Dagblaðið Vísir - DV - 26.02.2010, Blaðsíða 62

ÓVANALEG EN VINSÆL Chatroulette eða spjallrúllettan,
ný vefsíða sem fór í loftið í nóvember síðastliðnum, hefur hlot-
ið gífurlega aðsókn síðustu vikur og mánuði. Helsta ástæðan
fyrir vinsældunum er myndspjall við algjörlega ókunnugt fólk
en síðan virkar þannig að þegar maður kveikir á vefmyndavél
tölvu sinnar tengist maður sjálfkrafa við einhvern annan ein-
stakling sem hefur farið inn á síðuna og kveikt á sinni mynda-
vél. Val spjallfélagans er algjörlega tilviljanakennt.
TÆKNILEGIR
BÍLAÞJÓFAR
Ræningjagengi víðsvegar um
veröldina hafa nú nýtt sér tæknina á
heldur óvanalegan máta. Það er
ekki óalgengt að flutningabifreiðar
sem flytja verðmætan farm séu
búnar sérstökum GPS-staðsetning-
arsendum en þá er hægt að
staðsetja ökutækið nákvæmlega ef
því hefur verið rænt. Bíræfin
þjófagengi hafa hins vegar séð við
þessu og keypt sérstakan búnað frá
Kína sem „blokkerar“ slíkan
sendibúnað bifreiða og hverfur hún
þá hreinlega af radarnum!
WINDOWS PHONE 7
Microsoft lyfti aðeins hulunni af
nýjustu útgáfu Windows Mobile í
vikunni. Nýja útgáfan hefur breytt
nafn og kallast nú Windows Phone 7.
Gjörbreyting hefur átt sér stað á öllu
viðmóti og útliti kerfisins en enn er
margt á huldu varðandi hvernig
staðið verður að aðlögun forrita
annarra aðila fyrir kerfið. Líkt og
Apple ætlar Microsoft að selja forrit
fyrir kerfið gegnum sérstaka
vefverslun sem hægt er að tengjast
með símanum. Talið er að fyrsti
síminn með nýja stýrikerfinu komi á
markað í haust.
TÍU MILLJARÐAR
LAGA SELDIR
Vinsældir iTunes-verslunarinnar
virðast aldrei ætla að dala en
verslunin náði þeim áfanga á
dögunum að hafa selt tíu milljarða
laga. Verslunin var opnuð árið 2003
og varð stærsta verslun tónlistar á
netinu árið 2008. Söluhæsta lagið frá
upphafi er I Gotta Feeling með Black
Eyed Peas en í öðru sæti er Lady
GaGa með Poker Face
UMSJÓN: PÁLL SVANSSON, palli@dv.is
Sala á snjallsímum er nú orðin jafn-
mikil og á ferðatölvum í heiminum
og er gert ráð fyrir því að á árinu 2012
fari hún fram úr samanlagðri sölu á
heimilis- og ferðatölvum.
Snjallsímar og smátölvur eins og
Apple iPad eru dæmi um þá þróun
sem þegar hefur átt sér stað. Og það
má segja að Apple-fyrirtækið hafi frá
upphafi verið leiðandi í þessari þró-
un, fyrst með tilkomu iPod-spilarans
árið 2001, síðan með iPhone árið
2007 og nú með iPad.
Það forskot sem fyrirtækið hef-
ur haft á aðra tölvu- og vélbúnað-
arframleiðendur hefur nýst því vel.
Vélbúnaðarrisar eins og Hewlett
Packard virðast ekki getað fótað sig
á þessum markaði og markaðsgrein-
endur telja að mörg fyrirtæki í þess-
um geira séu að missa af lestinni.
Brautryðjandi
En hvað er það sem gerir Apple frá-
bugðið öðrum fyrirtækjum í tölvu-
heiminum? Það fyrsta sem kemur
upp í hugann er samhæfing vélbún-
aðar við hugbúnað en Apple er ein-
stakt að því leyti að fyrirtækið hefur
frá fyrstu tíð verið bæði vél- og hug-
búnaðarframleiðandi. Ef við horf-
um til baka kemur í ljós að það var
Apple sem átti stærstan þátt í þróun
gluggakerfisins, notendaviðmóts-
ins sem við búum að enn þann dag
í dag og Microsoft tók síðan upp. Það
var líka Apple sem gerði músina að
ómissandi fylgihlut heimilistölv-
unnar (1983). En það er einnig stað-
festa og áræði sem kemur upp í hug-
ann þegar Apple á í hlut, það voru
til dæmis ófáar efasemdaraddirnar
sem heyrðust þegar hinn fyrsti iPod
leit dagsins ljós.
Framtíðarsýn
Það er fyrst og fremst framtíðar-
sýn Steve Jobs, stofnanda og fram-
kvæmdastjóra Apple, sem hefur gert
vörur fyrirtækisins eins vinsælar og
raun ber vitni. Jobs hefur þann ein-
stæða hæfileika að skynja hvað al-
menningur vill áður en hann gerir
sér grein fyrir því sjálfur. Jobs hefur
einnig lag á því að ráða starfsmenn
sem einnig eru brautryðjendur á
sínu sviði. Þar má fremstan í flokki
nefna Bretann Jonathan Ive, sem
hefur gegnt stöðu yfirmanns iðn-
hönnunarsviðs Apple (Industrial
Design) frá árinu 1997.
Jonathan Ive
Ive er samofinn þeirri velgengni
sem fyrirtækið hefur átt að fagna
en hann er aðalhönnuður iMac,
Powerbook, Macbook, iPod, Ip-
hone og iPad. Hann hefur síðustu
árin safnað á hilluna nánast öll-
um hönnunarverðlaunum sem
veitt eru vestanhafs og tvisvar ver-
ið útnefndur „Áhrifamesti Bretinn
í Bandaríkjunum“, fyrst
árið 2005 af The Sund-
ay Times og síðan árið
2008 af Daily Telegraph.
Það er ekki að undra því
hönnun hans ber dag-
lega fyrir augu okkar í
sjónvarpsþáttum og kvik-
myndum. Þessi hægláti
fyrrum Lundúnabúi, sem er
nánast óþekktur meðal almenn-
ings, hefur með samstarfi sínu
við Steve Jobs orðið einn helsti
áhrifavaldurinn á sviði iðn-
hönnunar síðastliðinn
áratug.
palli@dv.is
62 FÖSTUDAGUR 26. febrúar 2010 HELGARBLAÐ
Nýtt tímabil er hafið í tölvuheiminum, tæknin ferðast nú með þér í sífellt smærri og
meðfærilegri vélbúnaði. Apple virðist standa öðrum fyrirtækjum framar í þessum geira.
Steve Jobs Hefur framtíðar-
sýn sem aðra skortir.
Jonathan Ive Fyrrum
Lundúnabúinn hefur valdið
straumhvörfum í iðnhönnun.
HÖNNUN, ÁRÆÐI
OG FRAMTÍÐARSÝN