Morgunblaðið - 29.05.2015, Qupperneq 10

10 DAGLEGT LÍF
MORGUNBLAÐIÐ FÖSTUDAGUR 29. MAÍ 2015
Kristín Heiða Kristinsdóttir
khk@mbl.is
Ég byrjaði óvart að æfarugby fyrir fimm árum,eiginlega var það fyrirmisskilning,“ segir Krist-
inn Þór Sigurjónsson, formaður
Rugby Ísland. „Ég var staddur á Ak-
ureyri þar sem ég var að prófa snjó-
bretti í fyrsta skipti og hafði rúllað
niður fjallið í heilan dag þegar ég hitti
Breta sem búsettur er hér á landi.
Hann sagði að ég væri tilvalinn með-
limur í nýstofnað rugby-félag, ég gæti
komið vel að notum á vellinum vegna
stærðar minnar. Á þessum tíma vissi
ég ekkert hvað rugby var, ég hafði
mynd af krikketi í kollinum þegar ég
sagðist vera til í að vera með. En þeg-
ar ég mætti á fyrstu æfingu fann ég
að þetta var einmitt íþróttin sem mig
hafði vantað þegar ég var strákur. Ég
hafði ekki fundið mig í neinni íþrótt,
en þarna passaði ég fullkomlega.“
Viljum endilega fleiri konur
Rugby gengur út á að koma
boltanum yfir marklínuna og láta
hann snerta grasið þar. Boltanum
mega leikmenn aðeins kasta aftur
fyrir sig, og fyrir vikið er oft hlaupið
með boltann í átt að marki.
„Þetta virðist kannski vera
óskipulögð slagsmál á grasvelli, en
það eru afar stífar reglur. Það sem
heillar mig mest við rugby eru gildin
fimm: virðing, heilindi, ástríða, sam-
staða og sjálfsagi. Þetta eru ekki að-
eins orð á blaði, þetta á við allt starf-
ið í tengslum við rugby. Í rugby er
fullkomin virðing fyrir dómaranum,
það er aldrei rifist við hann og hann
stýrir leiknum,“ segir Kristinn og
bætir við að rugby sé hin fullkomna
hópíþrótt, af því allir geta verið með.
„Þetta er fyrir stóra og litla,
þunga og létta, því það þurfa líka að
vera einstaklingar sem eru fimir og
fljótir að hlaupa mikið. Og rugby er
ekki aðeins fyrir karla, hér á landi
eru tíu konur virkar á æfingum og
við viljum gjarnan að þeim fjölgi.
Rugby er mest vaxandi hópíþrótt í
heiminum og langmest vaxandi
kvennaíþrótt í heiminum.“
Krakkar opnir fyrir rugby
Rugbyfélag Reykjavíkur var
stofnað árið 2010 af nokkrum Bret-
um og Skotum sem höfðu búið lengi
á Íslandi ásamt nokkrum áhugasöm-
um Íslendingum. Ári síðar var
íþróttin viðurkennd hér á landi af
ÍSÍ og Ísland varð aðili að Rugby-
sambandi Evrópu.
„Í gengum það höfum við fengið
stuðning í formi kennslu frá skoska
rugbysambandinu, hingað koma
menn einu sinni á ári til að leiðbeina
okkur og þjálfa og einnig stendur
okkur til boða að fara út til þeirra og
fá leiðsögn,“ segir Kristinn og bætir
við að auk Íslendinganna sem æfa
rugby hér séu það Englendingar,
Skotar, Írlar, Frakkar og Spánverj-
ar. „En til að geta spilað rugby í
landsliði Íslands þarf viðkomandi að
hafa verið búsettur hér í þrjú ár eða
lengur eða eiga foreldri eða afa og
ömmu sem eru Íslendingar.“
Kristinn segir krakka vera
mjög opna fyrir rugby, þeim sé á
einhvern hátt eðlislægt að hlaupa
með boltann.
„Við höfum verið að kynna
rugby bæði í grunnskólum og fram-
haldsskólum og líka í Háskólanum í
Reykjavík. Stelpur eru sérstaklega
Stelpurnar eru mun áhuga-
samari en strákarnir
Hann segir rugby vera hina fullkomnu hópíþrótt, af því allir geta verið með. Rugby er fyrir stóra og litla,
þunga og létta, karla og konur. Þótt rugby virðist vera óskipulögð slagsmál á grasvelli, þá eru afar stífar reglur.
Kristinn Þór Sigurjónsson er heillaður af íþróttinni og fer með landsliðinu út að keppa um næstu helgi.
Morgunblaðið/Eggert
Upprennandi Kristinn í liðsbol Rugby Ísland með yngstu dóttur sinni sem skartar smekk sem prýddur er ensku
rugby-rósinni, gjöf frá pabba að sjálfsögðu. Hann segist hlakka til að kynna stúlkuna fyrir rugby-íþróttinni.
Morgunblaðið/Ómar
Heitt í kolum Í fyrra tókust Haukar á við Rugbyfélag Reykjavíkur á Hlíð-
arenda. Haukar eru rauðir en Rugbyfélag Reykjavíkur í bláum búningi.
Hinn árlegi Morgunn í matjurtagarði
Grasagarðsins í Laugardalnum í
Reykjavík verður haldinn á morgun
laugardag, kl. 11-13. Þá gefst gestum
og gangandi tækifæri til að spyrja og
spjalla við garðyrkjufræðinga Grasa-
garðsins og félaga og starfsfólk
Garðyrkjufélags Íslands um allt sem
viðkemur ræktun krydd- og matjurta;
meðal annars sáningu, útplöntun,
umhirðu og uppskeru.
Café Flóra verður með heitt pipar-
mintute á könnunni. Allir eru hjartan-
lega velkomnir.
Morgunn í matjurtagarði
Spjallað og spurt
í garðinum góða
Morgunblaðið/Eggert
Sólríkur sumardagur Þá er sérlega
notalegt að sitja á kaffihúsinu Flóru.
Missið ekki af margrómaðri hand-
verkssýningu félagsstarfsins í Gerðu-
bergi sem staðið hefur frá 2. maí og
hlotið einróma lof gesta. Á lokadegi
sýningarinnar sunnudaginn 31. maí
næstkomandi kl. 14-16 verður mark-
aðsstemning. Þá ætla sýnendur að
vera á staðnum og fallegt handverk
þeirra verður til sölu.
Í félagsstarfinu í Gerðubergi starfa
fjölbreyttir handverkshópar. Á vor-
sýningunni má meðal annars sjá bók-
band, bútasaum, gler, handavinnu,
málun, pappamódel, postulínsmálun,
tálgun og útskurð. Sýnendur eru yfir
níutíu talsins auk þess sem sumir
þeirra taka þátt á fleiri en einu sviði,
sýna til að mynda bæði útskurð og
pappamódel eða bæði málverk og
glerverk.
Sýningin stendur í fjórar vikur,
sem er óvenjulegt fyrir sýningu af
þessu tagi því oftast standa fé-
lagsstarfssýningar einungis yfir eina
helgi eða örfáa daga. Verkin á sýning-
unni eru einkar fjölbreytt og frágang-
ur sýningarinnar vandaður.
Félagsstarfið er mikilvægur þáttur
í daglegu lífi fjölmargra borgarbúa en
starfið er öllum opið óháð aldri. Vor-
sýningunni er ætlað að gefa góða
mynd af því öfluga starfi sem fram
fer í félagsstarfinu og hvetja þannig
enn fleiri til þátttöku.
Allir velkomnir.
Vorsýning í Gerðubergi
Markaðs-
stemning
á lokadegi
Útskurður Eitt af því sem sýnt er.
Fjölbreytt Kennir margra grasa.
Faxafeni 14, 108 Reykjavík | Sími 551 6646 | Laura Ashley á Íslandi | Opið virka daga 10-18, laugard. 11-15
Vor og sumar 2015