Dagblaðið Vísir - DV - 30.03.2012, Blaðsíða 2

Hjólandi nornir
á norðurlandi
2 Fréttir 30. mars–1. apríl 2012 Helgarblað
Vinurinn keypti
bréf í bankanum
Finnsk-
ur vinur
og viðskipta-
félagi Björg-
ólfs Thors
Björgólfssonar
keypti hluta-
bréf í Lands-
bankanum fyr-
ir 3,8 milljarða
króna þann 3.
október 2008.
Landsbankinn var yfirtekinn af Fjár-
málaeftirlitinu fjórum dögum síðar,
þann 7. október. Þetta kom fram í
DV á mánudag. Finninn heitir Ari
Mika Petteri Salmivuori og keypti
hlutabréfin í gegnum aflandsfélagið
Azalea Resources Limited. Lands-
bankinn fjármagnaði hlutabréfakaup
Finnans í bankanum.
Bubbi réttir úr
kútnum
Tónlistar-
maður-
inn Ásbjörn
Morthens, bet-
ur þekktur sem
Bubbi, keypti
markaðsverð-
bréf fyrir rúm-
lega 160 millj-
ónir króna árið
2007. Sama ár
seldi Bubbi markaðsverðbréf
fyrir rúmlega 100 milljónir króna.
Tap Bubba af hlutabréfaviðskiptum
það árið nam því nærri 60 millj-
ónum króna. Þetta kom fram í DV á
mánudag. Bubbi er ágætlega staddur
í dag og greiddi sér til að mynda 15
milljóna króna arð árið 2010 vegna
rekstrarársins 2009.
Þóra ógnar
Ólafi Ragnari
Þóra
Arnórs-
dóttir, sjón-
varpskona á
RÚV, er talin
einna líklegust
þeirra fram-
bjóðenda
sem nefndir
hafa verið til
sögunnar til
að velgja Ólafi
Ragnari Grímssyni undir uggum. Í
DV á miðvikudag var nærmynd af
Þóru og rætt við nokkra einstaklinga
sem eru henni vel kunnugir. „Hún er
vel menntuð, klár manneskja og með
skýra sýn á alþjóðamál. Svo er hún
öfgalaus og „no bullshit“ gella,“ sagði
samtarfsmaður hennar á RÚV, Helgi
Seljan.
Fréttir vikunnar í DV
1 2 3
Góðhjörtuð stúlka:
Gaf til
Krabbameins-
félagsins
„Ég vissi að það voru aðrir sem
þyrftu meira á þessum pening
að halda en ég,“ segir hin átján
ára Bryndís Hrönn Kristinsdóttir
sem afþakkaði allar gjafir á
afmælisdaginn sinn en bað
þess í stað vini og ættingja að
gefa sér pening sem hún gaf til
Krabbameinsfélagsins.
Bryndís, sem býr í Garðabæ,
safnaði 39 þúsund krónum og
hlaut hún innilegar þakkir frá
Krabbameinsfélaginu í staðinn.
Hún segir aðstandendur sína
hafa tekið vel í þessa hugmynd. „Ég
hefði ekki geta gert þetta án þeirra,“
segir Bryndís í samtali við DV.is
en ástæðuna fyrir því að Krabba-
meinsfélagið varð fyrir valinu segir
hún vera að ein af fyrirmyndum
hennar sé búin að berjast hetjulega
við krabbamein undanfarin ár.
Fyrirmynd Bryndísar heitir
Hilmar Snær og er bróðir einnar
af bestu vinkonum hennar. Hann
greindist með krabbamein í fæti
níu ára að aldri fyrir tveimur árum.
Hvalreki í Beruvík:
Tönnunum
stolið
Líkt og DV greindi frá á
sunnudag rak fullvaxinn búrhval
á land í Beruvík á Snæfellsnesi
um helgina. Hvalrekinn hefur
vakið mikla athygli og fjölmargir
ferðarmenn, innlendir sem
erlendir, lagt leið sína í Beruvík til
að berja hræið augum. Einhverjir
hafa þó gert gott betur en það.
Héraðsfréttamiðillinn
Skessuhorn greindi frá því á
fimmtudag að einhverjir óprúttnir
aðilar hafi tekið sig til og stolið
nær öllum tönnum hvalsins.
Tennurnar munu vera verðmætar
og hægt að selja þær fyrir ágætis
vasapening til réttu aðilanna.
Á bilinu 30 til 60 tennur geta
verið í búrhval og sumar hátt í 30
sentímetra langar með rótinni en
oftast sést aðeins lítill hluti hverrar
tannar.
M
C Nornir er mótorhjóla-
klúbbur á Norðurlandi
sem samanstendur ein-
ungis af konum. Klúbb-
urinn var stofnaður 7.
janúar 2009 og í dag eru um 75 með-
limir í honum. „Ég tók mótorhjóla-
próf árið 2007 og var síðan boðið
að ganga í klúbbinn,“ segir Hrönn
Arnheiður Björnsdóttir, formaður
MC Norna.
Allir velkomnir
Hrönn segir áhuga sinn á mótor-
hjólum vera ástæðuna fyrir að hún
gekk í klúbbinn. Tilgangur klúbbs-
ins er „að koma konum saman og
hafa gaman,“ segir Hrönn.
„Ég hef alltaf haft áhuga á mótor-
hjólum en ég var orðin 36 ára þegar
ég tók prófið. Þessi klúbbur er hugs-
aður sem stuðningur fyrir konur
sem hafa kannski áhugann en hafa
ekki þorað að taka skrefið til fulls,
taka próf og fá sér hjól. Síðan er
þetta hugsað sem félagsskapur fyrir
konur sem eru með próf og hjól til
að koma saman.“
Hrönn segir engin skilyrði önnur
fyrir inngöngu en þau að viðkom-
andi hafi áhuga á mótorhjólum.
„Hinar sem eru ekki komnar með
próf, koma stundum með okkur
í ferðir en eru þá bara á bílum eða
sitja aftan á hjólum hjá öðrum. Það
eru auðvitað allir velkomnir.“
Æfa sig í þrautabrautum
MC Nornir leggja mikið upp úr for-
vörnum og njóta stuðnings öku-
kennara fyrir norðan sem fer
reglulega yfir öryggisatriði með
konunum. „Við höfum notið góðs af
því að Valdimar Þór Viðarsson öku-
kennari hefur komið til okkar á sér-
stökum forvarnardegi og sett upp
þrautabraut sem við getum fengið
að spreyta okkur á og liðkað okkur
aðeins fyrir sumarið. Hann aðstoðar
okkur og segir okkur til ef þess þarf.
Hann hefur einnig verið með okkur
einu sinni í viku í um sex skipti í æf-
ingaakstri og þá förum við í sérstaka
braut og fáum að æfa okkur.“
Bandarískir kvenhjóla-
klúbbar fyrirmyndir
Hrönn segist ekki hafa fundið fyrir
fordómum að undanförnu eftir að
umfjöllun um MC-klúbba á borð
við Hells Angels og Outlaws varð
hávær, en segir jafnframt að sum-
ir klúbbar hafi fett fingur út í það
að þær kalli sig MC-klúbb, en ein-
hverjir vilja meina að það standi fyr-
ir „Mens Club“. „Það er þessi mis-
skilningur um að MC standi fyrir
„Mens Club“, en við höfðum sam-
band við AMA eða American Motor-
cycle Association og þeir sögðu það
að MC stæði bara fyrir „Motorcycle
Club“ eða mótorhjólaklúbb. Það má
segja að við séum búnar að liggja í
heimildavinnu frá 2009. Við vitum
því að það eru margir bandarískir
kvenmótorhjólaklúbbar sem bera
MC í sínu nafni, eru með heilt bak-
merki og borga sín félagsgjöld. Við
teljum þær vera okkar fyrirmyndir.“
Vilja bera heilt bakmerki
MC Nornir bera armmerki á sínum
fatnaði sem er þeirra einkennis-
merki, það er þó hugur í þeim að
taka upp heilt bakmerki. „Við höf-
um hugsað okkur í ár að móta skýr-
ari stefnu í klúbbnum og taka upp
bakmerki, en merki klúbbanna seg-
ir til um hvernig klúbburinn er upp-
byggður. Heilt merki segir til um
að þetta sé selskaps eða fjölskyldu-
klúbbur. Svo eru tveggja búta merki
sem getur staðið fyrir ýmiss konar
uppbyggingu klúbbsins. Loks eru
til þriggja búta merki og það bera
þessir hefðbundnu mótorhjóla-
klúbbar, með ströngu reglunum
og inntökuskilyrðunum.“ Að sögn
Hrannar bera samtök á borð við
Hells Angels einsprósentu merki
ásamt þriggja bútamerki, en þetta
eins prósentu merki merkir að þeir
séu útlagar og skeri sig frá öðrum
mótorhjólaklúbbum. „Þá erum við
komin í það sem misskilningur-
inn liggur í því það eru yfirleitt bara
„Mens Club“.“
n 75 konur mynda MC Nornir n Segjast vel geta kallað sig MC-klúbb
„Það er þessi mis-
skilningur að MC
standi fyrir „Mens Club“.
Hanna Ólafsdóttir
blaðamaður skrifar hanna@dv.is
Hluti af MC Nornum
MC Nornir er mótorhjólaklúbbur
á Norðurlandi sem saman-
stendur eingöngu af konum.