Dagblaðið Vísir - DV - 30.03.2012, Blaðsíða 38

38 30. mars–1. apríl 2012 Helgarblað
Stórafmæli Berglind Brynjarsdóttir skólaliði 40 ára 1. apríl
32 ára 31. mars
Norah Jones, hin íðilfagra söngkona
sem nýlega frestaði tónleikum vegna
taugaáfalls.
63 ára 30. mars
Al Gore, fyrrverandi varaforseti í tíð Bill
Clinton og nóbelsverðlaunahafi.
50 ára 1. apríl
Skoska söngkonan Susan Boyle sem
sigraði heiminn eftir þátttöku í breskri
hæfileikakeppni.
Framandi brauðtertur
n Marokkósk og ítölsk brauðterta
B
rauðtertur hafa lengi
verið vinsælar á Íslandi
eins og í Norðurlöndum
almennt. Á Íslandi er
hefðin að laga brauðtertur
með majónesi, rækjum og
gúrku eða með aspas og
skinku. Meginuppistaðan í
brauðtertum getur hins vegar
verið afar fjölbreytt og gaman
að breyta einnig um lögun og
laga brauðterturnar í hring
fremur en ferning.
Hér eru nokkrar góðar hug-
myndir að öðruvísi brauð-
tertum til þess að laga yfir
páskana eða í komandi
veislum og mannfögnuðum.
Marokkósk
brauðterta:
Innihald
Brauðtertubrauð
Hummusblanda:
safi úr ½ sítrónu
3 dl niðursoðnar kjúklingabaunir
1–2 marðir hvítlauksgeirar
1 msk. tahini
2–3 msk. ólífuolía
1–1 ½ dl grísk jógúrt
Kjúklingafylling:
1 grillaður kjúklingur
2 ½ dl grísk jógúrt
½–1 msk. harissa, norðurafrískt
krydd
2 dl fínt rifin söltuð gúrka
Til skrauts:
4 dl sýrður rjómi
1 marinn hvítlauksgeiri
salt og piparklettasalat, mynta,
ólífur og sítróna
Ítölsk
brauðterta
Innihald
9 lengjur af hvítu brauðtertu-
brauði
150 gr gráðostur eða gorgonzola-
ostur
10 sólþurrkaðir tómatar í olíu
1 dl steinlausar svartar ólífur
250 gr rjómaostur
2 dl sýrður rjómi
1 marinn hvítlauksgeiri
1 dl gróft skorin basilíka
1 dl gróft skorið klettasalat
Til skrauts:
1 dl rjómaostur
klettasalat
kirsuberjatómatar
svartar ólífur
parmaskinka eða önnur fínt
skorin ítölsk skinka
„Alltaf reynt
að plata mig“
É
g er stolt af því að vera
fædd á Sólvangi og
því Gaflari í gegn. Það
verður enginn Gaflari
nema vera fæddur í Firð-
inum.“ segir Berglind sinni
björtu röddu.
Hafnarfjörðurinn var
heillandi fyrir börn að alast
upp í og margt skemmti-
legt þar að gera. Ég byrjaði
ung að vinna mér inn pen-
inga þar með því að bera út
DV. Það var mjög skemmti-
legt, á þeim árum kom blaðið
út um hádegi á virkum dög-
um en á laugardögum vakn-
aði ég klukkan sex til að koma
blaðinu til áskrifenda. Þess
vegna þótti mér vænt um það
þegar hringt var í mig út af
þessu viðtali í blaðið mitt.“
Sem barn var Berglind al-
veg viss um að hún ætlaði að
setjast að í sveit þegar hún yrði
stór og njóta nándar við nátt-
úruna. „Ég og frænka mín ætl-
uðum að verða bóndakonur
og vera með fullt af dýrum.
Það áttu að vera allar tegundir
úr dýraflórunni hjá okkur og
við ætluðum líka að eiga eina
stelpu hvor. Það var aldrei
inni í þessari sýn okkar að
vera með neina karla nálægt
okkur,“ segir hún gamansöm
og nýtur þess að skoða æsku-
myndir hugans.
„Þegar fram liðu stundir
fór ég að vinna við ýmislegt en
ekkert af því tengdist sveitinni
eða dýrunum sem heilluðu í
æsku. Ég fór til Þýskalands sem
au pair og ætlaði að vera þar í
eitt ár en var í tvö og hálft ár. Nú
er ég skólaliði í Smáraskóla og
það er frábært, það er svo gam-
an að vinna með börnunum.“
Þegar Berglind er spurð
um einhvern eftirminnilegan
dag eða viðburð færist glettið
bros yfir andlit hennar. „Það
var kannski ekki alveg hlægi-
legt þegar það gerðist en við
erum búin að hlæja mikið að
því síðan. Við erum stundum
aðeins að glettast hvort við
annað – ég og minn elsku-
legur. Þegar ég fór í óléttu-
tékk kom í ljós að ég var með
tvíbura. Auðvitað hringdi ég
í minn mann, hann var upp-
tekinn í vinnunni og ég spurði
hvort hann væri sitjandi en
hann sagðist standa. Ég bað
hann um að draga djúpt and-
ann og sagði honum svo að
ég væri ólétt og það væru tví-
burar. Hann þagði smá stund
en spurði svo hvað ég hefði
sagt. Ég endurtók það allt og
við tók drykklöng stund án
orða. Svo var eins og hann
áttaði sig og sagði: „Ég tala
við þig seinna“ og skellti á
mig. Þegar ég svo náði í hann
í vinnuna um kvöldið kom
hann brosmildur út, snaraði
sér inn í bílinn og sagði að ég
hefði nærri náð sér í dag. Það
var sætur á honum svipurinn
þegar ég sagði honum að ég
hefði ekki náð honum, við
ættum von á tvíburum. Hann
hafði bara skellti á mig,“ seg-
ir þessi glaða kona skellihlæj-
andi og slær sér á lær.
Aðspurð hvernig sé að
eiga afmæli á þessum merka
degi þegar allt er leyfilegt
– að plata og hrekkja, segir
hún það vera skemmtilegt en
kosti varðstöðu. „Alltaf þegar
ég segi frá því að ég eigi af-
mæli 1. apríl fer fólk að hlæja
eða heldur að ég sé bara að
plata það. Stundum er líka
sagt við mig að það sé ekkert
að marka mig, ég hafi fæðst 1.
apríl, þannig að það er öðru-
vísi að eiga afmæli þennan
dag. Ég er sérlega vör um mig
á afmælisdaginn enda hefur
fólk alltaf reynt að plata mig á
þessum degi. Ótrúlega marg-
ir sem hafa reynt að spila
með mig en ég hef alltaf verið
vel á verði og reynt að passa
mig. Enda man ég ekki eft-
ir að tekist hafi að ginna mig
á afmælisdaginn þó það geti
svo sem vel verið þó mig reki
ekki minni til þess. En núna
verður væntanlega breyting
á, dæturnar hafa tilkynnt mér
að nú verði ég plötuð. Þetta
sé löglegur „hrekkidagur“ og
þær muni nota hann,“ segir
hún full tilhlökkunar að sjá
hvernig stelpunum tekst til.
Skemmtilegt en
kostar varðstöðu „Ég
er sérlega vör um mig á
afmælisdaginn enda hefur
fólk alltaf verið að reyna að
plata mig á þessum degi.“
Foreldrar:
n Erna Ágústsdóttir húsmóðir
f. 1944
n Brynjar Sigurðsson, sjómaður
og bifvélavirki, f. 1945
Maki:
n Benedikt Einarsson
tæknifræðingur f. 1963
Börn:
n Erna Guðríður Benediktsdóttir
f. 1985
n Anna Margrét Benediktsdóttir
f. 1997
n Brynja Dögg Benediktsdóttir
f. 2005
n Emma Dís Benediktsdóttir f.
2005
n Ísabella Ósk Benediktsdóttir
f. 2009
Systkin:
n Steinunn Dagbjört
Brynjarsdóttir
viðskiptafræðingur f. 1965
n Brynja Rut Brynjarsdóttir
viðskiptafræðingur f. 1969
n Erna Dögg Brynjarsdóttir
bókari f. 1980
30. mars
1802 Bólusetning við kúabólu
var lögboðin á Íslandi og var það
með fyrstu löndum til slíkrar
lagasetningar.
1816 Hið íslenska
bókmenntafélag var stofnað.
Það gefur út Skírni, sem er elsta
tímarit á Norðurlöndum.
1858 Hymen Lipman fékk skráð
einkaleyfi á blýanti með áföstu
strokleðri.
1867 Bandaríkin keyptu Alaska
af Rússum fyrir 7,2 milljónir
dollara.
1934 Eldgos hófst í
Grímsvötnum í Vatnajökli og olli
hlaupi í Skeiðará.
1945 Síðari heimsstyrjöldin:
Sovétmenn réðust inn í
Austurríki og hertóku Vínarborg.
1949 Alþingi Íslendinga
samþykkti aðild landsins að
NATO, en við það brutust út
óeirðir á Austurvelli.
1981 Ronald Reagan var skotinn
í brjóstið fyrir utan hótel í
Washington.
1985 Mótefni gegn eyðniveiru
fundust í fyrsta sinn í blóði
Íslendings.
2006 Sinueldar kviknuðu í
Hraunhreppi í Mýrasýslu og
brunnu í yfir tvo sólarhringa.
Þetta eru mestu sinueldar sem
um er vitað á Íslandi og brunnu
um 67 ferkílómetrar lands.
31. mars
1863 Kona kaus í fyrsta sinn
í bæjarstjórnarkosningum á
Íslandi og var það maddama
Vilhelmina Lever á Akureyri.
1889 Eiffelturninn var vígður.
1917 Bandaríkin keyptu Dönsku
Vestur-Indíur af Dönum og
borguðu 25 milljónir dollara
fyrir. Síðan hafa eyjarnar heitið
Bandarísku Jómfrúaeyjar.
1931 Jarðskjálfti lagði Managva
í Níkaragva í rúst og 2.000
manns létu lífið.
1955 Togarinn Jón Baldvinsson
strandaði við Reykjanes. Allri
áhöfninni, 42 mönnum, var
bjargað.
1966 Sovétríkin skutu upp
geimfarinu Luna 10 og komu því
á sporbaug um tunglið.
1967 Á Raufarhöfn mældist 205
sentimetra snjódýpt og þykir
það með fádæmum í þéttbýli á
Íslandi.
1979 Steingrímur Hermannsson
tók við af Ólafi Jóhannessyni sem
formaður Framsóknarflokksins.
1991 Varsjárbandalagið var
leyst upp.
1. apríl
1807 Trampe stiftamtmaður
setti reglugerð um brunavarnir í
Reykjavík. Bannað var að reykja
pípu innanhúss og nálægt
eldfimum efnum.
1855 Einkaréttur Dana til
verslunar á Íslandi var aflagður
og máttu Íslendingar eftir það
versla við allar þjóðir.
1873 Hilmar Finsen varð fyrsti
landshöfðingi Íslands. Hann var
áður stiftamtmaður en síðar
borgarstjóri í Kaupmannahöfn.
1896 Álafoss hóf ullarvinnslu.
1924 Adolf Hitler var dæmdur í
fimm ára fangelsi fyrir þátttöku
sína í valdaránstilraun í München
árið 1923. Hann sat þó aðeins inni
í níu mánuði.
1936 Alþýðutryggingalög gengu
í gildi á Íslandi.
1955 Aprílgabb birtist í
Tímanum um væntanlegan
fund æðstu ráðamanna heims í
Reykjavík. Slíkur fundur varð ekki
á dagskrá fyrr en 31 og hálfu ári
síðar, 10. október 1986.
1976 Tölvufyrirtækið Apple
var stofnað af Steve Jobs, Steve
Wozniak og Mike Markkula.
1984 Marvin Gaye, söngvari,
var skotinn til bana af föður
sínum.
Merkis-
atburðir