Dagblaðið Vísir - DV - 23.04.2010, Blaðsíða 13

FRÉTTIR 23. apríl 2010 FÖSTUDAGUR 13
B: En finnst þér þetta ekki siðlaust?
GA: Staðan er bara sú að menn neyð-
ast til að vinna eftir þessum lögum.
Þeir sem eru að vinna í þessum kerf-
um og stunda þessa sjómennsku í
þessum kerfum, hvort sem það er í
krókakerfinu eða stóra kerfinu – þeir
hafa þessi lög fyrir framan sig og geta
ekkert unnið öðruvísi en lögin eru.
B: Það er þá þitt svar við þessari
spurningu?
GA: Já, það er mitt svar. Svo reyna
menn að breyta því sem þeir geta
breytt og ég haft ákveðnar skoðanir á
því í gegnum árin og hef ekkert breytt
því hvernig ég tel að þessi kerfi eigi að
breytast.
B: Þannig að þér finnst þetta í lagi?
GA: Þetta er náttúrulega ekkert eðli-
legur kostur í sjálfu sér. Mönnum er
bara ekkert boðið upp á neitt annað
umhverfi. Ég flutti strax tillögu þeg-
ar ég kom inn á þing um að minnka
þessa tegundatilfærslu og það var nú
gert. Þarna gátu menn framleitt kvóta
innan kerfisins með því að breyta
sandkola í grálúðu og svo framvegis.
Það var nú ekki gengið lengra þá og
þetta var nú eini markverði árang-
urinn innan kvótakerfisins sem við
náðum fram. Óbeinu áhrifin af okkar
málflutningi í gegnum árin hafa verið
þau að þessi mál hafa þó alltaf verið
til umræðu. Í síðustu alþingiskosning-
um þá tóku fleiri flokkar undir þessa
afstöðu okkar í Frjálslynda flokknum
og ég vænti þess að sú stefna sem rík-
isstjórnin myndaði varðandi sjávarút-
vegsmálin, að hún nái smátt og smátt
fram að ganga. Sérstaklega það að
eignarréttur útgerða á óveiddum fiski
í sjó verði afnuminn – þetta verði bara
nýtingarréttur. Það hefur verið mín
skoðun alla tíð að það hefði aldrei átt
að vera neitt annað en nýtingarréttur
sem hefði þá fylgt veiðikvöð. Málið er
bara einfaldlega að menn hafa ekki
náð því í gegn og ef menn vinna ekki
eftir lögunum þá hefði strákurinn get-
að selt þetta og hætt þessu. Hann hefur
lifað af þessu og þetta er hans atvinna.
Á einhverjum tímapunkti hefði hann
vafalaust getað tekið einhverja pen-
inga út úr þessu því það er hann sem
hefur búið til veiðireynslu í þessu fyrir-
tæki en ekki ég.
B: Ef það hefði verið hagnaður af
fyrirtækinu hefði þér þá þótt í lagi
að fyrirtækið leigði frá sér kvóta?
GA: Ég hef bara aldrei staðið frammi
fyrir því að vera að taka einhvern
hagnað út úr fyrirtækinu. Ég get ekki
sagt syni mínum sem er að reka fyrir-
tækið að hann eigi að vinna einhvern
veginn öðruvísi í lögunum heldur en
allir aðrir sem hann er að keppa við.
Hvernig á hann að fara að því?
B: Það er samt alltaf spurning með
þetta siðferðilega sjónarmið, Guð-
jón?
GA: Já, en ég hef bara mína skoðun og
reyni að vinna að henni innan póli-
tíkurinnar og fá þessum reglum breytt.
Hafi maður ekki afl til þess þá neyðist
maður víst til að fara eftir þeim lögum
sem eru í gildi í landinu. Það er ekki
þar með sagt að manni líki öll lög sem
þjóðfélagið setur en maður gengst þó
undir það að þurfa að fara eftir lýð-
ræðislegum reglum við að reyna að
breyta þeim.
B: En hefði þá ekki verið hreinskiptn-
ara hjá þér að tilkynna það að þú
ættir fyrirtæki sem ætti kvóta sem
væri verið að leigja?
GA: Hef ég nokkurn tíma reynt að fela
það? – Aldrei. Ég hef bara látið það í
hendurnar á þeim manni sem er að
gera þetta út hvernig hann reynir að
vinna í kerfinu eftir þeim löglegu leið-
um sem eru til boða.
B: Þú vissir sem sagt ekki af því að
kvóti væri leigður frá fyrirtækinu?
GA: Jú, ég vissi að hann væri að leigja
frá sér kvóta og að hann væri að leigja
til sín kvóta. En ég hef ekki þurft að
standa í neinum millifærslum með
slíka hluti, enda ekki verið beinn
rekstraraðili félagsins.
B: Vissu félagar þínir í Frjálslynda
flokknum af þessu?
GA: Þeir vissu að ég ætti í útgerð með
syni mínum. Það var alla tíð ljóst og
þetta útgerðarfélag var stofnað löngu
áður en ég gekk í Frjálslynda flokkinn.
B: En vissu þeir af því að fyrirtækið
væri að leigja frá sér kvóta?
GA: Örugglega, vegna þess að í kerfinu
þá ertu bæði að leigja frá þér og leigja
til þín eftir því hvernig þorskígildis-
stuðlarnir eru og hvaða tegundir þú
ert með í samsetningu á afla.
Andstæðingurinn Um ára-
bil hefur Guðjón Arnar talað
mjög gegn kvótakerfinu og
hefur í ræðu og riti gagnrýnt
þá sem leigja frá sér kvóta.
MYND STEFÁN KARLSSON
2 dálkar = 9,9 *10
Loksins komið
Eden
matarstellið
og bláa
sveitastellið
lækkað verð
Opið: má-fö. 12:30 -18:00,
Dalvegi 16a, Rauðu múrsteinshúsunum
Kóp. 201 - S: 517 7727 - www.nora.is
Fyrir bústaðinn og heimilið
OXYTARM
Endurnærir og hreinsar ristilinn
Allir dásama OXYTARM
Í boði eru 60-150 töflu skammtar
DETOX
30days&
Betri apótekin og Maður lifandi www.sologheilsa.is.
Losnið við hættulega kviðfitu og
komið maganum í lag með því að
nota náttúrulyfin Oxytarm og
30 days saman -120 töflu skammtur -