Dagblaðið Vísir - DV - 30.03.2012, Blaðsíða 12

12 Fréttir 30. mars–1. apríl 2012 Helgarblað
Sagði vinkonum frá ofbeldinu
n Faðir dæmdur fyrir að misnota tíu ára dóttur sína
H
éraðsdómur Vesturlands hef­
ur dæmt karlmann í fjögurra
ára fangelsi fyrir kynferðis­
brot gegn dóttur sinni. Þá var
honum gert að greiða stúlkunni 1,2
milljónir króna í miskabætur. Brot
mannsins voru svívirðileg og í niður­
stöðu dómsins segir að hann eigi sér
engar málsbætur.
Brotin voru framin á tímabilinu
frá maí til júlí árið 2011 þegar stúlkan
var tíu ára. Samkvæmt ákæru neyddi
maðurinn stúlkuna meðal annars
til munnmaka, þuklaði á henni og
reyndi að hafa við hana endaþarms­
mök. Brotin voru afar gróf og endur­
tekin og hefur stúlkan sýnt einkenni
áfallastreituröskunar og kvíða. Mað­
urinn hefur sætt gæsluvarðhaldi frá
1. desember síðastliðnum vegna
málsins en hann var meðal annars
úrskurðaður í gæsluvarðhald á þeim
forsendum að það myndi særa rétt­
arvitund almennings og valda al­
mennri hneykslan í samfélaginu að
hann gengi laus meðan máli hans
væri ólokið.
Í dómnum kemur fram að stúlkan
hafi sagt vinkonum frá atvikun­
um, sem greint er frá að framan, í
nóvember síðastliðnum. Hún hefði
sagt þeim „leyndarmál um að pabbi
hennar hefði verið ógeðslegur við
hana“ og sagðist hafa gert það í von
um að þær myndu hjálpa henni. Svo
fór að skólayfirvöld fréttu af málinu
og hófst þá rannsókn málsins hjá
lögreglu. Maðurinn neitaði staðfast­
lega sök fyrir dómi en framburður
stúlkunnar þótti skýr og trúverðugur.
Þótti þannig vera komin fram full­
nægjandi sönnun þess að faðir stúlk­
unnar hefði gerst brotlegur gagn­
vart stúlkunni svo sem greint var frá
í ákæru. Auk þess að sæta fangelsi í
fjögur ár og til greiðslu miskabóta til
dóttur sinnar var manninum einn­
ig gert að greiða allan sakarkostn­
að, samtals að fjárhæð um þrjár
milljónir króna.
D
ómur í einu óhugnanlegasta
sakamáli síðari tíma á Ís­
landi var kveðinn upp í Hér­
aðsdómi Reykjavíkur síðast­
liðinn miðvikudag. Þar hlaut
Agné Krataviciuté tveggja ára óskil­
orðsbundinn fangelsisdóm fyrir að
deyða barn sitt og koma því fyrir í
ruslageymslu. Til frádráttar kemur
gæsluvarðhaldsvist sem Agné sætti
eftir að málið kom upp. Henni var
einnig gert að greiða barnsföður sín­
um 600.000 krónur í miskabætur.
Fangelsisrefsing komi að gagni
Það var niðurstaða dómsins að
Agné hafi deytt barnið undir eins
og það var fætt í veikluðu eða rugl­
uðu hugar ástandi sem hún komst
í við fæðinguna og að brot hennar
varðaði við 212. gr. almennra hegn­
ingarlaga, en ekki við 211. grein eins
og saksóknari fór fram á. Dómurinn
mat það sem svo að ekki geti komið
til þess að skilorðsbinda dóminn þar
sem brotið sé mjög alvarlegt, en þeir
töldu einnig að fangelsisrefsing gæti
komið Agné að gagni við að takast á
við afleiðingar verknaðarins.
Í málinu voru tveir sérfróðir með­
dómendur, geðlæknir og kvensjúk­
dómalæknir, kvaddir til. Að þeirra
mati getur það staðist að Agné hafi
ekki fundið merki þess að hún væri
barnshafandi. Það sé vel þekkt að
konur fæði börn án þess að hafa gert
sér grein fyrir að þær gengju með
barn.
Fæddi barnið sennilega
ofan í klósett
Dómurinn taldi að framburður
Agné og fyrrverandi tengdamóður
hennar, sem hún bjó hjá þegar at­
burðurinn átti sér stað, bendi til
þess að Agné hafi haft hríðir nótt­
ina áður en barnið fannst látið.
Einnig sé mjög líklegt að hún hafi
misst legvatn þá sömu nótt, en í
herbergi hennar fannst blautt og
illa lyktandi koddaver en líklegt sé
að lyktin hafi stafað af legvatninu.
Samkvæmt framburði Agné var
hún ein í stutta stund inni á hótel­
herbergi á Hótel Fróni þar sem hún
vann og bar að hún hefði þá fund­
ið fyrir miklum svima. Hún kvaðst
hafa sest á klósettið og eitthvað hafi
runnið úr henni. Hún hefði séð að
það var blóð. Það er álit meðdóm­
enda að það hafi verið þá sem Agné
fæddi barnið.
Fæðingin olli
skelfingarviðbrögðum
Niðurstaða dómsins er sú að Agné
hafi kyrkt barnið mjög skömmu
eftir fæðinguna, enda komi eng­
inn annar til greina sem gæti hafa
framið verknaðinn. Varðandi
skurð áverkana tvo telja meðdóm­
endur að langlíklegast sé að Agné
hafi skorið í munnvik barnsins þeg­
ar hún skar í sundur naflastreng­
inn, en hann bar þess merki að hafa
verið skorinn í sundur. Þeir kom­
ust einnig að þeirri niðurstöðu að
Agné hafi verið algjörlega ómeðvit­
uð um þungunina og nær öruggt að
fæðingin hafi komið henni í opna
skjöldu. Fæðingin, sem var óund­
irbúin og án aðstoðar, hefur að
öllum líkindum valdið skelfingar­
viðbrögðum með tímabundnu
minnisleysi eða hugrofi eins þekkt
er úr áfallasálfræði en hvort slíkt
minnis leysi hafi verið algert eða
staðið meðan Agné kom líkinu fyrir
sé ómögulegt að meta.
Fangelsi komi
agné að gagni
„Þeir töldu einnig
að fangelsisrefs-
ing gæti komið Agné að
gagni við að takast á við
afleiðingar verknaðarins.
n Agné Krataviciuté dæmd í tveggja ára fangelsi í héraðsdómi
Hanna Ólafsdóttir
blaðamaður skrifar hanna@dv.is
Niðurstaða dómsins Það var niðurstaða dómsins að Agné Krataviciuté hafi deytt barnið
strax eftir fæðingu í veikluðu eða rugluðu hugarástandi sem hún komst í við fæðinguna.
Skýr framburður Framburður stúlkunnar þótti mjög trúverðugur en faðir hennar neitaði
staðfastlega sök. Myndin er sviðsett.
Al-Thani málið í héraðsdómi:
„Ég lýsi mig
saklausan“
„Ég lýsi mig saklausan af öllum
ákæruliðum,“ sagði Hreiðar Már
Sigurðsson, fyrrverandi forstjóri
Kaupþings, þegar ákæra sérstaks
saksóknara í al­Thani málinu
svokallaða á hendur honum var
þingfest í Héraðsdómi Reykjavík­
ur í gær.
Einnig voru þingfestar ákærur
yfir Magnúsi Guðmundssyni, fyrr­
verandi bankastjóra Kaupþings
í Lúxemborg, og Ólafi Ólafssyni,
fyrrverandi aðaleiganda bank­
ans. Þeir lýstu einnig yfir sakleysi
sínu. Þremenningarnir mættu ekki
þegar þingfesting í málinu átti að
fara fram þann 16. mars en þá lýsti
Sigurður Einarsson, fyrrverandi
stjórnarformanni Kaupþings, yfir
sakleysi sínu.
Borgarbúar
slökkvi ljósin
Reykjavíkurborg hvetur borgar­
búa, fyrirtæki og stofnanir til að
taka þátt í alþjóðlegum viðburði
næsta laugardagskvöld með því
að kveikja ekki rafmagnsljósin
og slökkva þau sem kveikt voru.
Hjá Reykjavíkurborg verður ekki
kveikt á götuljósum í miðborg­
inni og hvetur borgin fyrirtæki
og stofnanir á svæðinu til að
draga úr lýsingu. Fer þessi við­
burður fram frá klukkan 20.30
á laugardagskvöld til klukkan
21.30 sama kvöld.
Í tilkynningu frá Reykjavík­
urborg kemur fram að borgir í
135 löndum taki þátt í þessum
viðburði og slökkva milljónir
manna ljósin þennan klukku­
tíma. „Hér er um magnaða
stund að ræða þar sem byggðir
heims sýna einstaka samstöðu
í verki. Kjörið er að kveikja á
kertum á heimilum og ræða við
börnin um að margar hendur
geti unnið létt verk í umhverfis­
málum. Jarðarstundin er sögð
eitt fjölmennasta samstillta
einstaklingsframtak í umhverf­
ismálum sem á sér stað árlega.
Meðal þess sem einstaklingur­
inn getur gert til að hafa áhrif
er að spara vatnsnotkun, halda
orkuneyslu í lágmarki, endur­
nýta umbúðir, hvíla bílinn,
henda ekki rusli á götum úti
og flokka sorp svo eitthvað sé
nefnt. Einnig er kjörið að hugsa
um samhengið í umhverfis­
málum, því sóun á öllum svið­
um hefur slæm áhrif,“ segir í til­
kynningunni.
Undirskrifta-
söfnun hafin
Nokkur hundruð einstakling­
ar hafa skrifað undir áskorun á
hendur Herdísi Þorgeirsdóttur
lögfræðingi að bjóða sig fram til
embættis forseta Íslands. Herdís
hefur verið á meðal þeirra sem
helst hafa verið orðaðir við fram­
boð til embættisins. Hún hefur
ekki þvertekið fyrir framboð og
hefur sagt að hún sé að meta hvort
hún hafi nægan stuðning í emb­
ættið. Margir hafa skorað á Herdísi
að bjóða sig fram til embættisins á
samskiptasíðunni Facebook.