Dagblaðið Vísir - DV - 23.04.2010, Blaðsíða 22

Mótmæli við heimili stjórnmálamanna eru orðin algeng. Forsenda þeirra er sú að rétt sé að
refsa stjórnmálamönnum sem með
vanrækslu og andvaraleysi fram-
kölluðu hrunið. Allt er þetta skiljan-
legt. Eðlilegt er að almennir borg-
arar rísi gegn þjóðníðingum af öllu
tagi. Það sem þó er athyglisvert er
að skoða þann hóp sem kallar eftir
blóði. Meðal þeirra sem mættu fyrir
framan heimili Þorgerðar Katrínar
Gunnarsdóttur, fyrrverandi vara-
formanns Sjálfstæðisflokksins, var
lögmaðurinn Björn Þorri Viktorsson.
Hann er sárreiður eftir að útrásar-
verkefni hans fóru í vaskinn. Sú reiði
er skiljanleg þar sem hann náði aldrei
almennilega að verða útrásarvíking-
ur. Óljóst er þó hvort rekja megi örlög
hans til vanrækslu Þorgerðar eða
þeirrar staðreyndar að hún lifði lúx-
uslífi á kúluláni eiginmannsins.
Meðal öflugustu álitsgjafa þjóðarinnar er Gunnar Smári Egilsson, fyrrver-andi fjölmiðlakóngur.
Gunnar er einn af okkar mögnuð-
ustu útrásarvíkingum.
Hann stofnaði dag-
blöð í Danmörku
og Bandaríkj-
unum eftir að
hafa tvístofn-
að Fréttablaðið. Hann var nánasti
samstarfsmaður Jóns Ásgeirs Jóhann-
essonar og tíður gestur í einkaþotu
hans. Blöðin í Danmörku og í Banda-
ríkjunum fóru á hausinn. Hann sá
það ekki þá en sér það núna að útrás-
arbólan var prumpið eitt og menn
fóru offari. Auðvitað er hann reiður og
sár vegna þess hvernig fór. Og hann
hefur ítrekað bent á sök hinna útrás-
arvíkinganna. En hann mótmælir
ekki við heimili heldur aðeins í fjöl-
miðlum og þá einna helst í útvarps-
þætti bróður síns.
Hannes Hólmsteinn Giss-urarson prófessor og helsti talsmaður frelsis í fjármál-um sást á Austurvelli við
að mótmæla því að samið yrði um
Icesave. Þar var sömuleiðis
Davíð Oddsson, fyrrverandi forsætis-
ráðherra, mættur. Hann er frægastur
fyrir að hafa rétt völdum aðilum ríkis-
bankana sem sigldu í þrot á mettíma.
Davíð og Hannes eru frægir fyrir að
hafa hvatt til þess að menn græddu
á daginn og grilluðu á kvöldin. Þeir
eru sárir vegna þess að vitleysingar til
vinstri ætla að greiða skuldir óreiðu-
manna í útlöndum. Mótmælendur
Íslands eru fjölbreyttur hópur sem
glímir við alls konar raunir. En allir
eiga þeir sameiginlegt að trúa á eigið
sakleysi og sekt annarra.
HINIR VAMMLAUSU „Vetur og
sumar frusu
saman um
nánast allt land. Það veit á
afar gott sumar sam-
kvæmt þjóðtrúnni.“
n Sigurður Þ. Ragnarsson veðurfræðingur
gerir þó samkvæmt kortunum ráð fyrir
venjulegu sumri en hitastig verði lægra en
undanfarin ár. - DV.is
„Það er ekkert svo slæmt
að kyssa froska, það
venst.“
n Sigrún Einarsdóttir, samskiptahugsuður og
stefnumótagúrú, fer yfir málin í pistlinum Ást
eða hrifning. - pressan.is
„Ég held að ég hafi ekki
brotið neinar reglur
sýningarinnar en ég
komst ansi nálægt því.“
n Guðjón Þorsteinn Pálmarsson leikari gafst
upp á dónalegum leikhúsgesti og svaraði í
símann hans þegar hann hringdi. - Fréttablaðið
„Við vorum bara
kallaðir á fund
upp í Efstaleiti og
sagt að þetta
gengi ekki upp.“
n RÚV gat ekki sýnt nýja þætti um Frímann
Gunnarsson en eins og er að verða að vana
bjargaði Stöð 2 íslensku sjónvarpsefni. - Frétta-
blaðið
Segðu satt, Ólafur Ragnar
Ein heiftarlegasta árásin á tjáningar-frelsið frá því góðærið stóð hæst bein-ist nú að forsetanum. Ólafur Ragnar Grímsson sagði sannleikann í viðtali
við BBC um möguleikann á því að eldgos á Ís-
landi hefði enn meiri truflanir í för með sér fyrir
Evrópubúa en þegar er orðið. Steingrímur J. Sig-
fússon fjármálaráðherra gagnrýndi Ólaf Ragn-
ar harðlega fyrir að stuðla að „viðbótaróróa“
og „hræðslu“ með „vangaveltum um mögulegt
Kötlugos“. Í gagnrýni Steingríms og fjölmargra
annarra felst að það þjóni ekki hagsmunum
ferðaþjónustunnar og þar með Íslands að Ólaf-
ur vari við líklegu Kötlugosi í viðtali erlendis.
Ólafur bendir reglulega á ógnir sem steðja að
Íslendingum eða öðrum þjóðum heims. Hann
hefur talað um fæðuöryggi Íslendinga og varað
við því að treyst verði alfarið á innflutning mat-
væla. Hann hefur auk þess oft varað við slæm-
um afleiðingum gróðurhúsaáhrifa fyrir heims-
byggðina, svo eitthvað sé nefnt.
Eldgos á Íslandi er talið hafa verið ein af or-
sökunum fyrir því að franska byltingin varð árið
1789. Gos á Íslandi geta haft mikil áhrif á lífskjör
í Evrópu, þótt sjaldan sé um það rætt. Meira að
segja Almannavarnir Noregs gerðu ekki ráð fyr-
ir þeim möguleika að gos hér gæti truflað flug-
samgöngur þar. Í viðtalinu við BBC sagði Ólafur
Ragnar efnislega að Íslendingar væru vel búnir
undir Kötlugos, en að flugfélög og ríkisstjórnir
þyrftu líka að undirbúa sig. Þetta kemur öllum
í Evrópu við.
Rökin fyrir gagnrýninni á Ólaf Ragnar nú eru
þau sömu og voru notuð gegn gagnrýnendum
bankakerfisins árin 2006, 2007 og 2008; að það
þjóni ekki hagsmunum okkar að tala um þetta.
Viðhorfið um samhenta stýringu umræðunnar
í nafni hagsmuna þjóðarinnar er aftur farið að
ná undirtökum í umræðunni. Í nýlegu viðtali
við DV færði Magnús Scheving, forsprakki Lata-
bæjar, fram þau sjónarmið að blaðamenn ættu
að taka þátt í ímyndarsköpun í þágu íslenskra
hagsmuna: „Ég held því að við Íslendingar ætt-
um aðeins að passa okkur, við ættum að hlúa að
okkar vörumerkjum og okkar bisness. Við þurf-
um á því að halda. Ég held að allir, blaðamenn
og aðrir, þurfi að hjálpast að við það.“
Eitt og hálft ár er síðan Íslendingar lentu í
allsherjar efnahagshruni. Það var varð flest-
um algerlega að óvörum vegna þess að það
hafði verið talið andstætt hagsmunum Ís-
lands að benda á hættur sem fylgdu banka-
kerfinu hér. Það er óumdeilt og meðal ann-
ars fjallað um það í rannsóknarskýrslunni
um bankahrunið að höft á tjáningarfrelsinu
og skortur á opinni og gagnrýnni umræðu
voru ein af lykilorsökum efnahagshrunsins.
Í góðærinu mátti ekki „tala niður efnahags-
lífið“. Nú má ekki tala niður Ísland sem ferða-
mannastað.
Ef forsetinn hefði verið svo farsæll að vara
við hættunum vegna bankanna árið 2007
hefði hann fengið yfir sig sams konar gagn-
rýni og nú. Einu og hálfu ári eftir hrun erum
við aftur farin að láta frumreglur víkja fyrir
ímyndarherferðum og almannatengslum.
Mesta ógnin við langtímahagsmuni okkar
er ekki Kötlugos, heldur vanþroskaður skiln-
ingur á grundvallaratriðum eins og mál-
frelsinu og ofuráhersla á samþjóðernislega
ímyndarsköpun sem gerir sannleikann refsi-
verðan.
JÓN TRAUSTI REYNISSON RITSTJÓRI SKRIFAR. Einu og hálfu ári eftir hrun erum við aftur farin að láta frumreglur víkja fyrir ímyndarherferðum og almannatengslum
22 FÖSTUDAGUR 23. apríl 2010 UMRÆÐA
SANDKORN
LYNGHÁLS 5, 110 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
FRAMKVÆMDASTJÓRI:
Bogi Örn Emilsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
VEIKUR HLEKKUR
n Menn velta fyrir sér ástæðum þess
að mótmælt er dag eftir dag við heim-
ili Steinunnar Valdísar Óskarsdóttur.
Krafist er afsagn-
ar Steinunnar
vegna styrkja sem
hún hefur hlot-
ið undanfarn-
ar kosningar frá
Baugi, Lands-
bankanum og
fleirum. Stein-
unn er þó alls
ekki á efsta tindi
styrkjafólksins þar sem Guðlaugur
Þór Þórðarson á líklega Íslandsmet.
Mótmælendur, með hinn umdeilda
lögmann Björn Þorra Viktorsson í
fararbroddi, eru sagðir líta þannig á
að best sé að ráðast á veikasta hlekk-
inn þar til hann brestur en elta síðan
aðra styrkþega uppi.
BÓFAR LÍFEYRIS-
SJÓÐANNA
n Eitt best varðveitta leyndarmál fjár-
málaheimsins er sukk stjórnenda líf-
eyrissjóðanna sem sumir létu blekkja
sig í sukkferðum
erlendis og inn-
anlands til þess
að fjárfesta í rugli.
Jónas Kristjáns-
son, fyrrverandi
ritstjóri, fjallar
um málið á bloggi
sínu: „Landsins
mestu silkihúfur
voru á haugafylleríi lífeyrissjóða með
landsins mestu bófum. Þar á meðal
grátkarlarnir Vilhjálmur Egilsson
atvinnurekenda og Friðrik Arngríms-
son kvótakónga. Vilhjálmur er aum-
ur og kallar sukk sitt „hjarðhegðun“.
Fékk samt milljónir á milljónir ofan
til að gæta hagsmuna lífeyrisþega.“
JÓN ÁSGEIR BLANKUR
n Iðrun Jóns Ásgeirs Jóhannesson-
ar braust út með afgerandi hætti í
Fréttablaðinu í gær. Fjallað var um
málið á DV.is og
voru viðbrögð
lesenda blendin.
Meðal þess sem
athyglisvert var
í yfirlýsingunni
var að Jón Ás-
geir sagðist ekki
eiga fjármuni á
aflandseyjum.
Tæknilega séð á enginn fjármuni á
Tortóla eða í öðrum slíkum afkimum.
Þar eru einungis skráð félög, pen-
ingarnir eru annars staðar svo sem í
Lúxemborg.
LÖGMAÐUR
GLITNISMANNA
n Sá sem ver Jón Ásgeir Jóhannes-
son, Lárus Welding og Pálma Har-
aldsson í máli skilanefndar Glitn-
is gegn þeim heitir Hörður Felix
Harðarson og
er meðeigandi á
lögmannsstof-
unni Mörk-
inni. Hörður var
framkvæmda-
stjóri Glitnis fyrir
bankahrun. Rætt
er við Hörð Felix
um yfirtökuna
á Glitni í skýrslu rannsóknarnefnd-
ar Alþingis og er vitnisburður hans
lykilatriði í henni. Hörður Felix virðist
því ætla að halda trú við fyrrverandi
vinnuveitendur sína fram yfir hrunið.
LEIÐARI
SVARTHÖFÐI
BÓKSTAFLEGA
Há dú jú læk Æsland?
Jæja, þá er komið að því að skápa-
fólkinu er ekki lengur vært í myrk-
um skúmaskotum. Þotuliðið,
bankaafæturnar, kúlulánahyskið,
krosstenglarnir og útrásarmógúl-
arnir eru nú að skríða úr fylgsnum
sínum og játa á sig smávægileg mis-
tök. Einn ofurlánaþeginn stígur til
hliðar og annar mætir á staðinn.
Núna er okkur sagt að mikill munur
sé á slóttugu þjófabraski hjá Exista
og því sem viðgekkst hjá Kaupþingi.
Okkur er samviskusamlega tjáð að
glæpir stjórnmálamanna hafi flest-
ir verið unnir í þágu æðstu dyggða.
Helmingaskiptaveldi Framsóknar-
flokks og Sjálfstæðisflokks afsakar
sig með því að benda á að samfylk-
ingarfólk hefði svosem mátt vita af
öllum þeim glæpum sem dilliboss-
ar stjórnsýslunnar fylgdust með,
tóku þátt í en tilkynntu ekki. Menn
leggjast meira segja svo lágt að
halda því fram að eftirlitsstofnanir
hafi verið of fáliðaðar til að takast
á við rannsóknir alvarlegra glæpa.
En akkúrat nógu mannmargar til að
líta undan.
Auðvitað þarf að skoða hvern
einasta glæp, auðvitað þarf að kyrr-
setja eigur þeirra sem fóru illa með
fjármuni þjóðarinnar, auðvitað þarf
að rifta málamyndagjörningum,
auðvitað þarf að koma í veg fyrir
það að sagan endurtaki sig og auð-
vitað þarf að refsa mönnum, með
viðeigandi hætti.
Í dag blasir það fyrst og fremst
við okkur sem þjóð, að við áttum
okkur á veikleikunum – gerum okk-
ur grein fyrir því hversu húsbónda-
holl og tilbúin til fylgilags við ráða-
menn og ríka bubba við erum.
Við þurfum að átta okkur á því að
stjórnmálamenn og ríkir kappar eru
ekki guðir, ekki hálfguðir og reyndar
ekkert merkilegri en rollurnar sem
bændur neyddu til ofbeitar hér í
eina tíð.
Jafnvel þótt eldgos hrelli okk-
ur og jafnvel þótt skaðinn sé skeð-
ur þá hlusta ég ekki á þá bábilju að
núna sé kominn tími til að hætta að
horfa á það sem gerðist – en þess í
stað sé það framtíð lands og þjóðar
sem í forgrunni skuli vera. Forset-
inn má tala um Kötlugos og hann
má líka játa það að hann var ein af
grúppíum útrásarinnar. Og jafnvel
þótt gráðugir ferðamálafrömuðir
grenji úr sér lifur og lungu yfir þeirri
vá sem því fylgir að búa á Íslandi, þá
tala staðreyndirnar sínu máli: Á eld-
fjallaeyju, nyrst á hjara veraldar býr
þjóð sem erft hefur eitt og annað frá
norskum skattsvikurum og írskum
þrælum.
Bí lív itt or nott!
Með Frónbúans hagkerfi fátt verður keypt,
það féll eftir banvæna sýki
og öskunni verður nú duglega dreift
á dásamleg Evrópuríki.
KRISTJÁN HREINSSON
skáld skrifar
„Forsetinn má tala
um Kötlugos og hann
má líka játa það að
hann var ein af grúpp-
íum útrásarinnar.“
SKÁLDIÐ SKRIFAR