber-
andi í fréttum hverju sinni miklu hvað fólkið
vill. Eru fyrirmyndir. Ungir strákar fylgjast vel
með fótboltastjörnum eins og David Beckham
og Ronaldo – og vilja klippingu í þeirra stíl. Og
sama gildir ef einhver kvikmyndakappi, lista-
maður eða íþróttahetja safnar skeggi – þá vilja
allir vera eins.“
Allir vilja vera eins og þeir
LEIKARAR OG FÓTBOLTASTJÖRNUR FYRIRMYNDIR
Ronaldo
Frábært hár.