Dagblaðið Vísir - DV - 26.02.2010, Blaðsíða 46

F Ö S T U DAG U R 26 . FEB R ÚAR 201046
Röndótt strípuhár,
bólur og hárgel
á fermingardaginn
Með röndótt strípuhár
n „Ég var í beislitaðri flauelsdrakt úr Mangó,
með röndótt strípuhárið sett upp í snún-
inga,“ segir Alexandra Helga Ívarsdóttir,
fyrrverandi fegurðardrottning Íslands, þegar
hún er spurð út í fermingardaginn. Alex-
andra Helga fermdist í Grafarvogskirkju árið
2003 og man vel eftir deginum.
„Þetta var ofsalega skemmtilegt, enda
eitthvað sem maður gerir aðeins einu sinni.
Ég var búin að hlakka mikið til og var mjög
ánægð með daginn, enda fékk ég fullt af
gjöfum og peningum og meðal annars
myndbandsupptökuvél frá mömmu og
pabba og DVD-spilara,“ segir Alexandra
Helga sem er ágætlega ánægð með ferm-
ingarmyndina sína. „Ég hefði samt alveg
mátt mála mig aðeins meira,“ segir hún
hlæjandi.
Fermdist vegna
peninganna
n „Ég man mjög vel eftir þessum degi og
man sérstaklega eftir að hafa staðið fremst-
ur í kirkjunni því ég var minnstur í bekkn-
um,“ segir söngvarinn Friðrik Ómar sem
fermdist í Dalvíkurkirkju. „Veislan fór fram
í Freyjulundi sem er gamalt leikhús og þar
sem ég fór ekki í hina hefðbundnu ferm-
ingarmyndatöku var ég myndaður þar fyrir
framan gamla sviðsmynd úr Skugga Baldri,“
segir Friðrik Ómar og bætir við að hann hafi
greinilega verið afar barnalegur á þessum
aldri.
„Þetta er ferlega hallærisleg mynd og
sérstaklega með þessa sviðsmynd þarna
á bak við en hún er kannski svolítið
lýsandi fyrir það sem á eftir kom. Það
hefði verið gaman að fara í alvöru-
myndatöku en það var ekki siður í
minni fjölskyldu, enda er þetta ferlegur
aldur. Á fermingaraldrinum eru flestir
með bólur og óvissir um sína stöðu því
þarna er maður hvorki krakki né full-
orðinn.“
Friðrik Ómar segist hafa fengið hell-
ing af peningum í fermingargjöf. „Pen-
ingarnir voru aðalásetningurinn með
þessari fermingu. Mig vantaði peninga
til að kaupa mér trommusett og gat
keypt það fyrir fermingarpeningana.“
Rakaði sig þrisvar
n „Ég var svakalegur töffari, vatnsgreiddur með hálft kíló af geli
í hárinu og hafði rakað mig þrisvar yfir daginn svo þetta væri nú
almennilega gert,“ segir líkamsræktarkóngurinn Arnar Grant
og bætir við að hann hafi alfarið stjórnað útliti sínu á fermingar-
daginn. „Ég byrjaði snemma að hafa áhuga á útlitinu og hvorki
mamma né einhver annar mátti skipta sér af þessu. Ég var í hvítri
skyrtu með rauða slaufu og með rauðan linda og verð að segja að
ég er bara ansi stoltur af þessari mynd. Ég var kannski viðkvæm-
ur fyrir henni á unglingsárunum og reyndi að fela hana en í dag
er ég bara ánægður með hana,“ segir Arnar og bætir við að rak-
vélin sem hann hafi fengið í fermingargjöf hafi verið besta gjöfin.
„Ég var ekki kominn með mikið skegg á þessum tíma, var meira
svona loðinn en hafði gaman af því að raka mig.“
Fermingardagurinn er stór dagur í lífi flestra ungmenna og oftast fylgir myndataka í kjölfarið. Helgarblað
DV fékk að kíkja á fermingarmyndir nokkurra hugrakkra þekktra einstaklinga. Flestir voru á einhverjum
tímapunkti viðkvæmir fyrir þessari mynd en hafa komist yfir það og eru stoltir af sér í kirtlinum í dag.
Var ritstjóri Fermingarbarnablaðsins
n „Ég var mjög trúuð á þessum árum
og tók ferminguna alveg rosalega
alvarlega,“ segir leikkonan Helga
Braga Jónsdóttir þegar hún rifjar
upp fermingardaginn sinn. „Dagurinn
var alveg yndislegur og ég man að það
var sól og gaman og öll ættin kom í
svakalega kökuveislu,“ segir Helga og
bætir við að fermingarmynd hennar
sé alls ekki svo slæm. „Sem betur fer
voru öfgarnar ekki miklar þetta árið
og ég sé þegar ég skoða fermingar-
myndir vinkvenna minna hvað ég hef
verið heppin. Í rauninni gæti ég tekið
upp þetta útlit í dag,“ segir hún hlæj-
andi og bætir við að hún hafi látið
blása hárið og plokka augabrúninar
af tilefninu. „Svo setti ég á mig gloss
en málaði mig ekki meira. Fötin voru
ljós skokkur sem ég notaði mikið
næstu sumur, enda frekar klassískur.“
Helga segist hafa verið alvarleg-
ur krakki á þessum tímum sem lýsi
sér best í því að hún hafi verið valin
ritstjóri Fermingabarnablaðsins. „Þar sem
ég var hæst í íslensku í mínum árgangi bauð
presturinn mér þá stöðu sem ég þáði. Ég var
ung og upprennandi leikkona á Akranesi
sem lék helst alvarleg hlutverk og tók hlutina
alvarlega. Ritstýra Fermingarblaðsins hefði
líklega dottið niður dauð ef henni hefði verið
sagt þá hvar hún yrði stödd í dag, sem gam-
anleikkona sem flakkar um og kennir maga-
dans,“ segir Helga Braga, hlæjandi að vanda.
Sætari Alexandra
Helga Ívarsdóttir
er ekki viðkvæm
fyrir fermingar-
myndinni sinni.
Sæt Ungfrú Ísland 2008 leit
svona út á fermingardaginn.
Með pabba og mömmu
Arnar Grant vissi alveg
hvernig hann vildi hafa hlutina
á fermingardaginn og leyfði
engum að skipta sér af útlitinu.
Minnstur í bekknum
Friðrik Ómar man vel eftir
fermingardeginum og þeirri
staðreynd að hann hafi staðið
fremstur af bekkjarfélögum
sínum í kirkjunni þar sem
hann var lægstur af þeim.
Friðrik Ómar Viðurkennir
fúslega að tilgangurinn með
fermingunni hafi verið að
eignast peninga svo hann
gæti keypt sér trommusett.
Trúuð fermingar-
stúlka Helga Braga var
alvarleg fermingarstúlka,
ritstjóri Fermingarbarna-
blaðsins og upprennandi
leikkona á Akranesi.
Ánægð með myndina Helga segist þess
vegna geta klæðst fermingarfötunum í dag.
Hún hafi nefnilega verið það heppin að lenda
á ári þar sem öfgarnar voru litlar sem engar.
Töffari Arnar viður-
kennir að hafa verið það
viðkvæmur fyrir ferming-
armyndinni á unglingsár-
unum að hann hefði helst
viljað láta hana hverfa.