Dagblaðið Vísir - DV - 30.03.2012, Blaðsíða 46

46 Úttekt 30. mars–1. apríl 2012 Helgarblað
n Fjögurra manna dómnefnd valdi besta páskaeggið n 13 egg voru smökkuð og metin
Fjöreggið frá Freyju best
F
jöregg frá Freyju þykir besta
páskaeggið í ár samkvæmt
niðurstöðu dómnefndar í ár-
legri páskaeggjasmökkun DV.
Eggið, sem er mjólkurlaust,
fékk 3,75 stjörnur að meðaltali af
fimm stjörnum mögulegum. Kara-
mellukurlið frá Nóa Síríus er næst í
röðinni en þriðja sætið verma Súkk-
ulaðiperlur og Lakkrísegg, bæði frá
Nóa Síríus.
Dómnefnd að þessu sinni skipuðu
þau Nanna Rögnvaldsdóttir ritstjóri,
Axel Þorsteinsson, bakari og kondi-
tori, Ágúst Valves Jóhannesson mat-
reiðslumaður og Sigurlaug Margrét
Jónasdóttir útvarpskona.
Þrettán egg smökkuð
DV hafði samband við þrjá helstu
framleiðendur páskaeggja á Íslandi;
Góu, Freyju og Nóa Síríus og fékk
send þau páskaegg sem fyrirtækin
framleiða. Framleiðendurnir tóku
allir vel í það og fékk DV þrjú egg frá
Góu, sjö frá Nóa Síríusi og þrjú frá
Freyju.
Könnunin var þannig framkvæmd
að eggin voru hvert af öðru brotin
í númeraðar skálar sem síðan voru
bornar í herbergi þar sem dómararn-
ir höfðu komið sér fyrir. Þeir fengu
ekki að vita frá hvaða framleiðanda
hvert og eitt egg var komið, né heldur
fengu þeir að sjá skraut, sælgæti eða
annað það sem eggjunum fylgdi.
Dómararnir voru beðnir að gefa
eggjunum stjörnur frá 0 til 5 auk
þess sem þeir voru hvattir til að gefa
hverju eggi stutta umsögn.
Kaffi- og chili-egg
Dómnefndin varð að einhverju leyti
fyrir vonbrigðum með páskaeggin
í ár og sumum fannst þau of sæt á
meðan aðrir voru ánægðir með að
hafa sælgæti í súkkulaðinu. Þau voru
þó sammála um að sum eggjanna
myndu höfða betur til barna og önn-
ur til fullorðinna. Þá séu fullorðnir
yfirleitt hrifnari af dökku súkkulaði.
Aðspurð hvernig hið fullkomna
páskaegg eigi að vera sagði Ágúst að
hann vilji mjólkursúkkulaði sem sé
með fullt af nammi í en hann vilji síð-
ur það dökka. Sigurlaug sagðist búa
sjálf til páskaegg fyrir fjölskylduna en
hún kaupi þó egg fyrir börnin. Hún
nefndi einnig að hún mundi vilja sjá
fyllta botna á eggjunum eins og var í
gamla daga og hinir tóku undir það.
Þar sem dómnefndin ræddi sam-
an um draumapáskaegg komu fram
þær hugmyndir að framleiða ætti
kaffipáskaegg og egg úr dökku súkk-
ulaði með chili-bragði. Þau sögðu að
það mundi örugglega vekja lukku og
er því hér með komið á framfæri til
framleiðenda.
Gunnhildur Steinarsdóttir
blaðamaður skrifar gunnhildur@dv.is
„Dómnefndin varð
að einhverju leyti
fyrir vonbrigðum með
páskaeggin í ár og sum-
um fannst þau of sæt á
meðan aðrir voru ánægð-
ir með að hafa sælgæti í
súkkulaðinu.
Fjöregg án
mjólkur frá Freyju
Axel: Ágætis dökkt súkkulaði, væri til í
að hafa það dekkra.
Nanna: Suðusúkkulaði, sem er bara
allt í lagi.
Sigurlaug: Hér er súkkulaðibragð,
væri allt í lagi að læðast í það, sér í lagi
ef það er geymt í ísskáp. Besta dökka
súkkulaðið.
Ágúst: Dökkt en milt. Gott með kaffinu.
1 Karamellukurl
frá Nóa
Axel: Karamellusúkkulaði sem kom á
óvart.
Nanna: Karamellan bætir aðeins upp
bragðleysi súkkulaðisins.
Sigurlaug: Góð karamella.
Ágúst: Karamellusúkkulaði með
karamellusprengjum, ekkert smá gott!
2 Nóa lakkrísegg
Axel: Besta lakkríspáskaeggið.
Nanna: Bragðlítið – eða þangað til að
lakkrísinn kikkar inn. Mætti vera meiri
lakkrís.
Sigurlaug: Aðeins bragðlaust súkku­
laði, vantar karakter en lakkrísinn góður.
Ágúst: Langbesta lakkríspáskaeggið.
Súkkulaðiperlur
frá Nóa
Axel: Alvöru páskaegg fyrir krakkana.
Nanna: Barnvænt.
Sigurlaug: Væmið, litlir munnar eflaust
kátir með bragðið.
Ágúst: Smartísegg fyrir krakkana.
Nóa Síríus páskaegg
Axel: Sætt mjólkursúkkulaði.
Nanna: Svolítið nostalgískt bragð.
Sigurlaug: Klassískt bragð, eitthvað
sem minnir á æsku mína, vantar þó að
hafa fylltan fót.
Ágúst: Sætt en gott.
Einkunnagjöf:
Páskaegg Axel Nanna Sigurlaug Ágúst Meðaltal
Hraunegg frá Góu 1,5 1,5 1,5 3,0 1,88
Draumaegg frá Freyju 2,5 2,0 2,0 1,0 1,88
Nóa Siríus páskaegg 2,5 3,0 4,0 2,5 3,00
Fjöregg án mjólkur frá Freyju 3,5 4,0 4,0 3,5 3,75
Karamellukurl frá Nóa 3,5 2,5 2,5 4,5 3,25
Lakkríspáskaegg frá Góu 2,0 1,5 2,0 1,5 1,75
Nóa Kropp egg 2,0 2,5 2,0 2,5 2,25
Lakkrísegg frá Nóa 3,5 2,0 3,0 4,0 3,13
Konsum frá Nóa 1,5 3,0 2,0 2,0 2,13
Mjólkurlaust frá Nóa 1,0 2,0 2,0 1,5 1,63
Súkkulaðiperlur frá Nóa 3,5 3,5 2,5 3,0 3,13
Rísegg frá Freyju 1,5 2,0 2,0 2,0 1,88
Góu páskaegg 0,5 0,5 0,5 0,5 0,50
3-4 3-4 5
Dómnefndin Sigurlaug,
Axel, Ágúst og Nanna völdu
páskaegg ársins.