Dagblaðið Vísir - DV - 26.02.2010, Blaðsíða 23

Léku sér í snjónum Þessir hressu krakkar tóku snjónum í borginni fagnandi og fóru út að leika sér í vetrarríkinu. Það hefur varla snjóað í borginni í vetur og því snjórinn
kærkominn. MYND RÓBERT REYNISSON
UMRÆÐA 26. febrúar 2010 FÖSTUDAGUR 23
MYNDIN
Þannig kvað Prince árið 1983.
Sama ár gerði Reagan Bandaríkja-
forseti innrás í Grenada, Margar-
et Thatcher, þá nýbúin að vinna
Falklandseyjastríðið, var endur-
kjörin forsætisráðherra Bretlands
og Steingrímur Hermannsson varð
forsætisráðherra Íslands í fyrsta
sinn.
Prince-lagið vísar til þess að
margir bjuggust við því að heim-
urinn myndi farast á þessu síðasta
ári aldarinnar (eða næstsíðasta, ef
út í það er farið). Helstu rökin fyr-
ir slíku voru líklega þau að 2000
er snyrtileg og kringlótt tala. Aðr-
ir reyndu jafnframt að finna vís-
indalegar útskýringar á yfirvofandi
heimsendi, meðal annars í hinum
svonefnda 2YK-vírus sem átti að
þurrka út efnahagskerfi heimsins.
1999 var þó fremur viðburðasnautt
ár, svona á heimsendismælikvarð-
ann að minnsta kosti. Það voru
loftárásir á Balkanskaga, í síðasta
en ekki fyrsta sinn á áratugnum.
Davíð Oddsson var kosinn forsæt-
isráðherra Íslands, hvorki í fyrsta
né síðasta sinn. Vinstrimenn á Ís-
landi íhuguðu sameinað framboð,
en skiptust þess í stað í tvo flokka,
Samfylkinguna og VG. Evrunni var
komið á fót en þó ekki enn sem
peningaseðlum. Spongebob Squ-
arepants birtist í fyrsta sinn í sjón-
varpinu og Sameinuðu þjóðirnar
útnefndu árið sem ár eldri borg-
ara. Mestu máli skipti ef til vill að
í nóvember voru lög sem bönnuðu
bönkum að stunda áhættufjárfest-
ingar afnumin í Bandaríkjunum.
Hamfarirnar komu síðar.
Sagan endurtekur sig
Árið 1999 kom og fór. Og kom síð-
an aftur. Rétt eins og þá situr nú
stjórn við völd sem hefur tek-
ið að sér það hlutverk að einka-
væða bankakerfið. Nú eins og þá
er einkavæðingin afar umdeild,
en fer fram fyrir því. Nú eins og þá
eru umfangsmikil virkjanaáform á
borðinu, sem margir gagnrýna en
virðast ekki fá rönd við reist. Nú
eins og þá hafa margir áhyggjur af
fákeppni, en engin samkeppnislög
virðast vera til staðar. Og nú sem
þá mæna menn á evruna en hrista
samt hausinn.
Breski blaðamaðurinn Richard
Boyes, höfundur bókarinnar Melt-
down Iceland, sagði að Ísland hefði
aðeins misst tíu ár. Líklega er það
rétt hjá honum. Efnahagur Íslands
hrundi ekki, heldur færðist aftur
um tíu ár eða svo. Því er undarlega
svipað umhorfs og árið 1999.
Við erum nú stödd við enda-
lok eins góðæris og þurfum að fást
við afleiðingarnar. En líklega erum
við einnig stödd á byrjunarreit
þess næsta. Ríkisstjórnin hefur um
margt staðið sig ágætlega í efna-
hagsuppbyggingunni sem miðar
rólega áfram, en engar raunveru-
legar breytingar hafa orðið á valda-
kerfi landsins.
Tímaskekkjan endurtekur sig
Ég ræddi um daginn við mann í
ferðaþjónustunni sem segir að
fjölskyldufrí hafi nánast lagst af,
en að jafnmikið sé um golfferðir
til útlanda nú og áður. Venjulegt
fólk lætur af öllum munaði, en þeir
sem áttu pening áður eiga hann
enn, þeir berast bara aðeins minna
á. Líklega er ekki langt þar til þeir
stíga fram í sviðsljósið á ný. Lausn
Icesave-deilunnar færist nær og
krónan styrkist örlítið. Hægt og
rólega er fólk að jafna sig á þynn-
kunni og farið að líta í átt að bar-
skápnum á ný.
Árið 1997 gaf rithöfundurinn
Kurt Vonnegut út bókina Time-
quake. Fjallar hún um atburð sem
verður árið 2001 og leiðir til þess
að heimurinn verður að endur-
taka síðustu 10 árin lið fyrir lið,
þar sem enginn hefur frjálsan vilja.
Fólk þarf að gera öll sömu mistökin
og ganga í gegnum alla atburðina
aftur án þess að fá rönd við reist,
hvort sem það er að horfa á for-
eldra sína deyja eða keyra drukkið
og valda slysum. Um leið og tíminn
hrekkur aftur af stað leggjast svo
allir í þunglyndi.
Vonnegut hafði aðeins rangt
fyrir sér með tímasetningarnar.
1999 er hafið á ný. Sjáumst aftur
haustið 2008.
Partí eins og það væri 1999
KJALLARI
Reykjavíkurborg var valin af bandaríska
ferðatímaritinu Business Traveler besta
borg heims til að skella sér í sund í.
STEINÞÓR EINARSSON er skrifstofu-
stjóri íþróttasviðs hjá Reykjavíkurborg
og yfir sundlaugum borgarinnar.
FER SJÁLFUR
Í LAUGARDALSLAUG
Hver er maðurinn? „Steinþór Einarsson.“
Hvað drífur þig áfram? „Að njóta lífsins.“
Hvar ertu uppalinn? „Á Stokkseyri, flutti
í bæinn til að fara í skóla fimmtán ára.“
Hvar vildir þú helst búa ef ekki á
Íslandi? „Ætli ég myndi ekki vilja búa
einhvers staðar sunnarlega, nálægt
golfvelli.“
Hvað eldaðir þú síðast? „Ég eldaði
kálfafillet sem var svakalega gott.“
Hvert fórstu síðast í frí? „Heyrðu, ég fór í
október suður á Spán að spila golf.“
Hvað þýða svona viðurkenningar
fyrir sundlaugar Reykjavíkur? „Við
fáum ógrynni af erlendum ferðamönnum
í laugarnar þannig að við sjáum þetta
sem tækifæri til að nýta okkur, ekki bara
gagnvart útlendingum heldur einnig
Íslendingum. Það fer gífurlegur fjöldi í
sund, á síðasta ári fengum við 1.833.000
gesti sem var 12 prósenta aukning á milli
ára.“
Eru sundlaugarnar okkar í heims-
klassa? „Sundlaugarnar okkar eru mjög
góðar. Það sem útlendingarnir dást að eru
útilaugarnar sem við höldum í rúmum 29
gráðum allt árið um kring. Við erum líka
með opið 364 daga á ári. Svo er opnun-
artíminn frá 6:30-22:30 alla daga. Svona
þjónusta er ekki víða.“
Hefur aðsókn ferðamanna aukist
í sund á síðustu árum? „Já, rosalega
mikið og við finnum líka fyrir því á öðrum
tímum en sumrin. Sund er afþreying sem
ferðamönnum líkar og það kostar ekki
nema tvær evrur í sund. Þetta þekkja
menn ekki.“
Hvað er það sem gerir laugarnar
okkar svona góðar? „Heita vatnið
og sérstaklega hreinlætið, það er ekki
sjálfgefið.“
Hvar ferð þú sjálfur í sund?
„Ég fer nú oftast í Laugardalinn en allar
hafa sundlaugarnar sinn sjarma.“
Eru útlendingar farnir að fatta að það
þarf að þvo sér áður en gengið er til
laugar?
„Já, en gagnvart sumum þarf að ganga
hart eftir því.“
MAÐUR DAGSINS
ÁTTUÐ ÞIÐ ERFITT MEÐ AÐ KOMAST LEIÐAR YKKAR ÚT AF FÆRÐINNI Í REYKJAVÍK Á FIMMTUDAG?
„Ég og systir mín festumst á bílnum
hennar á leiðinni í skólann. Ég mætti því
aðeins of seint.“
ÁSHILDUR M. GUÐBRANDSDÓTTIR 17
ÁRA NEMI Í MENNTASKÓLANUM VIÐ SUND.
„Já, ég mætti næstum því of seint í
skólann því við vorum svo lengi á
leiðinni úr Árbænum.“
HEIÐDÍS ARNA PÉTURSDÓTTIR 16
ÁRA NEMI Í MENNTASKÓLANUM VIÐ SUND
„Nei, ég náði að mæta í skólann á
réttum tíma. Annars er erfitt að fara út
og fá sér að borða þegar það er svona
mikill snjór.“
ÁSDÍS EIR GUÐMUNDSDÓTTIR 16
ÁRA NEMI Í MENNTASKÓLANUM VIÐ SUND
„Já, mér seinkaði á leiðinni í skólann.“
TELMA JÓHANNSDÓTTIR 16 ÁRA NEMI
Í MENNTASKÓLANUM VIÐ SUND
„Já, ég var lengur á leiðinni í skólann en
venjulega og mætti of seint. En það
skipti ekki máli þar sem kennarinn
mætti líka of seint og á eftir mér.“
RAKEL HALLDÓRSDÓTTIR 16 ÁRA NEMI
Í MENNTASKÓLANUM VIÐ SUND
DÓMSTÓLL GÖTUNNAR
VALUR GUNNARSSON
rithöfundur skrifar
„Two thousand
zero zero party
over, oops out of
time/ So tonight
I’m gonna party like
it’s 1999.“