Morgunblaðið - 29.05.2015, Blaðsíða 44

44 DÆGRADVÖL
MORGUNBLAÐIÐ FÖSTUDAGUR 29. MAÍ 2015
Nú færðu ab mjólk frá Mjólku í
nýjum handhægum 1 lítra umbúðum.
abmjólk
í nýjum
umbúðum
Stjörnuspá
21. mars - 19. apríl 
Hrútur Öðrum finnst þú þurfa lítið að hafa
fyrir hlutunum af því að þú berð ekki utan
á þér hve vandlega þú vinnur störf þín.
Haltu þínu striki.
20. apríl - 20. maí 
Naut Láttu ekki teygja þig út í rökræður
sem þú veist fyrir fram að þú hlýtur að
tapa. Reyndu að ná samkomulagi um af-
not af sameiginlegum eignum.
21. maí - 20. júní 
Tvíburar Breytingar breytinganna vegna
hafa ekkert upp á sig – eru aðeins flótti
frá raunveruleikanum. Reyndu að hugsa
málið til enda áður en þú talar.
21. júní - 22. júlí 
Krabbi Stemningin í vinnunni einkennist
af hressleika og vinarþeli. Þú gætir fengið
óvæntar gjafir eða góss í dag, sennilega
fyrir milligöngu vinar. Notaðu tækifærið til
að fegra umhverfi þitt.
23. júlí - 22. ágúst 
Ljón Þú nýtur mikilla vinsælda þessa dag-
ana. Gættu þín á vafasömum athöfnum.
Helsta samband í lífi þínu er að umbreyt-
ast en það er ekkert að óttast.
23. ágúst - 22. sept. 
Meyja Að kveikja eld er lykillinn að því að
lifa af í óbyggðunum. Allt sem maður get-
ur sigrast á í huganum getur maður yf-
irbugað í raunveruleikanum.
23. sept. - 22. okt. 
Vog Þú munt rekast á gamlan félaga þar
sem þú áttir síst von á honum svo það
verða fagnaðarfundir. Reyndar líður þér
eins og fjörugum krakka þessa dagana.
23. okt. - 21. nóv.
Sporðdreki Láttu þér í léttu rúmi liggja
þótt einhverjir séu með stríðni í þinn garð.
Hafðu dómgreindina til hliðsjónar að
þessu leyti, þannig verður þú líka góður
leiðtogi.
22. nóv. - 21. des.

Bogmaður Eitthvað í fari félaga þíns vekur
með þér ugg enda á ýmislegt eftir að
koma á daginn. Brettu upp ermarnar.
22. des. - 19. janúar 
Steingeit Þörf fyrir líkamlega áreynslu
kallar á aðgerðir. Fæst er eins og virðist í
fljótu bragði svo það skiptir sköpum að þú
gefir þér nægan tíma.
20. jan. - 18. febr. 
Vatnsberi Samskipti þín við maka þinn
verða lífleg og skemmtileg í dag. Taktu því
ábyrgð á sjálfum þér áður en það verður
of seint. Öllu gríni fylgir einhver alvara.
19. feb. - 20. mars

Fiskar Vertu ekki að eltast við að hjálpa
þeim sem ekki vilja fá aðstoð. Gleymdu
ekki velgjörðarmönnum þínum.
Ég sagði í gær frá ljóðakverinu„Út í vorið“ eftir Ljóðahóp
Gjábakka. Þar er þetta skemmti-
lega ljóð Tómas eftir Unni Gutt-
ormsdóttur:
„Með hönd undir kinn situr Reykja-
víkurskáldið hugsi á bekk við Tjörnina.
Fætur krosslagðir og ekkert, ekki einu
sinni heimtufrekar gæsirnar, fá raskað
ró þess. Þegar ég sest, lítur það þó
hægt upp, horfir djúpt í augu mér og
segir seiðandi röddu: Heyrið þér, frú
mín góð, eruð þér að reyna að svipta
mig titlinum?“
Ég hef verið að blaða í ljóð-
mælum Páls Ólafssonar og rakst á
þetta ljóðabréf Helga Indriðasonar
í Skógargerði, 17. des. 1892. Hann
bjó þá enn á Hallfreðarstöðum en
fluttist um vorið að Nesi í Loð-
mundarfirði:
Ill er tíðin
ytra hér
og illt er hjarnið.
Hvernig líður
Löpp hjá þér
með litla barnið?
Er hún feit,
eða’ er hún mögur
eins og fleiri?
Út á sveit
hér engar sögur
um það heyri.
Þú hafir tínt
í trippin strá
mig tíðum dreymir
og með því sýnt
þá mest á lá
hvern mann þú geymir.
Ef þú tjóðrar
um þau, meðan
endast holdin,
þau með fóðri
færðu héðan
fullu goldin.
– – –
Maður breytist
mér er þrotin
mærð í elli.
Höndin þreytist,
hníg því lotinn
hér að velli.
Þetta er vel ort og skemmtilega.
En síðan rakst ég á síðasta erindið
eilítið öðru vísi, eins og oft hendir
þegar skáld rifja upp vísur sínar og
þykjast geta gert betur!
Maður breytist!
Mér er þrotin
mærð í elli.
Hjartað þreytist,
hníg því lotinn
hér að velli.
Halldór Blöndal
halldorblondal@simnet.is
Vísnahorn
Af skáldum
Í klípu
„VIÐ ÞURFUM AÐ FARA AÐ HLUSTA Á
VIÐSKIPTAVINI OKKAR“
eftir Mike Baldwin eftir Jim Unger
„EF ÞIG LANGAR AÐ BORÐA INNI Á
SKRIFSTOFU, KOMDU MEÐ SAMLOKU!“
Hermann
Ferdinand
Hrólfur hræðilegi
Grettir
...að vera alltaf falleg að
hans mati.
- SÍMHLERANIR
- NJÓSNA-
BÚNAÐUR
- STAÐSETN-
INGARBÚNAÐUR
- HLERANIR
JÁ?
ÉG ER HÉR TIL AÐ VINNA
BUG Á GRÆÐGI, SYND,
HEIMSKU OG ILLSKU
ÞÚ ERT AÐ LEITA AÐ
HRÓLFI HRÆÐILEGA.
HANN BÝR NEÐST Í
GÖTUNNI, TIL VINSTRI
OG SVO
SOFNAÐI ÉG.
HEFUR ÞÚ TEKIÐ EFTIR
AÐ FLESTAR SÖGURNAR
MÍNAR ENDA ÞANNIGÞ
egar þið verðið búnir að taka upp
úr töskunum og jafna ykkur á
tímamuninum getið þið skroppið
vestur á Mela og farið í fótbolta,
sagði Ingólfur við strákana eftir að
þeir höfðu komið sér fyrir norðan við
Tjörnina í Reykjavík fyrir tæplega
1.150 árum.
x x x
Víkverji er viss um að eitthvað áþessa leið hafi upphaf fótboltans
verið á Íslandi. Enda fór svo að fyrsti
íþróttavöllur landsins var lagður á
Melunum 1911 og í vöggu fótboltans
var Melavellinum komið fyrir.
x x x
Melavöllurinn var helsti knatt-spyrnuvöllur borgarinnar í ára-
tugi eða þar til hann varð að víkja
1984. Þar hófst fótboltatímabilið í
áratugi og þar lauk því, þar fór
Reykjavíkurmótið fram, Íslands-
mótið, bikarkeppnin og landsleikir.
x x x
Þegar Melavöllurinn var og hétréðu framsýnir menn stjórninni í
borginni og auk mikilvægra mann-
virkja eins og Melavöllurinn var
skipulögðu þeir hverfi með götum og
gangstígum svo íbúar borgarinnar
kæmust leiðar sinnar. Melatorgið
varð þannig til og er eina sjáanlega
minningin um völlinn, en ekki kemur
á óvart að það verði fjarlægt, þegar
borgarstjórnin breytir Hringbraut í
eina akrein í hvora átt.
x x x
Vegna breytinga er kannski óþarfiað undrast að menn, sem annars
vita allt um fótbolta og fótboltamenn,
skóstærð þeirra, hæð, þyngd, helstu
venjur innan sem utan vallar og svo
framvegis, viti ekki að torgið á mót-
um Suðurgötu og Hringbrautar heit-
ir Melatorg, eins og fram kom hjá
slíkum mönnum í umræðuþætti á fot-
bolti.net á dögunum.
x x x
Víkverji er hins vegar á því að mik-ilvægt sé að halda örnefnum og
staðarnöfnum til haga, vegna þess að
fljótt fennir í sporin. Nýhafin söfnun
Hallgríms Jökuls Ámundasonar hjá
Árnastofnun á örnefnum og heitum í
Vesturbæ Reykjavíkur er því þarfa-
þing. víkverji@mbl.is
Víkverji
Ég er góði hirðirinn. Góði hirðirinn
leggur líf sitt í sölurnar fyrir sauðina.
(Jóhannesarguðspjall 10:11)